စုပေါင်းပြည်တွင်းထုတ်ကုန်တန်ဖိုး (GDP) ဟာပြီးခဲ့တဲ့ ၂၀၁၆-၂၀၁၇ဘဏ္ဍာနှစ်မှာ ၆ရာခိုင်နှုန်း ကျော်ကိုကျဆင်းခဲ့တယ်လို့ အာရှဖွံ့ဖြိုးရေးဘဏ် (ADB ) မှထုတ်ပြန်ချက်အရ သိရပါတယ်။ ၂၀၁၅-၂၀၁၆ ဘဏ္ဍာနှစ်တုန်းက စုပေါင်းပြည်တွင်းထုတ်ကုန်တန်ဖိုး (GDP) ဟာ (၇)ရာခိုင်နှုန်းကျော် အထိတက်ခဲ့ပြီး ၂၀၁၆ခုနှစ်မှာ ရာသီဥတုဆိုးရွားခဲ့တာဟာ ပြီးခဲ့တဲ့ ၂၀၁၆-၂၀၁၇ ဘဏ္ဍာနှစ်ရဲ့ (GDP)တန်ဖိုးကျဆင်းစေခဲ့တဲ့အကြောင်းရင်းတစ်ခုဖြစ်တယ်လို့ သိရပါတယ်။

အာရှဖွံ့ဖြိုးရေးဘဏ်(ADB ) ရဲ့ ၂၀၁၇ အာရှတိုးတက်မှုအလားအလာ (Asian Development Outlook 2017) ထုတ်ပြန်ချက်အရ သိရတာပါ။ ၂၀၁၆ ခုနှစ်အတွင်း ရာသီဥတု ဆိုးရွားခဲ့တာကြောင့် စိုက်ပျိုးမြေတွေရေမြုပ်ပျက်စီးခဲ့ရတဲ့အတွက် စိုက်ပျိုးရေးထွက်ကုန် ကျဆင်းခဲ့တဲ့ အတွက်ကြောင့် ၂၀၁၆-၂၀၁၇ဘဏ္ဍာနှစ်မှာ ထုတ်ကုန်တန်ဖိုးတွေကျဆင်းခဲ့တာလို့ ဆိုပါတယ်။ (၂၀၁၆ခုနှစ်ထဲမှာ စိုက်ပျိုးထုတ်လုပ်မှုနဲ့ စိုက်ပျိုးသီးနှံအောင်မြင်မှုနှုန်းကျဆင်းသွားရတာဟာ ရာသီဥတုအခြေအနေကြောင့် ဖြစ်ပါတယ်။ ကာလရှည်အောင်အဆင်မပြေဖြစ်ခဲ့တဲ့ ရာသီဥတု အခြေအနေကြောင့် မြန်မာနိုင်ငံရဲ့ တချို့နေရာတွေမှာ ရေလွှမ်းမိုးမှုတွေ ဖြစ်ခဲ့ပြီးတော့  စိုက်ပျိုးရေး ကဏ္ဍကိုအနှောင့်အယှက် ပေးခဲ့တာကြောင့်ပါ။ ရာသီဥတုအခြေအနေပိုပြီးကောင်းလာမယ်ဆိုရင်တော့ ပုံမှန်အခြေအနေတစ်ခုကို ပြန်ရောက်မယ်လို့ မျှော်လင့်ထားပါတယ်။)

 မြန်မာနိုင်ငံရဲ့စိုက်ပျိုးရေးကဏ္ဍဟာ တိုးတက်လာနိုင်တဲ့အလားအလာရှိနေတာဖြစ်ပြီး ဒီကဏ္ဍကနေ စီးပွားရေးတိုးတက်မှုနဲ့အလုပ်အကိုင်အခွင့်အလမ်းကိုဖန်တီးပေးနိုင်နေတာဖြစ်လို့ စိုက်ပျိုးရေးကဏ္ဍကိုအား ကောင်းအောင် လုပ်ဆောင်သင့်တယ်ဆိုပြီး အကြံပြုပြောဆိုသွားပါတယ်။ (စိုက်ပျိုးရေးကဏ္ဍကို အားကောင်းလာစေဖို့ဆိုရင် စိုက်ပျိုးထုတ်လုပ်နိုင်မယ့်နည်းလမ်း အမျိုးမျိုးကို အစိုးရပိုင်းအနေနဲ့ အားပေးသင့်ပါတယ်။ စိုက်ပျိုးစားရိတ်ထုတ်ပေးတာတို့ ဈေးကွက်ပိုချဲ့နိုင်အောင် လုပ်တာတို့ အပါအ၀င်ပေါ့နော် စိုက်ပျိုးရေးနဲ့ပတ်သတ်တဲ့ သင်တန်းတွေ ပေးတာတို့တွေကို စိုက်ပျိုးရေးသမားတွေအတွက် လုပ်ဆောင်ပေးသင့်ပါတယ်။ ဒါမှပဲ စိုက်ပျိုးရေး သမားတွေအနေနဲ့ ကုန်သွယ်ရေးအခွင့်အလမ်းတွေကို ရရှိနိုင်မှာပေါ့နော်။) ပြီးခဲ့တဲ့ ၂၀၁၆-၂၀၁၇ဘဏ္ဍာနှစ်မှာ (GDP) တန်ဖိုးကျဆင်းခဲ့ပေမယ့် အခု ၂၀၁၇- ၂၀၁၈ ခုနှစ်မှာတော့ (GDP) တန်ဖိုးမြင့်တက်လာနိုင်တယ်လို့လည်း ADB ရဲ့ ၂၀၁၇အာရှတိုးတက်မှု အလားအလာအစီရင်ခံစာက သုံးသပ်ထားပါတယ်။

 

 

Related News