ပရီးမီးယားလိဂ်ပြိုင်ပွဲရဲ့ လက်ရှိချန်ပီယံမန်စီးတီးအသင်းဟာ (၂၀၁၉-၂၀)ဘောလုံးရာသီမှာ ဂျာမနီနိုင်ငံမှ အားကစားပစ္စည်းများထုတ်လုပ်တဲ့ကုမ္ပဏီ Puma နဲ့ ၀တ်စုံစပွန်ဆာစာချုပ်ချုပ်ဆိုဖို့ရှိနေတယ်လို့ သိရပါတယ်။ မန်စီးတီးအသင်းဟာ လက်ရှိမှာ Nike နဲ့ တစ်နှစ်ကိုပေါင်သန်း(၂၀)ထိရရှိမယ့် စာချုပ်ချုပ်ဆိုထားပြီး (၂၀၁၈-၁၉)ဘောလုံးရာသီအကုန် (၂၀၁၉-၂၀)ရာသီမှာတော့ Puma နဲ့လက်တွဲသွားဖို့ရှိနေတာဖြစ်ပါတယ်။မန်စီးတီး အသင်းဟာ Puma နဲ့စာချုပ်ချုပ်ဆိုခဲ့ပါက တစ်နှစ်ကိုပေါင်သန်း(၅၀)ထိဝင်ငွေရရှိသွားဖို့ရှိနေပြီး မြို့ခံပြိုင်ဘက် မန်ယူ၊ လန်ဒန်ကလပ်ချယ်ဆီးအသင်းတို့နောက် ပရီးမီးယားလိဂ်မှာ တတိယမြောက် ၀င်ငွေအများဆုံးရရှိတဲ့ အသင်းဖြစ်လာဖို့ရှိနေပါတယ်။

ဥရောပမီဒီယာတွေရဲ့ဖော်ပြမှုအရ Puma ကုမ္မဏီဟာ မန်စီးတီးအသင်းကို ပိုင်ဆိုင်တဲ့ City Football Group လက်အောက်မှာပါဝင်တဲ့ အသင်းတွေအားလုံးနဲ့ ၀တ်စုံစပွန်ဆာ စာချုပ် ချုပ်ဆိုမှာဖြစ်ပြီး မေဂျာလိဂ်ကလပ်နယူးယော့ခ်စီးတီးအသင်းကိုတော့ ၀တ်စုံစပွန်ဆာပေးမှာ မဟုတ်ကြောင်း သိရပါတယ်။မန်စီးတီးအသင်းဟာ နောက်ပိုင်းမှာ ဥရောပတန်းဝင်အသင်းဖြစ်လာခဲ့ပြီး ပုံရိပ်ကြီးမားလာခဲ့သလို ပြီးခဲ့တဲ့ (၂၀၁၇-၁၈)ဘောလုံးရာသီက ပရီးမီးယားလိဂ်ချန်ပီယံဆုနဲ့ လိဂ်ဖလားတို့ကိုရရှိခဲ့ တာကြောင့်ဝင်ငွေပေါင်(၄၇၃.၄)သန်းထိ ရရှိခဲ့တယ်လို့သိရပါတယ်။မန်စီးတီးနဲ့စာချုပ်ချုပ်ဆိုဖို့ရှိနေတဲ့ Puma ဟာ လန်ဒန် ကလပ်အာဆင်နယ်အသင်းနဲ့လည်း (၂၀၁၄)ခုနှစ်မှ(၂၀၁၉)ခုနှစ်ထိ တစ်နှစ်ကိုပေါင်သန်း(၃၀)တန်ကြေးရှိတဲ့ စာချုပ်ချုပ်ဆိုထားပါတယ်။

နာမည်ကြီးအားကစားပစ္စည်း ကုမ္ပဏီတွေဖြစ်တဲ့ Nike၊ Adidas၊ Puma တို့ဟာ ဥရောပအသင်းကြီးတွေနဲ့ စာချုပ်အသီးသီးချုပ်ဆိုထားပြီး Nike နဲ့စာချုပ်ချုပ်ဆိုထားတဲ့ ဘာစီလိုနာဟာ ၀င်ငွေ အကောင်းဆုံးအသင်းဖြစ်ပါတယ်။ဘာစီလိုနာဟာ Nike နဲ့ (၂၀၂၈)ခုနှစ်ထိစာချုပ်ချုပ်ဆိုထားပြီး တစ်နှစ်ကို ပေါင်သန်း(၁၀၀)ထိရရှိနေကာ Adidas နဲ့(၂၀၂၅)ခုနှစ်ထိစာချုပ်ချုပ်ဆိုထားတဲ့ မန်ယူအသင်းကတစ်နှစ်ကို ပေါင်(၇၅)သန်းနဲ့ ဒုတိယနေရာမှာရှိနေပါတယ်။တတိယနေရာမှာတော့ Nike နဲ့ (၂၀၃၂)ခုနှစ်ထိ စာချုပ်ချုပ်ဆို ထားတဲ့ ချယ်ဆီးကတစ်နှစ်ဝင်ငွေပေါင်သန်း(၆၀)နဲ့ ရပ်တည်နေပြီး စတုတ္တနေရာမှာ Adidas နဲ့(၂၀၃၀)ခုနှစ်ထိ စာချုပ်ချုပ်ဆိုထားတဲ့ ဘိုင်ယန်မြူးနစ်က တစ်နှစ်ဝင်ငွေပေါင်(၄၂.၅)သန်းနဲ့ရပ်တည်နေပါတယ်။အဆိုပါအသင်း တွေရဲ့နောက်မှာတော့ ပရီးမီးယားလိဂ်ကလပ်အသင်းတွေဖြစ်တဲ့ အာဆင်နယ်၊ လီဗာပူးနဲ့ စပါးအသင်းတို့ရပ် တည်နေတယ်လို့သိရပါတယ်။

 

 

Related News