စပိန်ဘောလုံးအဖွဲ့ချုပ်အနေနဲ့ (၂၀၁၈-၁၉) ဘောလုံးရာသီသစ်၊ စပိန်လာလီဂါရဲ့အဓိကပွဲစဉ်အချို့ကို ဥရောပရဲ့ အပြင်ဘက်မှာ ပထမဦးဆုံးအကြိမ် ယှဉ်ပြိုင်ကစားသွားဖို့စီစဉ်နေတယ်လို့ သိရပါတယ်။ စပိန်ဘောလုံးအဖွဲ့ချုပ်ဟာ အားကစားနဲ့ ဖျော်ဖြေမှုဆိုင်ရာအဖွဲ့အစည်းကုမ္ပဏီတစ်ခုဖြစ်တဲ့ အမေရိကန်အခြေ စိုက် Relevant Company နဲ့ (၁၅) နှစ်သက်တမ်းရှိတဲ့ စပွန်ဆာစာချုပ်တစ်ရပ်ကိုချုပ်ဆိုထားခဲ့ပြီး၊ လက်ရှိမှာ တော့ စပိန်ဘောလုံးအဖွဲ့ချုပ်အနေနဲ့ စပိန်လာလီဂါပြိုင်ပွဲရဲ့ပုံရိပ်ကိုမြင့်တင်ဖို့စီစဉ်လာခဲ့ပါတယ်။

အမေရိကန်အ ခြေစိုက် Relevant Company ရဲ့အကြံပေးမှုနဲ့အတူ စပိန်ဘောလုံးအဖွဲ့ချုပ်အနေနဲ့ မြောက်အမေရိကတိုက် ဘက်မှာ ယခုနှစ် (၂၀၁၈-၁၉) ရာသီရဲ့ စပိန်လာလီဂါအဓိကပွဲစဉ်အချို့ကိုယှဉ်ပြိုင်သွားမှာဖြစ်ပါတယ်။ ဒါဟာ စပိန်လာလီဂါပြိုင်ပွဲသမိုင်းတစ်လျှောက် ပထမဦးဆုံးအကြိမ်အဖြစ်ပြည်တွင်းလိဂ်ပြိုင်ပွဲတွေကို ဥရောပအပြင် ဘက်မှာယှဉ်ပြိုင်ကစားမှုလည်းဖြစ်လာဖို့ရှိနေပါတယ်။

မြောက်အမေရိကတိုက်ဘက်မှာယှဉ်ပြိုင်မယ့်ပွဲစဉ်တွေ ကို စပိန်ဘောလုံးအဖွဲ့ချုပ်အနေနဲ့ လက်ရှိမှာထုတ်ပြန်ခြင်း မရှိသေးပေမယ့်လည်း စပိန်နိုင်ငံရဲ့အကြီးမားဆုံးဒါ ဘီပြိုင်ပွဲတစ်ခုဖြစ်တဲ့ ရီးရဲယ်လ်မက်ဒရစ်အသင်းနဲ့ ဘာစီလိုနာအသင်းတို့ရဲ့ အယ်လ်ကလက်ဆီကိုဒါဘီပြိုင်ပွဲကိုတော့ မြောက်အမေရိကတိုက်အတွင်းမှာ ယှဉ်ပြိုင်ကစားသွားမှာ မဟုတ်ကြောင်း ထုတ်ပြန်ခဲ့ပါတယ်။

စပိန်ဘော လုံးအဖွဲ့ချုပ်ရဲ့ ဥရောပတိုက်အပြင်ဘက်မှာ ပထမဦးဆုံးအကြိမ် လိဂ်ပြိုင်ပွဲအချို့ကို သွားရောက်ကစားမယ့်အဓိ ကရည်ရွယ်ချက်မှာ လိဂ်ပြိုင်ပွဲအဆင့်အတန်းကို မြှင့်တင်ဖို့ဖြစ်ပြီး၊ (၂၀၂၆) ကမ္ဘာ့ဖလားပြိုင်ပွဲ တွေကို မြောက်အ မေရိကတိုက်ကနိုင်ငံတွေဖြစ်ကြတဲ့ အမေရိကန်၊ ကနေဒါနဲ့ မက္ကဆီကိုနိုင်ငံတို့မှာ ကျင်းပပြုလုပ်မှာဖြစ်တာ ကြောင့် အဆိုပါပြိုင်ပွဲမတိုင်မီ စပိန်နိုင်ငံရဲ့ဘောလုံးအဆင့်အတန်းကို ပရိသတ်တွေသိရှိစေလိုတာကြောင့် ယှဉ်ပြိုင်ကစားတာ ဖြစ်ကြောင်းထုတ်ပြန်ခဲ့ပါတယ်။

 


 
 
 

 

Related News