ပို့ကုန် သွင်းကုန်ကဏ္ဍ မှာ ကုန်သေတ္တာတင် မော်တော်ယာဉ်တွေရဲ့ကဏ္ဍဟာလည်း အရေးကြီးတဲ့ ၀န်ဆောင်မှုကဏ္ဍတစ်ခုအဖြစ် ပါဝင်နေပါတယ်။အစိုးရကပို့ကုန်တိုးမြင့်ဖို့ တွန်းအားပေးနေတဲ့အချိန်မှာ မြန်မာနိုင်ငံကုန်သေတ္တာတင်မော်တော်ယာဉ် အသင်းက အများပိုင်ကုမ္ပဏီ တစ်ခုဖွဲ့စည်းဖို့ စီစဉ်နေတယ်လို့ သိရပါတယ်။ နိုင်ငံခြားရင်းနှီးမြုတ်နှံမှုတွေကနေ ၀န်ဆောင်မှုလုပ်ငန်းတွေ ပါဝင်လာရင် ယှည်ပြိုင်နိုင်ဖို့ နဲ့ ကုန်သေတ်္တာတင်မော်တော်ယဉ်များအသင်းက ၀န်ဆောင်မှုလုပ်ငန်းတွေကို တစ်နေရာထဲမှာပဲဝန်ဆောင်မှုတွေပေးနိုင်ဖို့ အတွက် အများပိုင်ကုမ်္ပဏီ တစ်ခု ဖွဲ့စည်းသွားဖို့ ရှိတယ်လို့ ကုန်သေတ်္တာတင်မော်တော်ယဉ်များ အသင်းက တာဝန်ရှိသူက ပြောပါတယ်။

လက်ရှိမှာတော့ အားလုးံပါဝင်လာဖို့ အခက်အခဲတွေရှိနေပေမဲ့  ရည်ရွယ်ချက်တူ အစုအဖွဲ့တွေကနေ အများပိုင်ကုမ္ပဏီဖွဲ့ဖို့ ရည်ရွယ်ထားတယ်လို့ သိရပါတယ်။ ကုန်သေတ္တာတင်မော်တော်ယဉ်များအသင်းအနေနဲ့ဝန်ဆောင်မှုလုပ်ကိုင်နေတဲ့ မော်တော်ယာဉ်ဂိတ်ပေါင်း ၇၂ ခု၊ အသင်းသား (၄၀၀)ကျော်နှင့် ကုန်တင်မော်တော်ယာဉ်ပေါင်း ၂၄၀၀ ကျော်ရှိတယ်လို့ သိရပါတယ်။ ဧပြီ (၂) ရက်က ကျင်းပခဲ့တဲ့ မြန်မာနိုင်ငံကုန်သေတ္တာတင်မော်တော်ယဉ်များ အသင်းရဲ့ နှစ်ပတ်လည်အသင်းသားစုံညီ အစည်းဝေးမှာရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီးဦးမြင့်သောင်းက  လက်ရှိ ရန်ကုန်မြို့က ဆိမ်ကမ်းတွေမှာ ကုန်သေတ္တာ ၅ သိန်းကို ၀န်ဆောင်မှုပေးနေပြီး ကုန်သေတ္တာ ၁ သန်း ၀န်ဆောင်မှုတိုးပေးနိုင်ဖို့  မျှော်မှန်းထားတယ်လို့ သိရပါတယ်။

 

 

Related News