ဗြိတိန်ဖော်မြူလာဝမ်းကားမောင်းသမား လူးဝစ်ဟာမီတန်ဟာ ယခုနှစ်ရာသီ (၁၆) ခုမြောက်ပြိုင်ပွဲဖြစ် တဲ့ရုရှားဂရမ်းပရီမှာဗိုလ်စွဲနိုင်ခဲ့ပြီး သူ့အတွက် (၅) ကြိမ်မြောက် ကမ္ဘာ့ချန်ပီယံဆုကိုရရှိဖို့နီးစပ်နေပြီဖြစ်ပါတယ်။ ဟာမီတန်ဟာ ယခုနှစ်ရုရှားဂရမ်းပရီမှာ (၁) နာရီ၊ (၂၇) မိနစ်၊ (၂၅.၁၈၁) စက္ကန့်နဲ့ ထိပ်ဆုံးမှပန်းဝင်ခဲ့ ပြီး အသင်းဖော်ဗောတက်ကိုကျော်ဖြတ်ဗိုလ်စွဲခဲ့တာဖြစ်ပါတယ်။ ယခုပြိုင်ပွဲမှာဟာမီတန်ဟာ အသင်းဖော်ဗော တက်နဲ့ အဓိကယှဉ်ပြိုင်ခဲ့ရပြီး အသင်းတာဝန်ရှိသူတွေက ဟာမီတန်ကိုဗိုလ်စွဲဖို့အခွင့်အရေးပေးခဲ့တယ်လို့ မီဒီ ယာတွေကဖော်ပြခဲ့ပါတယ်။ ဟာမီတန်ဟာ ယခုနှစ်ဖော်မြူလာဝမ်းရာသီမှာ ယခုရုရှားဂရမ်းပရီအပါအ၀င် ပြိုင်ပွဲ (၈) ခုထိဗိုလ်စွဲထားသလို နောက်ဆုံး(၃)ခုဆက်ဗိုလ်စွဲထားတာဖြစ်ပါတယ်။

ဟာမီတန်အတွက် ရုရှားဂရမ်းပရီ ဟာ သူ့ရဲ့အောင်မြေအဖြစ်ရှိနေသလို ယခုတစ်ကြိမ်ဗိုလ်စွဲတာအပါအ၀င် (၃)ကြိမ်မြောက်ဗိုလ်စွဲခဲ့ပြီး (၂၀၁၄)နဲ့ (၂၀၁၅)ခုနှစ်တို့မှာလည်းဗိုလ်စွဲထားတာဖြစ်ပါတယ်။ ယခုတစ်ပတ်ရုရှားဂရမ်းပရီမှာ ဟာမီတန်ရဲ့အဓိကပြိုင် ဘက်ဗက်တဲလ်က တတိယနေရာနဲ့သာပန်းဝင်နိုင်ခဲ့ပြီး ကမ္ဘာ့ချန်ပီယံဆုကိုရရှိဖို့မျှော်လင့်ချက်နဲ့ ပိုမိုဝေးကွာခဲ့ရ ပါတယ်။ လက်ရှိရမှတ်ရရှိမှုမှာတော့ ဟာမီတန်က (၃၀၆) မှတ်နဲ့ထိပ်ဆုံးမှရပ်တည်နေပြီး ဗက်တဲလ်က ဟာမီ တန်နဲ့ ရမှတ်(၅၀)အကွာ (၂၅၆)မှတ်နဲ့အဆင့်(၂)နေရာမှာရပ်တည်နေပါတယ်။

ဒီနှစ်ရာသီပြီးဆုံးဖို့ကလည်း ပြိုင်ပွဲ(၅)ခုသာလိုအပ်တော့ချိန်မှာ မီဒီယာတွေကတော့ ဟာမီတန်သာ အမှားအယွင်းကြီးကြီးမားမားမကျူးလွန် ခဲ့ပါက ဒီနှစ်ပြိုင်ပွဲမှာ ဟာမီတန်ပဲဗိုလ်စွဲလိမ့်မယ်လို့ခန့်မှန်းခဲ့ပါတယ်။ ဟာမီတန်အတွက်ကတော့ ကမ္ဘာ့ချန်ပီယံ ဆုတွေကို (၂၀၀၈)၊ (၂၀၁၄)၊ (၂၀၁၅)နဲ့ (၂၀၁၇)ခုနှစ်တို့မှာ လည်းရရှိထားပြီး ယခုနှစ်မှာဗိုလ်စွဲနိုင်မယ်ဆိုရင် (၅)ကြိမ်မြောက်ရရှိမှာဖြစ်ပါတယ်။

 

 

Related News