စီးရီးအေပြိုင်ပွဲရဲ့ ချန်ပီယံဆုကို(၇)ရာသီဆက်တိုက်ရယူထားတဲ့ ဂျူဗင်တပ်အသင်းဟာ လာမယ့်နွေရာသီအ ပြောင်းအရွေ့ဈေးကွက်မှာ ကစားသမားသစ်(၆)ဦးခေါ်ယူဖို့အတွက် ပြောင်းရွေ့ကြေးများစွာသုံးစွဲဖို့ရှိနေတာဖြစ်ပါတယ်။ဂျူဗင်တပ်အသင်းဟာ အသင်းမှထွက်ခွာတော့မယ့် ၀ါရင့်ဂိုးသမားဘူဖွန်နဲ့ စာချုပ်သက်တမ်းကုန်ဆုံးတော့မယ့် ညာနောက်ခံလူလက်ခ်ျစတိုင်နာတို့ရဲ့နေရာတွေကိုအဓိကထားပြီး ကစားသမားခေါ်ယူမှုတွေ ပြုလုပ်လိုနေပါ တယ်။

ဂိုးသမားဘူဖွန်ရဲ့နေရာအတွက် ဂျီနိုအာအသင်းမှ အသက်(၂၅)နှစ်အရွယ် ဂိုးသမားမတ်တီယာပါရင်ကိုခေါ်ယူလိုနေပြီး လက်ခ်ျစတိုင်နာရဲ့နေရာအတွက် မန်ယူအသင်းမှဒါမီယန်ကိုခေါ်ယူလိုနေပါတယ်။ ဒါ့အပြင်အ သက်အရွယ်ရကစားသမားတွေရှိနေတဲ့ အသင်းရဲ့ခံစစ်ပိုင်းအတွက်လည်း အသက်(၂၃)နှစ်အရွယ်သာရှိသေး တဲ့ အက်သလက်တီကိုမက်ဒရစ်အသင်းနောက်ခံလူ ဂျို့စ်ဂျီမီနက်ကိုခေါ်ယူဖို့စီစဉ်နေပါတယ်။

ဂျူဗင်တပ်အသင်း ဟာ အသင်းရဲ့ကွင်းလယ်ပိုင်းအတွက်လည်း ကစားသမား(၂)ဦးကိုခေါ်ယူလိုနေပြီး ရီးယဲမက်ဒရစ်အသင်းမှာပုံ မှန်ပွဲထွက်ခွင့်ရရှိဖို့ရုန်းကန်နေရတဲ့ ကိုဗာချစ်နဲ့ လီဗာပူးအသင်းနဲ့ စာချုပ်သက်တမ်းကုန်ဆုံးတော့မယ့် အမ်မရီ ချန်တို့ကိုပစ်မှတ်ထားနေပါတယ်။

အသင်းရဲ့တိုက်စစ်ပိုင်းအတွက်ကိုတော့ ချယ်ဆီးအသင်းမှာရုန်းကန်နေရတဲ့ တိုက်စစ်မှူးဟောင်း မိုရာတာကိုပစ်မှတ်ထားနေပြီး လက်ရှိမှာထွက်ပေါ်နေတဲ့သတင်းတွေအရ ကစားသမား ကိုယ်တိုင်ကလည်း ပြောင်းရွေ့ဖို့ဆန္ဒရှိနေပါတယ်။ ဂျူဗင်တပ်အသင်းပစ်မှတ်ထားနေတဲ့ ကစားသမား(၆)ဦးမှ အမ်မရီချန်တစ်ဦးတည်းသာ အလွတ်ပြောင်းရွေ့ကြေးနဲ့ခေါ်ယူနိုင်မယ့် ကစားသမားဖြစ်ပြီး ကျန်ကစားသမား တွေအတွက် မြင့်မားတဲ့ပြောင်းရွေးသုံးစွဲရဖို့ရှိနေပါတယ်။

ဂျူဗင်တပ်အသင်းဟာ အဆိုပါကစားသမားတွေကို ခေါ်ယူနိုင်ဖို့ ပြောင်းရွေ့ကြေးယူရိုသန်း(၂၃၀)ထိသုံးစွဲဖို့ရှိနေတာဖြစ်ပါတယ်။

 

 

Related News