အဲဗာတန်အသင်းရဲ့ တိုက်စစ်ပိုင်းမှာ အဓိကကစားသမားအဖြစ်ရပ်တည်နေတဲ့ တိုက်စစ်မှူး လူကာကူဟာ လက်ရှိထွက်ပေါ်နေတဲ့ သတင်းတွေအရအသင်းမှ စာချုပ်သစ်ချုပ်ဆိုဖို့ ကမ်းလှမ်းခဲ့ပေမယ့်သူအနေနဲ့ငြင်းဆိုခဲ့ တာဖြစ်ပါတယ်။ အဲဗာတန်အသင်းကို (၂၀၁၄)ခုနှစ်မှာ ချယ်ဆီးအသင်းမှပြောင်းရွေ့ခဲ့တဲ့ တိုက်စစ်မှူး လူကာကူဟာ စတင် ပြောင်းရွေ့ခဲ့ချိန်မှ လက်ရှိအချိန်ထိ အဓိကပွဲထွက်ကစားသမားအဖြစ် ပါဝင်ခွင့်ရရှိခဲ့တာ ဖြစ်ပါတယ်။ လူကာကူဟာ (၂၀၁၄-၁၅)ဘောလုံးရာသီ ပြိုင်ပွဲစုံ(၄၈)ပွဲမှာ သွင်းဂိုး(၂၀)၊ (၂၀၁၅-၁၆) ဘောလုံးရာသီ ပြိုင်ပွဲစုံ(၄၆)ပွဲမှာ (၂၅) ဂိုးသွင်းယူခဲ့ပါတယ်။လူကာကူအနေနဲ့ လက်ရှိအချိန်မှာ ပရီးမီးယားလိဂ်ပွဲစဉ်(၂၇)အပြီးသွင်းဂိုး (၁၉)ဂိုးထိ သွင်းယူထားသလို ပရီးမီးယားလိဂ်ဂိုးသွင်းအများဆုံး ကစားသမားစာရင်းမှာလည်း ထိပ်ဆုံးမှရပ်တည်နေပါတယ်။

ယခု နှစ်ရာသီမှာ ပိုမိုခြေစွမ်းပြကစားနေတဲ့ လူကာကူကိုအဲဗာတန်အသင်းကတစ်ပတ်လုပ်ခပေါင်(၁)သိန်း(၃) သောင်းထိပေးကာစာချုပ်သစ်ချုပ်ဆိုဖို့ ပြင်ဆင်နေပေမယ့် လူကာကူဟာ စာချုပ်သစ်မှာလက်မှတ်ရေးထိုးဖို့ငြင်း ဆန်ခဲ့ပါတယ် ။လူကာကူဟာ အနာဂတ်မှာ ချန်ပီယံလိဂ်ပြိုင်ပွဲကစားကာ၊ ဆုဖလားတွေရယူလိုတဲ့ သူရဲ့ဆန္ဒအရ အဲဗာတန်အသင်းကို စွန့်ခွာပြီး ချန်ပီယံလိဂ်ဝင်ခွင့်ရအသင်းတစ်သင်းကို ပြောင်းရွေ့လိုနေတာကြောင့် စာချုပ် သစ်ချုပ်ဆိုဖို့ ငြင်းဆန်ခဲ့တယ်လို့သတင်းတွေထွက်ပေါ်ခဲ့တာဖြစ်ပါတယ်။လက်ရှိအချိန်မှ အဲဗာတန်အသင်းမှာ အနာဂတ်လှုပ်ခတ်နေတဲ့ တိုက်စစ်မှူးလူကာကူကို အသင်းဟောင်းချယ်ဆီး၊ မန်ယူအသင်းတို့က မြင့်မားတဲ့လစာငွေပေးကာအရခေါ်ယူဖို့စီစဉ်နေတာဖြစ်ပါတယ်။

 

 

Related News