ပရီးမီးယားလိဂ်မှာ အလယ်လတ်အသင်းတစ်သင်းအဖြစ်ရပ်တည်နေတဲ့ အဲဗာတန်အသင်းဟာ လာမယ့်နွေရာ သီအပြောင်းအရွေ့ကာလမှာ အသင်းရဲ့အဓိကကစား(၂)ဦးကို ဆုံးရှုံးရမယ့်အရေးနဲ့ ရင်ဆိုင်နေရပါတယ်။လက်ရှိပွဲထွက်ကစားသမား(၁၁)ဦးစာရင်းမှာ အရေးပါတဲ့ကစားသမား(၂)ဦးဖြစ်တဲ့ တိုက်စစ်မှူးလူကာကူနဲ့ ကွင်းလယ်ကစားသမားဘာကလေတို့ဟာ အဲဗာတန်အသင်းရဲ့ ပုံရိပ်ကစားသမားတွေ အဖြစ်ရပ်တည်နေတာဖြစ်ပါတယ်။ လူကာကူဟာ ချယ်ဆီးအ သင်းမှ ပြောင်းရွေ့လာခဲ့တဲ့(၂၀၁၄)ခုနှစ်မှစတင်ကာ အဓိကတိုက်စစ်မှူးအဖြစ်ပွဲထွက်ခွင့်ရရှိနေ တဲ့ကစားသမား ဖြစ်ပါတယ်။ 

ဒါ့အပြင်ယခုနှစ်ရာသီပရီးမီးယားလိဂ်ပြိုင်ပွဲမှာလည်း သွင်းဂိုး(၁၉)ဂိုးသွင်းယူကာ ဂိုးအများဆုံးသွင်းယူထားတဲ့ ကစားသမားစာရင်းမှာ ထိပ်ဆုံးမှ ရပ်တည်နေတာ ဖြစ်ပါတယ်။ ကွင်းလယ်ကစားသမားဘာကလေကတော့ အဲဗာတန် အကယ်ဒမီထွက်ကစားသမားတစ်ဦးဖြစ်ပြီး အဲဗာတန်အတွက်(၂၀၁၀-၁၁) ရာသီမှစတင်ကာ ပြိုင်ပွဲစုံ(၁၆၈)ပွဲထိ ကစားထားတာဖြစ်ပါတယ်။ အဲဗာတန်အသင်းအတွက် အရေးပါတဲ့ အဆိုပါကစားသမား(၂)ဦး ဟာလက်ရှိအချိန်မှာ အဲဗာတန်အသင်းနဲ့စာချုပ်သစ်ချုပ်ဆိုဖို့ သဘောတူညီမှုရရှိ ခြင်းမရှိသေးပဲ ထိပ်တန်း အသင်းကြီးတွေက ခေါ်ယူဖို့စောင့်ကြည့်နေတာကြောင့် အဲဗာတန်အတွက်စိုးရိမ်ရမယ့် အခြေနေနဲ့ရင်ဆိုင်နေရတာ ဖြစ်ပါတယ်။

လက်ရှိထွက်ပေါ်နေတဲ့ သတင်းတွေအရ အဲဗာတန်ရဲ့သက်တမ်းတိုးစာချုပ်ကမ်းလှမ်းမှုကို ငြင်း ဆိုထားတဲ့လူကာကူရဲ့ အေးဂျင့်ရိုင်အိုလာနဲ့ မန်ယူအသင်းအမှုဆောင်ချုပ် ၀ုဒ်ဝက်တို့ဟာ မန်ချက်စတာမြို့က ဟိုတယ်တစ်ခုမှာ တွေ့ဆုံကာအပြောင်းအရွေ့အတွက် ဆွေးနွေးခဲ့တယ်လို့ သတင်းတွေက ဖော်ပြခဲ့ပါတယ်။ ဒါ့အပြင် ကွင်းလယ်လူဘာကလေအတွက် အဲဗာတန်အသင်းနည်းပြရော်နယ်ကိုးမန်းကလည်း အသင်းနဲ့စာချုပ်သစ်ချုပ်ဆိုခြင်းမပြုပါက လာမယ့်နွေရာသီ အပြောင်းအရွေ့မှာ ရောင်းချမှာဖြစ်တယ်လို့ သတိပေးမှုပြုလုပ်ခဲ့ပါတယ်။လက်ရှိထွက်ပေါ်နေတဲ့ သတင်းတွေအရ တိုက်စစ်မှူး လူကာကူကို အသင်းဟောင်းချယ်ဆီးနဲ့ တိုက်စစ်မှူး ကောင်းလိုအပ်နေတဲ့မန်ယူတို့က ခေါ်ယူလိုနေပြီး၊ ကွင်းလယ်လူ ဘာကလေကိုလည်း ချယ်ဆီး၊ မန်စီးတီးတို့က ခေါ်ယူဖို့စောင့်ကြည်နေတာဖြစ်ပါတယ်။

 

 

 

Related News