ယခုလက်ရှိနွေအပြောင်းအရွေ့မှာ စီရော်နယ်ဒိုရဲ့အပြောင်းအရွေ့ဟာ ဥရောပဘောလုံးရပ်ဝန်းအတွက် အံ့သြ သင့်စေခဲ့ရပြီး သူ့ရဲ့အပြောင်းအရွေ့အပြီးမှာ နာမည်ကြီးတိုက်စစ်မှူး(၆)ဦးရဲ့ အနာဂတ်ဟာလည်းပိုမိုလှုပ်ခတ် လာနိုင်တယ်လို့ ပြည်ပမီဒီယာတွေရဲ့ဖော်ပြမှုအရသိရပါတယ်။ စီရော်နယ်ဒိုဟာ ရီးယဲမက်ဒရစ်အသင်းမှ ဂျူဗင်တပ်အသင်းထံကို ပြောင်းရွေ့ကြေးယူရို(၁၁၂)သန်း၊ တစ်နှစ်လ စာယူရိုသန်း(၃၀)နဲ့ (၄)နှစ်စာချုပ်ချုပ်ဆိုပြီး ပြောင်းရွေ့ခဲ့တာဖြစ်ပါတယ်။

စီရော်နယ်ဒိုဂျူဗင်တပ်အသင်းထံကို ရောက်ရှိခဲ့ချိန်မှာ အသင်းရဲ့ရှိရင်းစွဲတိုက်စစ်မှူး ဟီဂူအင်အပါအ၀င်၊ မိုရာတာ၊ ကာဗာနီ၊ နေမာ၊ ဘာပီနဲ့ ဟယ်ရီ ကိန်းတို့ရဲ့ အနာဂတ်လှုပ်ခတ်မှုတွေရှိလာနိုင်တယ်လို့ ပြည်ပမီဒီယာတွေကဖော်ပြခဲ့ပြီး ဟီဂူအင်၊မိုရာတာ၊နေမာ တို့ဟာ အဓိကစောင့်ကြည့်ရဖို့ရှိနေပါတယ်။ထွက်ပေါ်လာတဲ့သတင်းတွေအရ ဂျူဗင်တပ်အသင်းဟာ စီရော်နယ် ဒိုကိုအထောင်တိုက်စစ်မှူးနေရာမှာ အသုံးပြုဖို့ရှိနေပြီး ဟီဂူအင်ဟာပုံမှန်ပွဲထွက်ခွင့် ထိခိုက်လာနိုင်တာကြောင့် အသင်းနဲ့ညှိုနှိုင်းမှုတွေပြုလုပ်နေပြီဖြစ်ပါတယ်။

အီတလီမှလာတဲ့ သတင်းတွေအရ ပရီးမီးယားလိဂ်ထိပ်သီးချယ် ဆီးအသင်းဟာ ဟီဂူအင်ကိုခေါ်ယူဖို့ ပေါင်သန်း(၆၀)နဲ့သဘောတူညီမှုရရှိလုနီးပါးဖြစ်နေပြီး ဟီဂူအင်ချယ်ဆီးကို ရောက်ရှိခဲ့ပါက ချယ်ဆီးအသင်းဟာ စပိန်တိုက်စစ်မှူးမိုရာတာကို အငှားစေလွတ်ဖို့စီစဉ်နေတယ်လို့ သိရပါ တယ်။တစ်ဖက်မှာလည်း မိုရာတာကိုခေါ်ယူဖို့ အဓိကတိုက်စစ်မှူး လီဝမ်ဒေါစကီးကိုလက်လွတ်ရမယ့် ဘိုင်ယန် မြူးတစ်အသင်းကစိတ်ဝင်စားနေပြီး မိုရာတာအပြင် ပီအက်စ်ဂျီအသင်းမှာ အဆင်မပြေမှုတွေရှိနေတဲ့ ကာဗာနီ ကိုလည်းခေါ်ယူလိုနေတယ်လို့သိရပါတယ်။

စီရော်နယ်ဒိုရဲ့အပြောင်းအရွေ့အပြီးမှာ နေမာ၊ဘာပီနဲ့ဟယ်ရီကိန်း တို့ရဲ့အနာဂတ်ဟာလည်း ပိုမိုလှုပ်ခတ်လာပြီး နေမာနဲ့ ဘာပီတို့ဟာ မကြာသေးတဲ့ကာလအတွင်းက ရီးယဲမက်ဒ ရစ်အသင်းနဲ့ အပြောင်းအရွေ့သတင်းတွေထွက်ပေါ်ထားပါတယ်။စပိန်အခြေစိုက် မာကာသတင်းစာကတော့ ရီး ယဲမက်ဒရစ်ဟာ အဆိုပါတိုက်စစ်မှူး(၃)ဦးလုံးကို ချိတ်ဆက်နေပြီး စီရော်နယ်ဒိုရဲ့ အရည်အသွေး၊ သွင်းဂိုးမှတ် တမ်းတွေနဲ့ အသင်းကိုဦးဆောင်နိုင်စွမ်း စတဲ့အရာတွေကိုလိုက်မီမယ့် ကစားသမားခေါ်ယူဖို့ခက်ခဲကြောင်းနဲ့ ပီအက်စ်ဂျီတိုက်စစ်မှူးနေမာနဲ့ ချယ်ဆီးတောင်ပံကစားသမား ဟာဇက်တို့ဟာ အဓိပစ်မှတ်ကစားသမားတွေအ ဖြစ်ရှိနေကြောင်းဖော်ပြခဲ့ပါတယ်။

 

 

 

Related News