ချန်ပီယံလိဂ်ပြိုင်ပွဲကို (၁၆)သင်းအဆင့်မှာထွက်ခွာခဲ့ရတဲ့PSGအသင်းဟာ လာမယ့်နွေရာသီအ ပြောင်းအရွှေ့မှာတော့ အသင်းမှကစားသမား (၈)ဦးအထိ ရောင်းထုတ်ဖွယ်ရှိနေပါတယ်။PSG အသင်းဟာ ပြည်တွင်းအမှတ်ပေးပြိုင်ပွဲဖြစ်တဲ့လီဂူးဝမ်းမှာသာ အောင်မြင်မှုများစွာ ရရှိခဲ့တဲ့အသင်း ဖြစ်ပြီး ဥရောပပြိုင်ပွဲတွေမှာတော့ ဆုဖလားအောင်မြင်မှုနဲ့ဝေးကွာနေဆဲဖြစ်ပါတယ်။ PSGအသင်းဟာ လီဂူးဝမ်း အမှတ်ပေးဖလားကို (၂၀၁၂-၁၃) ဘောလုံးရာသီကနေ (၂၀၁၅-၁၆)ဘောလုံးရာသီအထိ၊ (၄)ရာသီဆက်ရယူနိုင်ခဲ့ပေမယ့် ဥရောပပြိုင်ပွဲတွေမှာ အောင်မြင်မှုတွေနဲ့ ဝေးကွာနေခဲ့တာဟာ ဆယ်စုနှစ်(၂)ခုကျော်ကြာမြင့်ခဲ့ပြီဖြစ်ပါတယ်။

PSG အသင်းအနေနဲ့ ဥရောပပြိုင်ပွဲတွေမှာ နောက်ဆုံးအောင်မြင်မှုရရှိခဲ့တာဟာ (၁၉၉၅-၁၉၉၆) ဘောလုံးရာသီကဖြစ်ပြီးUEFA Cup (ယူရိုပါလိဂ်) ဆုဖလားကိုရယူနိုင်ခဲ့တာဖြစ်ပါတယ်။ ဒါကြောင့် ဥရောပ ပြိုင်ပွဲတွေမှာ အောင်မြင်မှုတွေကိုမျှော်မှန်းလာတဲ့PSGအသင်းအနေနဲ့ လာမယ့်နွေရာသီအပြောင်းအရွှေ့မှာ အသင်းမှနာမည်ကြီး တိုက်စစ်မှူး ကာဗာနီအပါအ၀င် ဒန်နီအဲလ်ဗတ်၊ ဗာရက်တီ၊ ရာဘီအို့နဲ့ ဒီမာရီယာတို့လို ကစားသမားတွေကို ရောင်းချဖို့စီစဉ်နေတာဖြစ်ပါတယ်။ ကာဗာနီရဲ့ခန့်မှန်း တန်ကြေးဟာ ယူရို(၈၈.၉)သန်းအထိရှိနေပြီး ဗာရက်တီကယူရို(၅၅.၆)သန်း၊ ဒန်နီအဲလ်ဗက်က ယူရို(၄.၈)သန်းနဲ့ ရာဘီအို့က ခန့်မှန်းတန်ကြေးယူရို(၃၅.၉)သန်းအထိရှိနေပါတယ်။ဒီမာရီယာရဲ့ခန့်မှန်းတန်ကြေးဟာ ယူရို(၂၃.၈)သန်းရှိနေပြီး ပတ်စတိုရီက ယူရို(၅.၁)သန်း၊ ကာဇာဝါကယူရို(၁၆.၂)သန်းနဲ့ ယူရီကယူရို(၁၂.၃)သန်းအထိ ခန့်မှန်းတန်းကြေးတွေထွက် ပေါ်နေပါတယ်။ 

 

 

Related News