လီဗာပူးလ်အသင်းဟာ အသင်းရဲ့ အဓိကတိုက်စစ်မှူးတစ်ဦးဖြစ်တဲ့ မာနေးလ်ကို နှစ်ရှည်စာချုပ်သစ် တစ်ရပ်ထပ်မံချုပ်ဆိုနိုင်ခဲ့တယ်လို့သိရပါတယ်။လီဗာပူးလ်အသင်းဟာ အားထားရတဲ့တိုက်စစ်မှူးမာနေးလ်ကို လစာတိုးမြင့်ကာနှစ်ရှည်စာချုပ်သစ်တစ် ရပ်ကိုထပ်မံချုပ်ဆိုနိုင်ခဲ့ပြီး၊ စာချုပ်သစ်ချုပ်ဆိုမှုအရမာနေးလ်ဟာ လီဗာပူးလ်အသင်းမှာ တစ်ပတ်လုပ်ခပေါင် (၁) သိန်းခွဲရရှိသွားမှာဖြစ်ပါတယ်။ (၂၀၁၆) ခုနှစ်က ဆောက်သမ်တန်အသင်းကနေ လီဗာပူးလ်အသင်းကို ပြောင်းရွှေ့လာခဲ့တဲ့ မာနေးလ်ဟာ လီဗာပူးလ်အသင်းအတွက်ပွဲစဉ်ပေါင်း (၈၉) ပွဲပါဝင်ကစားခဲ့ရာမှာ သွင်းဂိုး (၄၀) အထိသွင်းယူထားခဲ့ပါတယ်။

မာနေးလ်ဟာ လီဗာပူးလ်အသင်းရဲ့တိုက်စစ်ပိုင်းမှာ ဆာလက်ခ်ျ၊ ဖာမင်နိုနဲ့အ တူ အကောင်းဆုံးခြေစွမ်းပြသနေပြီး၊ နှစ်ရှည်စာချုပ်ချုပ်ဆိုနိုင်ခဲ့ခြင်းက လီဗာပူးလ်အသင်းအတွက်ကောင်းမွန် တဲ့အချက်တစ်ခုဖြစ်စေခဲ့ပါတယ်။ လီဗာပူးလ်အသင်းဟာ မာနေးလ်မတိုင်မီကလည်း ဆာလက်ခ်ျကို စံချိန်တင် လစာတစ်ရပ်နဲ့ စာချုပ်သစ်တစ်ရပ်ချုပ်ဆိုထားခဲ့သလို၊ ဖာမင်နိုကိုလည်း လစာတိုးမြင့်ပေးကာ စာချုပ်သစ်ချုပ် ဆိုထားခဲ့ပါတယ်။ ခမ်းနားမှုတွေရှိနေတဲ့ လီဗာပူးလ်အသင်းနဲ့ စာချုပ်သစ်ထပ်မံချုပ်ဆိုနိုင်ခဲ့တာဟာ မိမိဘ၀အ တွက်ပျော်ရွှင်စရာအခိုက်အတန့်တွေဖြစ်ခဲ့ပြီး၊ မိမိကိုယုံကြည်မှုတွေပေးခဲ့တဲ့လီဗာပူးလ်အသင်းအတွက်လည်း အကောင်းဆုံးပုံစံတွေနဲ့ ထပ်မံပေးဆပ်သွားမယ်လို့ မာနေးလ်အနေနဲ့ပြောကြားခဲ့ပါတယ်။ လီဗာပူးလ်အသင်း ဟာ ယခုနှစ်ရာသီပရီးမီးယားလိဂ်ပြိုင်ပွဲမှာရှုံးပွဲမရှိသေးပဲ၊ အမှတ်ပေးဇယားရဲ့ အဆင့် (၃) နေရာမှာရပ်တည်နေ ခဲ့တယ်လို့သိရပါတယ်။

 

 

 

 

Related News