အမေရိကန်နိုင်ငံ၊ ဆီးယက်တယ်မြို့မှာ နှင်းတွေထူထူထပ်ထပ်ကျနေပြီးနောက်ထပ်နှင်းတွေထပ်ကျနိုင်သေးတယ်လို့ သတိပေးချက်ထုတ်ပြန်ထားပါတယ်။ အမေရိကန်ရဲ့ပစိဖိတ်သမုဒ္ဒရာအနောက်မြောက်ပိုင်းတွေမှာသာမန်ထက်များနေတဲ့ဆီးနှင်းတွေဖုံးလွှမ်းနေပါတယ်။ ရေခဲတဲ့အခြေအနေထက် မိုးရွာတာကပိုများတဲ့အဲဒီဒေသကိုအအေးဓာတ်ကဲတဲ့မုန်တိုင်းတွေ ဆက်တိုက်ဝင်ရောက်ခဲ့တာပါ။ ဖေဖော်ဝါရီ လထဲမှာပဲဆီးယက်တယ်မြို့ကနေရာတချို့မှာ ပြီးခဲ့တဲ့နှစ်(၇၀)အတွင်းပမာဏအများဆုံးအနေနဲ့ နှင်းထု(၁၀.၆)လက်မကျော်ကျ ခဲ့တယ်လို့ အမေရိကန်အမျိုးသားရာသီဥတုဌာနကပြောထားပြီးဖေဖော်ဝါရီ(၁၀)ရက်နဲ့(၁၁)ရက်တွေမှာ နှင်းပိုကျနိုင်တယ်လို့ မိုးလေ၀သခန့်မှန်းသူတွေကသတိပေးထားပါတယ်။ ပြီးခဲ့တဲ့ရက်ပိုင်းအတွင်း ၀ါရှင်တန်ပြည်နယ်၊ ဆီးယက်တယ်-တာကိုမာလေဆိပ်နဲ့ပေါ့လန်နိုင်ငံတကာလေဆိပ်တွေကလေကြောင်းခရီးစဉ်တွေကိုဖျက်သိမ်းခဲ့ရသလိုဖဖော်ဝါရီ(၈)ရက်မှာ ၀ါရှင်တန် ပြည်နယ်အုပ်ချုပ်ရေးမှူး“ဂျေးအင်စလီ”ကပြည်နယ်ရဲ့အရေးပေါ်အခြေအနေကြေညာခဲ့ပါတယ်။ ဒေသခံတွေကိုလမ်းပေါ်မှာ မနေဖို့လည်းအင်စလီကသတိပေးခဲ့ပါတယ်။ ဆီယက်တယ်မြို့က အိမ်ခြေမဲ့တွေကို ခိုလှုံရာတွေမှာ နေရာချထားပေးဖို့ဆီးယက်တယ်ရဲတပ်ဖွဲ့က ကြိုးစားခဲ့ပါတယ်။ နှင်းတွေကြောင့် ဒေသခံ(၅၀၀၀၀)လောက် လျှပ်စစ်ဓာတ်အားပြတ်တောက်တဲ့ဒဏ်ခံခဲ့ရပါတယ်။

 

 

 

Related News