ပြီးခဲ့တဲ့တစ်ပတ်က ငလျင်ကြီး လှုပ်ခတ်ခဲ့တဲ့ပါပူဝါ နယူးဂီနီနိုင်ငံမှာ ဒီနေ့မတ်လ(၇)ရက် အစောပိုင်းက ပြင်းအား(၆.၇)မဂ္ဂနီကျူ့အဆင့်ရှိတဲ့ငလျင်(၁)ခုလှုပ်ခတ်ခဲ့ပါတယ်။ 
မတ်လ(၇)ရက်အစောပိုင်းက ပါပူဝါနယူးဂီနီနိုင်ငံမှာ ပြင်းအား(၆.၇)မဂ္ဂနီကျူ့အဆင့်ရှိ ငလျင်(၁)ခုလှုပ်ခတ်ခဲ့တယ်လို့ အမေရိကန် ဘူမိဗေဒဆိုင်ရာစာရင်းအင်းဌာနကပြောပါတယ်။ ဖေဖော်ဝါရီလ(၁၆)ရက်က ပါပူဝါနယူးဂီနီနိုင်ငံမှာ ပြင်းအား(၇.၅)မဂ္ဂနီကျူ့အ ဆင့်ရှိငလျင်လှုပ်ခတ် ခဲ့ပြီးနောက်မှာ နောက်ဆက်တွဲငလျင်အနေနဲ့ အခုငလျင်ထပ်လှုပ်ခဲ့တာလို့သိရပါတယ်။

အခုငလျင်ဟာ မြေအောက်အနက်(၃၃)ကီလိုမီတာလောက်မှာလှုပ်ခတ်ခဲ့တာဖြစ်ပါတယ်။ ငလျင်လှုပ်ခတ်ခဲ့တဲ့ နေရာက မြို့တော်ပို့မောရက်စ်ဘီရဲ့ အနောက်မြောက်ဘက်ကီလိုမီတာ (၆၀၀)အကွာလောက်မှာရှိတယ်လို့ သိရပါတယ်။ အခုငလျင်ကြောင့်ဖြစ်ခဲ့တဲ့ အထိအခိုက်နဲ့အ သေအပျောက်စာရင်းကို အာဏာပိုင်တွေက မကြေညာသေးပါဘူး။ ဖေဖော်ဝါရီလကုန်ပိုင်းက လှုပ်ခတ်ခဲ့တဲ့ငလျင်နောက်ပိုင်းမှာ ပြင်းအားမြင့်နောက်ဆက်တွဲငလျင်တွေ ဆက်တိုက်လှုပ်ခတ်နေပြီး ပါပူဝါနယူးဂီနီနိုင်ငံမှာ အရေးပေါ်အခြေအနေကြေညာထားပါ တယ်။ အဲဒီငလျင်ကြောင့် သေဆုံးသူ(၆၇)ဦးရှိတယ်လို့ အာဏာပိုင်တွေက သတင်းထုတ်ပြန်ထားပေမဲ့ သေဆုံးသူ(၇၀)ကျော် ရှိတယ်လို့ သတင်းတွေမှာဖော်ပြနေပါတယ်။

ငလျင်ဗဟိုချက်ကနေကီလိုမီတာ (၁၀၀) ပတ်ဝန်းကျင်မှာနေထိုင်သူ (၆၇၀၀၀၀) ကျော်ရှိပြီး အဲဒီငလျင်ဟာ ပြီးခဲ့တဲ့ရာစုနှစ်(၁)ခုအတွင်း ပါပူဝါနယူးဂီနီနိုင်ငံမှာလှုပ်ခတ်ခဲ့တဲ့အင်အားအကြီးဆုံးငလျင်ဖြစ်ပါတယ်။ ငလျင်လှုပ်ပြီးနောက်ပိုင်းမှာ မြေပြိုမှုတွေဖြစ်နေတာကြောင့် ကယ်ဆယ်ရေးလုပ်ရာမှာအခက်အခဲတွေ့နေပြီး လူထောင်ချီဟာ အိုးမဲ့အိမ်မဲ့ဖြစ်နေတဲ့အပြင် အစားအစာနဲ့သောက်ရေပြတ်တောက်နေသလို လျှပ်စစ်ဓာတ်အားလည်း ပြတ်တောက်နေတယ်လို့ နိုင်ငံတကာကြက်ခြေနီအဖွဲ့ကပြောပါတယ်။ 

 

 

Related News