စပါးစ်အသင်းတိုက်စစ်မှူးဟယ်ရီကိန်းဟာ အသင်းနဲ့ စာချုပ်သက်တမ်း (၆)နှစ်အထိထပ်မံချုပ်ဆိုခဲ့ပြီး၊ စာချုပ်သစ်အရ ဟယ်ရီကိန်းဟာ တစ်ပတ်လုပ်ခပေါင် (၃)သိန်းအထိရရှိသွားမှာဖြစ်တယ်လို့ သိရပါတယ်။ ဟယ်ရီကိန်းဟာ (၂၀၁၆) ခုနှစ်၊ ဒီဇင်ဘာလအတွင်းက (၂၀၂၂) ခုနှစ်အထိအသင်းမှာဆက်လက်ရှိနေ မယ့်စာချုပ်သစ် တစ်ရပ်ကိုချုပ်ဆိုထားခဲ့ပြီး၊ တစ်ပတ်လုပ်ခပေါင် (၁) သိန်းကျော်ရရှိနေခဲ့ပါတယ်။

ဒါပေမယ့် လည်းလက်ရှိအချိန်မှာတော့ စပါးစ်အသင်းဟာ ရီးရဲယ်လ်မက်ဒရစ်အသင်းကခေါ်ယူဖို့ပစ်မှတ်ထားနေခဲ့တဲ့ ဟယ်ရီကိန်းကို အသင်းရဲ့စံချိန်တင်လစာ တစ်ရပ်ဖြစ်တဲ့ တစ်ပတ်လုပ်ခပေါင် (၃) သိန်းနဲ့ (၂၀၂၄) ခုနှစ်အထိ အသင်းမှာဆက်လက်ရှိနေမယ့်စာချုပ်သစ်တစ်ရပ်ကို ချုပ်ဆိုနိုင်ခဲ့ပါတယ်။

စပါးစ်အသင်းဟာ (၂၀၁၈-၁၉) ဘော လုံးရာသီမှာ အသင်းရဲ့အိမ်ကွင်းအသစ်ကိုစတင်အသုံးပြုသွားမှာ ဖြစ်သလို၊ နည်းပြပိုချက်တီနိုနဲ့ တိုက်စစ်မှူး ဟယ်ရီကိန်းတို့ကိုလည်းစာချုပ်သစ်ချုပ်ဆိုနိုင်ခဲ့တာကြောင့် စပါးစ်အသင်းရဲ့ ရာသီသစ်အတွက် လုံလောက်မှုတွေရှိသွားခဲ့ပါတယ်။

ဆက်စပ်သတင်းတွေအရ ဟယ်ရီကိန်းဟာ စာချုပ်သစ်ချုပ်ဆိုနိုင်ခဲ့ မှုကြောင့် တစ်ပတ် လုပ်ခပေါင် (၃) သိန်းရရှိမှာဖြစ်တာကြောင့် ပရီးမီးယားလိဂ်ရဲ့လစာအများဆုံး ကစားသမားစာရင်းမှာ အာဆင် နယ်ကွင်းလယ်လူအိုဇေးလ်နဲ့ ဒုတိယနေရာမှာရပ်တည်နိုင်ခဲ့ပါတယ်။ ပရီးမီးယားလိဂ်ရဲ့ လစာအများဆုံး ကစားသမားကတော့ မန်ယူအသင်းတောင်ပံကစားသမားဆန်းချက်ဇ်ဖြစ်ပြီး၊ တစ်ပတ်လုပ်ခပေါင် (၃)သိန်းခွဲရရှိနေတာ ဖြစ်ပါတယ်။ 

 

 

Related News