ငါးဖမ်းခွင့်ပြုထားတဲ့ ကမ်းရိုးတန်းဒေသ ငါးခုက ငါးလုပ်ငန်းဦးစီးဌာနတွေနဲ့ ပုဂ္ဂလိက ငါးဖမ်းလုပ်ငန်းရှင်တွေကြား တိုင်းဒေသကြီးအဆင့် ဆွေးနွေးဆဲဖြစ်ပြီး သဘောတူညီချက်ရလာရင် ပြည်ထောင်စုအဆင့်ကို တင်ပြပြီး ငါးမဖမ်းရရာသီကို သတ်မှတ်သွားမယ်လို့ သိရပါတယ်။ငါးမဖမ်းရရာသီကို ရေပြင်သယံဇာတထိန်းသိမ်းရေးနဲ့ ငါးသားပေါက်ချိန် မဖမ်းဆီးမိဖို့ ရည်ရွယ်ပြီး ပိတ်လေ့ရှိတယ်လို့ သိရပါတယ်။

အခု ၂၀၁၇ခုနှစ်မှာတော့ ငါးဖမ်းလုပ်ငန်းရှင်တွေရဲ့ အကျိုးစီးပွားကို ထောက်ထားပြီး ငါးမဖမ်းရ ရာသီသတ်မှတ်ဖို့အဆင်ပြေမယ့်ကာလကို ငါးလုပ်ငန်း ဦးစီးဌာနနဲ့ ပူးပေါင်းကာ ကွင်းဆင်းလေ့လာခွင့်ပြုထားပြီး အချက်အလက်တွေ တင်ပြခိုင်းထား တယ်လို့ ပြောပါတယ်။

ငါးမဖမ်းရ ရာသီအတွင်း ငါးဖမ်းလုပ်သားနဲ့ လုပ်ငန်းရှင်တွေ အခက်အခဲမရှိဖို့ အတတ်နိုင်ဆုံး ညှိနှိုင်းဆောင်ရွက်သွားမယ်သိရပြီး သတ်မှတ်ထားတဲ့ ရာသီကာလကိုရောက်ရင် လုပ်ငန်းရှင်တွေ ဘက်ကလည်း လိုက်နာမှ သယံဇာတတွေကို ထိန်းသိမ်းရာရောက်မယ်လို့ ရန်ကုန်တိုင်းဒေသကြီး၊ ငါးလုပ်ငန်းဦးစီးဌာန တိုင်းဦးစီးမှူးက ပြောပါတယ်။ လက်ရှိမှာတော့ ငါးမဖမ်းရကာလကို မုတ်သုန်ရာသီအစ မိုးသက်လေပြင်းနဲ့ မုန်တိုင်းတွေ ကျရောက်တတ်တဲ့ မေလမှ သြဂုတ်လထိ ပိတ်လေ့ရှိတယ်လို့ သိရပါတယ်။ 

 

 

Related News