မန္တလေးမှာ ပထမဆုံးအကြိမ်အဖြစ် မြန်မာ့လက်ဖက်နဲ့မြန်မာ့သရက်ပြိုင်ပွဲ ပြပွဲကို လာမယ့်မေလ တတိယ အပတ်ထဲမှာကျင်းပဖို့ စီစဉ်နေတယ်လို့ သိရပါတယ်။ မြန်မာ့လက်ဖက်ပြပွဲ ပြိုင်ပွဲကို မြန်မာနိုင်ငံတစ်နိုင်ငံလုံးအနေနဲ့ မန္တလေးမှာ ပထမဆုံးကျင်းပမှာဖြစ်ပြီး မြန်မာ့သရက် ပြပွဲ ပြိုင်ပွဲကတော့ ရန်ကုန်မှာ သုံးကြိမ်ပြုလုပ်ကျင်းပပြီးနောက် မန္တလေးမှာ ပထမဆုံးကျင်းပဖို့ စီစဉ်နေတာဖြစ်တယ်လို့ သိရပါတယ်။

ဒီမြန်မာ့လက်ဖက်နဲ့ မြန်မာ့သရက်ပြပွဲ၊ ပြိုင်ပွဲမှာ တောင်သူတွေ၊ လုပ်ငန်းရှင်တွေအများအပြား ပါဝင်ကြဖို့ စီစဉ်ထားတယ်လို့ သိရပါတယ်။ မြန်မာ့လက်ဖက်ပြပွဲပြိုင်ပွဲမှာ လက်ဖက်လုပ်ငန်းရှင် ၃၀ကျော်လာရောက်ပြသဖို့မျှော်မှန်းထားပြီး ပြခန်း(၃၀)ကျော်ပြသဖို့ လုပ်ဆောင်နေပါတယ်။ ပြိုင်ပွဲကိုတော့ မြန်မာ့လက်ဖက်သုတ်နည်းစနစ်သစ်တွေဖန်တီးနိုင်မယ့် ပြိုင်ပွဲတွေ၊ မြန်မာ့လက်ဖက်ရည် ၀ိုင်းတွေ စတဲ့ပြိုင်ပွဲအမျိုးအစား ၁၀မျိုးခန့်ကို ကျင်းပပြုလုပ်သွားမယ်လို့ သိရပါတယ်။ 

 မြန်မာ့သရက်သီးပြပွဲမှာ မြန်မာ့သရက်အမျိုးအစား ၈၀ကျော်ကို တောင်သူ၄၀ကျော်က လာရောက်ပြသဖို့ မျှော်မှန်းထားတယ်လို့ သိရပါတယ်။ မြန်မာ့သရက်ပြပွဲမှာဆိုရင် မြန်မာ့သရက်သီး အမျိုးအစားစုံလင်စွာပြသဖို့နဲ့ သရက်သီးထွက်ကုန်ပစ်္စည်းတွေကိုလည်းပြသသွားဖို့ စီစဉ်ထားပြီး  စိန်တလုံး၊ ရွှေဟသာင်္၊ ပတ္တမြားငမောက်နဲ့ အခြားပြည်တွင်း သရက်အမျိုးအစား၊ ပြည်ပသရက် အမျိုးအစား ပြိုင်ပွဲတွေကိုကျင်းပဖို့ ရှိတယ်လို့သိရပါတယ်။

 ဒါ့အပြင် ပိုးသတ်ဆေး၊ ဓာတ်မြေသြဇာ၊ ပေါင်းဆေး၊ အားဆေးတွေနဲ့ စက်ပစ္စည်းကိရိယာတွေကို အခန်းပေါင်း (၈၈)ခန်းနဲ့ ပြသသွားမှာဖြစ်ပြီး ပြပွဲပြိုင်ပွဲကာလကို လာမယ့် မေလ ၂၀ရက်၊ ၂၁ရက်၊ ၂၂ ရက် စုစုပေါင်း ၃ ရက်တိုင် ကျင်းပပြုလုပ်သွားမယ်လို့ သိရပါတယ်။ 

 

 

Related News