အမေရိကန်မေဂျာလိဂ်ကလပ် အယ်အေဂလက်စီအသင်းမှာ ကစားခဲ့ဖူးတဲ့ အင်္ဂလန်အသင်းခေါင်းဆောင်းဟောင်း ဒေးဗစ် ဘက်ခမ်းဟာ မကြာခင်လပိုင်းအတွင်းမှာ မေဂျာလိဂ်ပြိုင်ပွဲမှာ သမိုင်းဝင်တစ်ဦးဖြစ်လာတော့မယ် လို့သိရပါတယ်။ မန်ယူ၊ ရီးယဲမက်ဒရစ်တို့မှာ အတောက်ပဆုံးအချိန်ကို ပိုင်ဆိုင်ခဲ့တဲ့ဒေးဗစ်ဘက်ခမ်းဟာ (၂၀၀၇)ခုနှစ်မှာ အယ်အေဂလက်စီ အသင်းထံကို ပြောင်းရွေ့ခဲ့သူဖြစ်ပြီး အမေရိကန်ကလပ်အသင်းမှာ (၆)နှစ်ကြာပါဝင်ကစားခဲ့ပါတယ်။ ဖရီးကစ်စပယ်ရှယ်လစ်တစ်ဦးဖြစ်ခဲ့တဲ့ ဘက်ခမ်းဟာ အယ်အေဂလက်စီအသင်းအတွက် လိဂ်ပွဲ(၉၈)ပွဲ ပြိုင်ပွဲစုံ (၁၁၈)ပွဲပါဝင် ကစားပေးခဲ့ပြီး သွင်းဂိုး(၂၀)သွင်းယူခဲ့ကာ မေဂျာလိဂ်ချန်ပီယံဆု(၂)ခုအပါအ၀င် ဆုဖလား (၄)ခုရရှိခဲ့ပါတယ်။ အယ်အေ ဂလက်စီအတွက် အကောင်းဆုံးအကျိုးပြုခဲ့တဲ့ ဘက်ခမ်းကိုတော့ လက်ရှိမှာအယ် အေဂလက်စီအသင်းက သူ့ရဲ့ပုံတူရုပ်တု တစ်ခုပြုလုပ်ပေးဖို့စီစဉ်နေပြီး မေဂျာလိဂ်ပြိုင်ပွဲသမိုင်းမှာ ပထမဆုံးပုံတူ ရုပ်တုနဲ့ ဂုဏ်ပြုခံရတဲ့ ကစားသမား ဖြစ်လာတော့ မှာပါ။ အယ်အေဂလက်စီအသင်းဟာ ဒေးဗစ်ဘက်ခမ်းရဲ့ပုံတူ ရုပ်တုကို သူတို့အသင်းရဲ့ အိမ်ကွင်းဖြစ်တဲ့ Dignity Health Sports Park ကွင်းအပြင်မှာထားရှိသွားမှာဖြစ်ပြီး ရုပ်တုကို မေဂျာလိဂ်ရာသီအဖွင့်ပွဲစဉ်ဖြစ်တဲ့ မတ်လ(၂)ရက်မှ ချီကာဂို ဖိုင်းယားအသင်းနဲ့ ပွဲစဉ်မှာ ထုတ်ဖော်ပြသသွားမှာ   ဖြစ်တယ်လို့သိရပါတယ်။လက်ရှိအသက်(၄၃)နှစ်အရွယ်ရှိပြီဖြစ်တဲ့ ဘက်ခမ်းဟာ မေဂျာလိဂ်ကလပ်အသင်းဖြစ်တဲ့ Inter Miami ကလပ်အသင်းကို ပူးတွဲပိုင်ဆိုင်ထားပါတယ်။

 

 

Related News