ပရီးမီးယားလိဂ်ပွဲစဉ်(၂၇)ရဲ့ ပွဲကြိုပွဲစဉ်တစ်ပွဲအဖြစ် အဲဗာတန်အသင်းနှင့်မန်စီးတီးအသင်းတို့ ယှဉ်ပြိုင်ကစားခဲ့ တဲ့ပွဲစဉ်မှာ မန်စီးတီးအသင်းဟာ အဝေးကွင်းမှာနိုင်ပွဲရရှိပြီး ပရီးမီးယားလိဂ်အမှတ်ပေးဇယားအဆင့်(၁)နေရာ ကိုဦးဆောင်လိုက်ပါတယ်။ အဲဗာတန်အသင်းနဲ့ မန်စီးတီးအသင်းတို့ဟာ ဖေဖော်ဝါရီလ(၂၃)နဲ့ (၂၄)ရက်မှာ ယှဉ်ပြိုင်ကစားမယ့် ပရီးမီးယား လိဂ်ပွဲစဉ်(၂၇)မှာမှ တွေ့ဆုံယှဉ်ပြိုင်ရမှာဖြစ်ပေမယ့် ဖေဖော်ဝါရီ(၂၄)ရက်မှာ လိဂ်ဖလားဗိုလ်လုပွဲယှဉ်ပြိုင်ကစား ဖို့ရှိနေတဲ့ မန်စီးတီးအသင်းရဲ့အခြေနေကြောင့် ပွဲကြိုပွဲစဉ်အဖြစ်ယှဉ်ပြိုင်ကစားခဲ့တာဖြစ်ပါတယ်။အဲဗာတန်နဲ့ မန်စီးတီးအသင်းတို့ရဲ့ ပွဲစဉ်ကို ယနေ့မနက်အစောပိုင်းက အဲဗာတန်အသင်းရဲ့ အိမ်ကွင်းဂွဒ်ဒီဆင်ပါ့ခ်မှာယှဉ်  ပြိုင်ကစားခဲ့တာဖြစ်ပြီး မန်စီးတီးအသင်းဟာ ပွဲချိန်(၄၅)မိနစ်မှာ လာပေါ်တေ၊ ပွဲချိန်မိနစ်(၉၀)မှ ဂါဘရီရယ် ဂျေးဆုတို့ရဲ့သွင်းဂိုးတွေနဲ့ (၂)ဂိုး ဂိုးမရှိနဲ့အနိုင်ရရှိခဲ့ပါတယ်။ဒီနိုင်ပွဲကြောင့်  မန်စီးတီးအသင်းဟာ ရမှတ်(၆၂)  မှတ်ရရှိခဲ့ပြီး လီဗာပူးအသင်းနဲ့ ရမှတ်တူ ဂိုးကွာခြားချက်အခြေနေနဲ့ အမှတ်ပေးဇယားအဆင့်(၁) နေရာမှာ ယာယီဦးဆောင်လိုက်ပြီဖြစ်ပါတယ်။

မန်စီးတီးအသင်းအနေနဲ့ အမှတ်ပေးဇယားအဆင့်(၁)နေရာမှာ ပြန်လည်ဦးဆောင်နိုင်ခဲ့တာဟာ ဒီဇင်ဘာ(၈)ရက်မှ ချယ်ဆီးကိုအဝေးကွင်းမှာ အရေးနိမ့်ခဲ့တဲ့ပွဲစဉ်အပြီး ရက်ပေါင်း(၆၁) ရက်အကြာမှာ အဆင့်(၁)နေရာမှာ ပြန်လည်ရပ်တည်ခဲ့တာပါ။ လက်ရှိမှာ မန်စီးတီးအသင်းအဆင့် (၁)နေရာမှာ     ယာယီရပ်တည်နေပေမယ့် ဖေဖော်ဝါရီ(၉)ရက်မှာ ယှဉ်ပြိုင်ကစားမယ့် လီဗာပူးနဲ့ဘုန်းမောက်အသင်းတို့ပွဲစဉ်မှာ လီဗာပူးအသင်း အနိုင်(၃)မှတ်(သို့)သရေ(၁)မှတ်ရခဲ့ရင် အဆင့်(၁)နေရာကို မန်စီးတီးထံမှပြန်လည်လုယူနိုင်မှာ ဖြစ်ပါတယ်။

 

 

Related News