ဗြိတိန်နိုင်ငံမှာ တပ်ဆင်ခဲ့တဲ့ ကမ္ဘာ့လေထုညစ်ညမ်းမှုစောင့်ကြည့်ဂြိုလ်တုကို ရုရှားနိုင်ငံကနေ လွှင့်တင်လိုက်ပြီဖြစ်ပါတယ်။ နယ်သာလန်နိုင်ငံကနေ ပုံစံထုတ်ခဲ့တဲ့ဒီဂြိုလ်တုဟာ လေ့လာမှုပေါင်း သန်း ၂၀ ကို နေ့စဉ်ပြုလုပ်မှာဖြစ်ပြီး လေထုညစ်ညမ်းမှု ဖြစ်ပွားစေတဲ့ဓာတ်ငွေ့တွေရဲ့မြေပုံတွေနဲ့ ကမ္ဘာမြေကို ထိခိုက်စေတဲ့လေထုတွင်းက အမှုန်တွေစုဝေးနေတဲ့လမ်းကြောင်းကိုလည်း လေ့လာမှာဖြစ်ပါတယ်။

ဆန်တီနယ် ဖိုက် ပီ(Sentinel-5P)လို့ခေါ် ဒီဂြိုလ်တုဟာ ဥရောပသမဂ္ဂ (EU) ရဲ့ မြေပြင်စောင့်ကြည့် လေ့လာရေးအစီအစဉ်တစ်စိတ်တစ်ပိုင်းဖြစ်ပါတယ်။ S5P ကနေ ပထမဆုံးရေဒီယိုဆက်သွယ်မှုရရှိပြီဖြစ်တာကြောင့် ဂြိုလ်တုဟာ သတ်မှတ်နေရာမှာ စတင်လည်ပတ်နေပြီဆိုတာကို မြေပြင်ထိန်းချုပ်ရေးစင်တာကပညာရှင်တွေက အတည်ပြုပြီး ဖြစ်ပါတယ်။ ရေဒီယိုဆက်သွယ်မှုဟာ ဒုံးပျံပစ်စင်ကနေ ဂြိုလ်တုကိုလွှတ်တင်အပြီး ၉၃ မိနစ်မှာ စတင်ခဲ့တာဖြစ်ပြီး ဆွီဒင်နိုင်ငံပေါ်ကနေ စတင်လည်ပတ်တာဖြစ်ပါတယ်။

ဥရောပသမဂ္ဂဟာ ဥရောပအာကာသအေဂျင်စီရဲ့အကူအညီနဲ့ ကမ္ဘာမြေစောင့်ကြည့်ရေးဂြိုလ်တု တွေကို လာမယ့်နှစ်တွေအတွင်း လွှင့်တင်ဖို့ရှိနေပါတယ်။ အဲဒီဂြိုလ်တုတွေကိုလည်း ဆန်တီနယ်ဂြိုလ်တု တွေလို့ပဲ ခေါ်ဝေါ်မှာဖြစ် ပြီး ဂြိုလ်တုတွေဟာ အချက်အလက်တွေစုစည်းကာ အီးယူအဖွဲ့ဝင်နိုင်ငံ တွေကြား အချက်အလက်မျှဝေရေးလုပ်ဆောင်မှာဖြစ်ပါတယ်။ ဂြိုလ်တုတွေဟာ ကမ္ဘာ့လေထုကို ညစ်ညမ်းစေတယ်လို့ယူဆထားတဲ့ နိုက်ထရိုဂျင်ဒိုင်အောက်ဆိုဒ်၊ အိုဇုန်း၊ ဆာလဖာဒိုင် အောက်ဆိုဒ်၊ မီသိန်းနဲ့ကာဗွန်မိုနောက်ဆိုဒ်တို့လို ဓာတ်ငွေ့တွေရဲ့ကမ္ဘာလုံးဆိုင်ရာအချက်အလက်တွေကို စုစည်းပေးမှာဖြစ် ပါတယ်။