ချယ်ဆီးအသင်းတိုက်စစ်ပိုင်းမှာ သွင်းဂိုးတွေရရှိဖို့ရုန်းကန်နေရတဲ့ တိုက်စစ်မှူးမိုရာတာကတော့ စပိန်အသင်း တိုက်စစ်ပိုင်းမှ ပုံမှန်ပွဲထွက်ခွင့်တစ်နေရာအတွက် အခြား တိုက်စစ်မှူး(၃)ဦး နဲ့ယှဉ်ပြိုင်ရဖို့ရှိနေပါတယ်။မိုရာတာဟာ  စပိန်လက်ရွေးစင်အသင်းရဲ့တိုက်စစ်ပိုင်းမှာ အက်စ်ပတ်၊ ရိုဒရီဂို၊ ဗီတိုလိုတို့နဲ့တွဲဖက်ပြီး အဓိကပွဲထွက်တိုက်စစ်မှူးတစ်ဦးအဖြစ်ရပ်တည်နေပါတယ်။ မိုရာတာကတော့ ချယ်ဆီးအသင်းရဲ့ ရာသီအဖွင့်ပွဲစဉ်တွေမှာခြေစွမ်းကောင်းတွေပြသထားသူဖြစ်ပြီး ရာသီအစပွဲစဉ်(၆)ပွဲမှာ သွင်းဂိုး(၆)ဂိုးနဲ့အတူ သူ့ရဲ့အကောင်းဆုံးခြေ စွမ်းကို သက်သေပြထား သူဖြစ်ပါတယ်။ဒါပေမယ့်လည်း လက်ရှိမှာ မိုရာတာရဲ့ ခြေစွမ်းကောင်း တွေပျေက်ဆုံးနေပြီး နောက်ဆုံးပရီးမီးယား လိဂ်ပွဲ(၁၀)ဆက်ဂိုးပေါက်ပျောက်ထား တာဖြစ်ပါတယ်။

ချယ်ဆီးအသင်းမှာ ခြေစွမ်း ကောင်းတွေပြသနိုင်ဖို့ရုန်းကန်နေရတဲ့ မိုရာတာအနေနဲ့ လာမယ့်ကမာ်္ဘ့ဖလားပြိုင်ပွဲမှာ စပိန်အသင်းတိုက်စစ်ကို ဦးဆောင်ကစားနိုင်မလားဆိုတဲ့ သံသယတွေကများပြားနေခဲ့ပြီး သက်ဆိုင်ရာလိဂ်တွေမှာခြေစွမ်းပြနေတဲ့ စပိန်တိုက်စစ်မှူးတွေက မိုရာတာရဲ့ နေရာကိုခြိမ်းခြောက်လာခဲ့ပြီဖြစ်ပါတယ်။ မိုရာတာရဲ့နေရာကို ခြိမ်းခြောက်လာ တဲ့ ပထမဆုံးတိုက်စစ်မှူးဟာ ကော်စတာဖြစ်ပြီး အက်သလက်တီကိုအတွက်လိဂ်ပွဲ(၉)ပွဲမှာ သွင်းဂိုး(၃)ဂိုး၊ ပြိုင်ပွဲစုံ (၁၃) ပွဲမှာ၊ သွင်းဂိုး (၆) ဂိုးသွင်းယူထားပါတယ်။ နောက်ထပ်တိုက်စစ်မှူးတစ်ဦးကတော့ အက်စ်ပန်ညို တိုက်စစ်မှူးဂျရတ်မိုရီနိုဖြစ်ပြီး အသက်(၂၅)နှစ်အရွယ်ရှိပြီဖြစ်တဲ့ အဆိုပါကစားသမားဟာ ယခုနှစ်ရာသီမှာအသင်းအတွက် လိဂ်ဂိုး (၁၂)ဂိုးသွင်းယူကာ လာလီဂါရဲ့ သွင်းဂိုးအများဆုံးစာရင်းမှာပါဝင်နေပါတယ်။ အခြားတိုက်စစ်မှူးကတော့ ဗလင်စီယာ တိုက်စစ်မှာခြေစွမ်းပြနေတဲ့ရိုဒရီဂိုဖြစ်ပြီး ယခုနှစ်ရာသီ လာလီဂါပွဲစဉ်(၂၆)ပွဲမှာ သွင်းဂိုး(၁၂)ဂိုးသွင်း ယူပေးထားပါတယ်။ သူဟာစပိန်လက်ရွေးစင်အသင်းအတွက် ရွေးချယ်ခြင်းခံထားရသူဖြစ် ပြီး နိုင်ငံတကာပွဲစဉ်(၃)ပွဲမှာ သွင်းဂိုး(၁)ဂိုးသွင်းယူပေးထားပါတယ်။ 

 

 

Related News