ဇွန်လ (၁၈)ရက်က ဂျပန်နိုင်ငံမှာလှုပ်ခတ်ခဲ့တဲ့ အင်အားပြင်းငလျင်ဒဏ်သင့်သူတွေကို အပြည့်အ၀ထောက်ပံ့ရမယ်လို့ ဂျပန်ဝန်ကြီးချုပ်က အစိုးရအဖွဲ့ဝင်တွေကို ညွှန်ကြားခဲ့ပါတယ်။


ဇွန်လ(၁၈)ရက်က ဂျပန်နိုင်ငံ၊ အိုဆာကာစီရင်စုမှာ ပြင်းအား(၆.၁)မဂ္ဂနီကျူ့အဆင့်ရှိငလျင်တစ်ခုလှုပ်ခတ်ပြီးနောက် ငလျင်ဒဏ် သင့်သူတွေကိုအပြည်အ၀ထောက်ပံ့ဖို့ ဂျပန်ဝန်ကြီးချုပ်ရှင်ဇို အာဘဲက ညွှန်ကြားခဲ့ပါတယ်။ ငလျင်လှုပ်အပြီးမှာ သက်ဆိုင်ရာဝန် ကြီးတွေကို အရေးပေါ်အစည်အဝေးခေါ်ယူခဲ့ပြီး အိုဆာကာစီရင်စုမြောက်ပိုင်းမှာဗဟိုပြုလှုပ်ခဲ့တဲ့ အင်အားပြင်းငလျင်ကြောင့် အ မျိုးသား(၂)ဦးနဲ့ အမျိုးသမီး(၁)ဦးသေဆုံးခဲ့တဲ့အတွက် ဆုတောင်းပေးခဲ့တယ်လို့ အာဘဲကပြောပါတယ်။ ငလျင်ဒဏ်သင့်သူတွေ ရဲ့မိသားစုတွေနဲ့ထပ်တူဝမ်းနည်းမိတယ်လို့လည်းပြောပါတယ်။ သတင်းအချက်အလက်တွေရဖို့၊ ဆက်သွယ်ရေးလိုင်းတွေဆက် ဖွင့်ထားဖို့နဲ့ ရှာဖွေကယ်ဆယ်ရေးတွေလုပ်ဆောင်ဖို့ ဂျပန်အစိုးရက အားထုတ်ဆောင်ရွက်နေပြီး အရေးပါတဲ့ဝန်ဆောင်မှုတွေနဲ့ ဓာတ်တိုင်တွေကတော့ ပျက်စီးနေသေးတယ်လို့ အာဘဲကပြောပါတယ်။ ပို့ဆောင်ရေးလုပ်ငန်းတွေ၊ လောင်စာဓာတ်ငွေ့၊ ရေနဲ့ တခြားဝန်ဆောင်မှုတွေပြန်ရဖို့ လုပ်နိုင်သမျှလုပ်ဆောင်ရေးအတွက် ၀န်ကြီးတွေကို အာဘဲကညွှန်ကြားထားပါတယ်။ ငလျင်ဒဏ် သင့်သူတွေလိုအပ်တဲ့ အမိုးအကာ၊ ရေနဲ့ တခြားကယ်ဆယ်ရေးပစ္စည်းတွေထောက်ပံ့ဖို့လိုပြီး အရေးအကြီးဆုံးကတော့ ကြိုတင် ပြင်ဆင်မှုတွေလုပ်ထားဖို့ဖြစ်တယ်လို့ အာဘဲကပြောပါတယ်။ သဘာဝဘေးဖြစ်ချိန်တွေမှာ ကျောင်းတွေဟာ လုံခြုံစိတ်ချရမယ်လို့ ၀န်ကြီးတွေကို အာဘဲကတိုက်တွန်းခဲ့ပါတယ်။ 

 

Related News