ပရီးမီးယားလိဂ်ကိုလာရောက်ကစားနေတဲ့ ပြည်ပကစားသမားတွေထဲမှာဥရောပနိုင်ငံများမှ ကစားသမား တွေအများဆုံးပါဝင်နေပြီး စပိန်ကစားသမားတွေဟာ အရေအတွက်အများဆုံးနဲ့ ထိပ်ဆုံးမှရပ်တည်နေပါတယ်။ 
ယခုနှစ်ဘောလုံးရာသီ ပရီးမီးယားလိဂ်မှာကစားနေတဲ့ ပြည်ပကစားသမားဦးရေဟာ (၂၉၀) ခန့်ရှိနေပြီး မတူကွဲပြားတဲ့နိုင်ငံ (၅၆) နိုင်ငံမှကစားသမားတွေ လာရောက်ကစားနေကြတာ ဖြစ်ပါတယ်။ ပရီးမီးယားလိဂ်ရဲ့ ပြည်ပကစားသမားတွေထဲမှာ စပိန်နိုင်ငံမှကစားသမားတွေဟာ အရေအတွက်အများဆုံးအဖြစ်ပါဝင်နေပြီး စပိန် ကစားသမား (၃၁)ဦးအထိရှိနေပါတယ်။
 
လက်ရှိပရီးမီးယားလိဂ်ပြိုင်ပွဲမှာ စပိန်နိုင်ငံအပါအ၀င် ဥရောပနိုင်ငံများမှ ကစားသမားတွေအများဆုံး လာရောက်ကစားနေပြီး အခြားဥရောပနိုင်ငံတွေဖြစ်တဲ့ ပြင်သစ်၊နယ်သာလန်နဲ့ဘယ် ဂျီယံနိုင်ငံများမှ ကစားသမားအရေအတွက်ဟာ ယခုနှစ်ဘောလုံးရာသီမှာ ပိုမိုများပြားလာခဲ့ပါတယ်။ ပရီးမီးယား လိဂ်ရဲ့ပြည်ပကစားသမားတွေထဲမှာ ပြင်သစ်နိုင်ငံဟာ ဒုတိယမြောက်ကစားသမားဦးရေအများဆုံး နိုင်ငံအဖြစ် နံပါတ်(၂)နေရာမှာရှိနေပြီး ကစားသမား(၂၅)ဦးအထိ လာရောက်ကစားနေပါတယ်။
 
နယ်သာလန်နိုင်ငံကကစားသမား(၂၂)ယောက်နဲ့ နံပါတ်(၃)နေရာမှာရပ်တည်နေပြီး ဘယ်ဂျီယံနိုင်ငံ ကတော့ ကစားသမားအယောက်(၂၀)နဲ့ နံပါတ်(၄)နေရာရှိနေပါတယ်။ ကျန်ရှိနေသေးတဲ့ ကစားသမားဦးရေအများဆုံးနိုင်ငံတွေကတော့ အိုင်ယာလန်၊ အာဂျင်တီးနား၊ ဂျာမနီနဲ့ဘရာဇီးလ် နိုင်ငံတွေဖြစ်ကြပြီး အိုင်ယာလန်နိုင်ငံမှ ကစားသမား(၁၇)ဦး၊ အာဂျင်တီးနား နဲ့ဂျာမနီနိုင်ငံတွေမှ ကစားသမား(၁၄)ဦးစီနဲ့ ဘရာဇီးလ်နိုင်ငံမှ ကစားသမား(၁၁)ဦးအထိ ပရီးမီးယားလိဂ်မှာက စားနေကြတာဖြစ်ပါတယ်။
 
လက်ရှိပရီးမီးယားလိဂ်ပြိုင်ပွဲဟာ မတူညီကွဲပြားတဲ့နိုင်ငံအများစု ကကစားသမားတွေ လာရောက်ကစားနေကြတာဟာ ပြိုင်ပွဲအောင်မြင်မှုအတွက် အပေါင်းလက်္ခဏာဆောင်နေ ပေမယ့်လည်း အိမ်ရှင်အင်္ဂလန်နိုင်ငံသားတွေရဲ့ လက်ရွေးစင်အသင်းမှာပါဝင်ရမှုကတော့ အတော်လေး ရုန်းကန်လာရတာဖြစ်ပါတယ်။
 
 
 

Related News