နည်းပြအန်ဆယ်လော့တီနှင့် လမ်းခွဲခဲ့သောဘိုင်ယန်မြူးနစ်အသင်းသည် ယခုရာသီကုန်အထိနည်းပြဟောင်းဂျက်ဟေးနက်စ်အားနည်းပြအဖြစ် ပြန်လည်ခန့်အပ်လိုက်ပြီဖြစ်ကြောင်းသိရသည်။ ဘိုင်ယန်မြူးနစ်အနေဖြင့် ယခုရာသီအစတွင် ရလဒ်ကောင်းများရယူနိုင်ခြင်းမရှိသည့်အတွက် နည်းပြအန်ဆယ်လော့တီအားရာထူးမှ ထုတ်ပယ်ခဲ့ခြင်း ဖြစ်သည်။

အသင်း၏နည်းပြအဖြစ် ခန့်အပ်ရန်အတွက် တခြားနာမည်ကျော်နည်းပြများအားပစ်မှတ်ထားစဉ်းစားနေသော် လည်းယခုလတ်တလောတွင် ယခင်နည်းပြဟောင်းဟေးနက်စ်အားရာသီကုန်အထိ တာဝန်ပြန်လည်ပေးအပ်ရန် ဆုံးဖြတ် လိုက်ခြင်းဖြစ်သည်။

လက်ရှိတွင် အသက် (၇၂) နှစ်အရွယ်ရှိ ၀ါရင့်နည်းပြဟောင်းဟေးနက်စ်သည် ဘိုင်ယန်မြူးနစ်အသင်းအား ၁၉၈၇ ခုနှစ်မှ ၁၉၉၉ ခုနှစ်၊ ၂၀၀၉ ခုနှစ် (ယာယီ)၊ ၂၀၁၁ ခုနှစ်မှ ၂၀၁၁ ခုနှစ်ကာလများအတွက် ကိုင်တွယ်အုပ်ချုပ်ခဲ့ ဖူးကာယခုတစ်ကြိမ်တွင် အသင်း၏နည်းပြအဖြစ် စတုတ္ထအကြိမ်မြောက် ပြန်လည်ကိုင်တွယ်ခွင့်ရရှိခဲ့ခြင်းဖြစ်သည်။ ဟေးနက်စ်သည် ၄င်းတာဝန်ယူခဲ့သည့် ၂၀၁၂-၂၀၁၃ ခုနှစ်ရာသီအတွက် အသင်း၏သမိုင်းကြောင်းတစ်လျှောက် ပထမဦးဆုံးအကြိမ် အဖြစ် ဘွန်ဒက်စ်လီဂါ၊ ချန်ပီယံလိဂ်၊ ဂျာမန် အစရှိသည့်ဖလားသုံးလုံးအားဆွတ်ခူးရယူနိုင်ခဲ့ပြီးနောက် နည်းပြလောကမှ အနားယူလိုက်သူဖြစ်ကြောင်းသိရသည်။ 

 

 

Related News