(၁၉၉၀)ခုနှစ်ဝန်းကျင်မှာ ဆိုဗီယက်ပြည်ထောင်စုပြိုကွဲခဲ့ကတည်းက ကာဇက်စတန်နိုင်ငံကိုဦးဆောင်ပေးခဲ့တဲ့ ကာဇက်စတန် သမ္မတ နာဆူလ်တန် နာဇာဘိုင်ရိဗ် ဟာမတ်လ(၁၉)ရက်မှာ သမ္မတရာထူးကနေ နုတ်ထွက်လိုက်ပါတယ်။ ဒီဆုံးဖြတ်ချက်ကို ချဖို့ ကမလွယ်ကူခဲ့ပေမဲ့ ခေါင်းဆောင်မျိုးဆက်သစ်ကို ကူညီဖို့ သူလိုလားတာကြောင့် အခုလိုဆုံးဖြတ်ခဲ့တာလို့ နာဇာဘိုင်ရိဗ်က ရုပ် သံတစ်ခုမှာပြောပါတယ်။ အသက်(၇၈)အရွယ်ရှိနာဇာဘိုင်ရိဗ်ဟာ (၁၉၈၉)ခုနှစ်ကတည်းက ရေနံကြွယ်ဝတဲ့နိုင်ငံရဲ့ခေါင်းဆောင် တစ်ဦးအနေနဲ့ စိန်ခေါ်မှုမရှိခဲ့သူလည်းဖြစ်ပါတယ်။ နာဇာဘိုင်ရိဗ်ရဲ့ သမ္မတသက်တမ်းကလာမယ့်(၂၀၂၀)ခုနှစ် ဧပြီလမှာပြည့်မှာ ဖြစ်ပြီး အခုလိုနုတ်ထွက်လိုက်တဲ့အတွက် လစ်လပ်သွားတဲ့သမ္မတနေရာကို ကာဇက်စတန်အထက်လွှတ်တော်ဥက္ကဌ ကာဇမ် ဂျိုမတ် တိုကာရက်ဗ်က ရွေးကောက်ပွဲသစ်ကျင်းပမယ့်အချိန်အထိတာဝန်ယူပေးသွားမှာဖြစ်တယ်လို့ နာဇာဘိုင်ရိဗ်ကပြောပါ တယ်။ ကာဇက်စတန်ရဲ့စီးပွားရေးကိုတိုးတက်ကောင်းမွန်အောင်လုပ်ဆောင်ရာမှာ အောင်မြင်မှုမရှိတဲ့အတွက် ကာဇက်စတန် အစိုးရအဖွဲ့ကို ဖေဖော်ဝါရီ(၂၁)ရက်မှာ နာဇာဘိုင်ရိဗ်ကထုတ်ပယ်ခဲ့ပြီးနောက် ရက်သတ္တပတ်အနည်းငယ်အကြာမှာ သမ္မတရာထူး ကနေ နုတ်ထွက်တဲ့ဖြစ်ရပ်ပေါ်ထွက်လာတာဖြစ်ပါတယ်။

 

 

Related News