တရုတ်နိုင်ငံအနောက်မြောက်ပိုင်း ဒေသတွေမှာ မေလ(၁၂)ရက်ကရုတ်တစ်ရက်အအေးဒဏ်ကြောင့် သဲမုန်တိုင်း၊ မိုးကြိုးမုန်တိုင်းတွေ ဖြစ်ပေါ်ခဲ့ပါတယ်။ တရုတ်နိုင်ငံအနောက်မြောက်ပိုင်း ရှန်ဇီပြည်နယ်နဲ့ ဂန်ဆုပြည်နယ်တို့မှာမေလ(၁၂)ရက်က ရုတ်တစ်ရက်အအေးဒဏ်ကြောင့်   သဲမုန်တိုင်းနဲ့ မိုးကြိုးမုန်တိုင်းဖြစ်ပေါ်ခဲ့ပြီး အပူချိန်ကျဆင်းခဲ့ပါတယ်။ ရှန်ဇီပြည်နယ်မြို့တော်ရှီးအန်းဆီကို လေပြေတိုက်ခတ်မှု ကြောင့် ဖုန်မှုန့်တွေနဲ့ သဲတွေဖြစ်ပေါ်ခဲ့ပြီး မေလ(၁၂)ရက်မှာ ဖုန်မှုန့်တွေပျံ့နှံ့ကာ အထင်ကရအဆောက်အအုံတွေ တစ်နာရီ အတွင်း ဖုန်မှုန့်တွေဖုံးလွှမ်းခဲ့ပြီး အပူချိန်(၆)ဒီဂရီဆဲလ်စီးရပ်စ်ကနေ (၈)ဒီဂရီဆဲလ်စီးရပ်စ်အထိကျဆင်းခဲ့ပါတယ်။ ဂန်ဆု ပြည်နယ် ကတီရန်ရွှီမြို့မှာလည်း သဲမုန်တိုင်းတွေဖြစ်ပေါ်ခဲ့ပြီး အပူချိန်(၃)ဒီဂရီဆဲလ်စီးရပ်စ်ကနေ (၄)ဒီဂရီဆဲလ်စီးရပ်စ်အထိကျ ဆင်းခဲ့တာပါ။ ကျူကွမ်မြို့မှာတော့ လေပြင်းတွေနဲ့သဲမုန်တိုင်းတွေတိုက်ခတ်ခဲ့ပြီး မေလ(၁၂)ရက်မှာ အမြင့်ဆုံးလေတိုက်နှုန်း တစ်စ က္ကန့်ကို(၃၀.၄)မီတာအထိရောက်ခဲ့ပါတယ်။ ဒါ့အပြင်ဂန်ဆုပြည်နယ်က ၀ူဝေးမြို့မှာလည်းသဲမုန်တိုင်းဖြစ်ပေါ်ခဲ့ပြီး မြင်နိုင်စွမ်း (၆၀၀)မီတာအထိလျော့ကျခဲ့ပါတယ်။ ချင်ယန်းမြို့မှာတော့ လေပြင်းနဲ့ ဖုန်မှုန့်တွေအပြင် မိုးကြိုးမုန်တိုင်းနဲ့ မိုးသီးမုန်တိုင်းတွေပါ ဖြစ်ပေါ်ခဲ့ပါတယ်။

 

Related News