ဂျာမန်ဘွန်ဒက်လီဂါအသင်းကြီး (၂) သင်းဖြစ်ကြတဲ့ ဒေါ့မွန်အသင်းနဲ့ ဘိုင်ယန်မြူးနစ် အသင်းတို့ဟာ အသင်းရဲ့အဓိကကစားသမားတွေကို စာချုပ်သက်တမ်းတိုးနိုင်ခဲ့တာဖြစ်ပါတယ်။ ဒေါ့မွန်အသင်းဟာ အသင်းရဲ့တိုက်စစ်ကစားသမားမာကိုရူးစ်ကို သက်တမ်းတိုး စာချုပ်ချုပ်ဆိုနိုင်ခဲ့သလို ဘိုင်ယန်မြူးနစ်အသင်းဟာလည်း ညာနောက်ခံလူကင်မစ်ခ်ျကို စာချုပ်သစ် ချုပ်ဆိုနိုင်ခဲ့ပါတယ်။ 
 
ဒေါ့မွန်အသင်း ဟာ မာကိုရူးစ်ကို (၂၀၂၃) ခုနှစ်အထိ အသင်းမှာဆက်ရှိနေမယ့် စာချုပ်သစ်တစ်ရပ်ချုပ်ဆိုနိုင်ခဲ့ပြီး ဘိုင်ယန်မြူး နစ်အသင်းဟာလည်း ကင်မစ်ခ်ျကို (၂၀၂၃) ခုနှစ်အထိသက်တမ်းတိုးနိုင်ခဲ့တာဖြစ်ပါတယ်။ ဒေါ့မွန်အသင်းရဲ့အဓိကကစားသမားဖြစ်တဲ့ မာကိုရူးစ်ဟာ ခြေစွမ်းပိုင်းကောင်းမွန်တဲ့ကစားသမားတစ်ဦးဖြစ်ပေမယ့် နောက်ပိုင်း ဘောလုံး ရာသီတွေမှာ ဒဏ်ရာပြဿနာတွေနဲ့မကြာခဏကြုံတွေ့ခဲ့ရတာကြောင့် ရုန်းကန်နေခဲ့ရပါတယ်။
 
သူ့အနေနဲ့ လက်ရှိအချိန်မှာတော့ ဒဏ်ရာပြဿနာကင်းစင်နေပြီး အသင်းနဲ့အတူပြန်လည် ပွဲထွက်ခွင့်ရရှိနေတာဖြစ်ပါတယ်။ သူ့အနေနဲ့ ဒေါ့မွန်အသင်းနဲ့အတူ နောက်ဆုံးယှဉ်ပြိုင်ကစားခဲ့တဲ့ ဘွန်ဒက်လီဂါပွဲစဉ် (၃)ပွဲမှာ (၃) ပွဲ ဆက်ဂိုးသွင်းနိုင်ယူနိုင်ခဲ့ပြီး၊ ယခုနှစ်ဘောလုံးရာသီ အသင်းနဲ့ပါဝင်ကစားခဲ့တဲ့ ဘွန်ဒက်လီဂါပွဲစဉ် (၄) ပွဲမှာ (၃) ဂိုးအထိသွင်းယူနိုင်ခဲ့ပါတယ်။ ဘိုင်ယန်မြူးနစ်အသင်းနဲ့ သက်တမ်းတိုးစာချုပ်ချုပ်ဆိုနိုင်ခဲ့တဲ့ ညာနောက်ခံလူ ကင်မစ်ခ်ျဟာလည်း အသင်းအတွက်အရေးပါတဲ့ကစားသမားတစ်ဦးဖြစ်ပြီး တိုက်စစ်ရော၊ ခံစစ်ပါမျှတအောင် ကစားနိုင်တဲ့နောက်ခံလူတစ်ဦးပဲဖြစ်ပါတယ်။ 
 
အသင်းဖော်တွေအတွက် ဂိုးဖန်တီးမှုတွေပြုလုပ်ပေးနိုင်ရုံသာမက ကိုယ်တိုင်လည်းဂိုးသွင်းယူနိုင်တဲ့ ညာနောက်ခံလူတစ်ဦးဖြစ်ပြီး ယခုနှစ် ဘောလုံးရာသီ ဘိုင်ယန်မြူးနစ်အသင်းနဲ့ အတူဘွန်ဒက်လီဂါပွဲစဉ် (၂၁)ပွဲအထိ ပါဝင်ကစားခဲ့ရာမှာ ဂိုးဖန်တီးမှု(၈)ကြိမ်အထိ ပြုလုပ်ပေးနိုင်ခဲ့သလို သွင်း ဂိုး(၁)ဂိုးပါ ရယူပေးနိုင်ခဲ့ပါတယ်။ ဒါ့အပြင်ကင်မစ်ခ်ျဟာ ဘိုင်ယန်မြူးနစ်အသင်းနဲ့အတူ ပြိုင်ပွဲအရပ်ရပ် (၁၀၉)ပွဲ ပါဝင်ကစားခဲ့ရာမှာ (၁၃)ဂိုးအထိသွင်းယူနိုင်ခဲ့တဲ့ နောက်ခံလူတစ်ဦးလည်းဖြစ်ပါတယ်။
 
 
 
 

Related News