ဘေကျင်းမြို့မှာဖြစ်ပွားနေတဲ့ မီးခိုးမြူမြင့်တက်မှုအန္တရာယ်လျှော့ချဖို့ သဘာဝပတ်ဝန်းကျင် ရဲတပ်ဖွဲ့အသစ်ကို ဖွဲ့စည်းလိုက်ပြီလို့ ဘေကျင်းမြို့တော်ဝန်က ကြေညာလိုက်ပါတယ်။ သဘာဝ ပတ်ဝန်းကျင်ရဲတပ်ဖွဲ့ဟာ နေအိမ်ပြင်ပမှာ အကင်လုပ်စားတာ၊ ဖုန်ထူတဲ့ လမ်းတွေ ရှိ၊မရှိဆိုတာတွေကိုပါ လိုက်လံစစ်ဆေးကြည့်ရှုမှာဖြစ်ပါတယ်။ ပြင်ပမှာ အစားအစာကင်တာ၊ အမှိုက်တွေ မီးရှို့တာ၊ လောင်စာလောင်ကျွမ်းမှုဖြစ်စေတာနဲ့ ဖုန်ထူတဲ့လမ်းတွေရှိနေတာတွေဟာ လုပ်ထုံးလုပ်ငန်းတွေနဲ့ မကိုက်ညီလို့ အသစ်ဖွဲ့စည်းတဲ့ ပတ်ဝန်းကျင်ရဲတပ်ဖွဲ့က ဥပဒေနဲ့အညီလိုက်နာ နေထိုင်အောင် စစ်ဆေးမှာဖြစ်တယ်လို့ မြို့တော်ဝန် ခိုင်ကျီကပြောပါတယ်။

ဒါ့ပြင် ဘေကျင်းမြို့ရဲ့ ကျောက်မီးသွေး လောင်စာအသုံးပြုနှုန်းကို အခုနှစ်အတွင်း သုံးဆယ်ရာခိုင်နှုန်းလျှော့ချသွားဖို့ မြို့တော်ဝန်က ကတိပြုထား ပါတယ်။ အပူရရှိဖို့ စွမ်းအင်သုံးစွဲမှုမြင့်တက်လာရင် မြို့တွင်းမှာရှိတဲ့ တစ်ခုတည်းသော ကျောက်မီးသွေး လောင်စာသုံးစက်ရုံကို ဆောင်းရာသီအပြီးမှာ ပိတ်သိမ်းသွားမယ်လို့ မြို့တော်ဝန်က ပြောပါတယ်။ လေထုညစ်ညမ်းမှုမြင့်တက်စေတဲ့ ယာဉ်အိုယာဉ်ဟောင်း သုံးသိန်းကျော်ကို ဖြည်းဖြည်းချင်းပြန်သိမ်း သွားမှာဖြစ်ပြီး လေထုညစ်ညမ်းမှုဖြစ်စေတဲ့စက်ရုံတွေကိုလည်း စံချိန်စံနှုန်းကိုက်ညီအောင် အဆင့်မြှင့် သွားမယ်လို့ မြို့တော်ဝန်ကပြောပါတယ်။ တရုတ်နိုင်ငံမှာ လျှပ်စစ်ဓာတ်အားရရှိဖို့ ကနဦး ရင်းမြစ်အနေနဲ့ ကျောက်မီးသွေးလောင်စာသုံးစက်ရုံတွေကို မီခိုနေရအောင်လျှော့ချဖို့အပါအ၀င် မီးခိုးမြူဖြစ်စေတဲ့အကြောင်း ရင်း တွေကို ဖြေရှင်းဖို့ ပြည်သူတွေက တရုတ်အစိုးရကို တောင်းဆိုနေပါတယ်။ 

Related News