ယခု၂၀၁၇-၂၀၁၈ ဘဏ္ဍာနှစ်မှာ မြန်မာနိုင်ငံရဲ့ စုစုပေါင်းပြည်တွင်း ထုတ်ကုန်တန်ဖိုး GDP ဟာ (၈)ရာခိုင်နှုန်းနီးပါးအထိ ပြန်လည်မြင့်တက်နိုင်မယ်လို့ အာရှဖွံ့ဖြိုးမှုဘဏ် ADB က ခန့်မှန်းပြောဆိုလိုက်ပါတယ်။ အာရှဖွံ့ဖြိုးရေးဘဏ် ADB ရဲ့ ၂၀၁၇အာရှတိုးတက်မှုအလားအလာ (Asian Development Outlook 2017) ထုတ်ပြန်ချက်မှာ အခုလိုခန့်မှန်းထားတာပါ။ မြန်မာနိုင်ငံရဲ့အဓိက ကုန်သွယ်ဖက် နိုင်ငံတွေကနေ၀ယ်လိုအားမြင့်တက်လာနိုင်တာနဲ့ အိမ်နီးချင်းနိုင်ငံတွေကနေ ရင်းနှီးမြှုပ်နှံမှုတွေ ၀င်ရောက်လာနိုင်တဲ့ အလားအလာတွေရှိနေတာကြောင့် GDP တန်ဖိုးမြင့်တက်နိုင်မည်လို့ ခန့်မှန်းနိုင် တာ ဖြစ်တယ်လို့ ဆိုပါတယ်။ (မြန်မာနိုင်ငံရဲ့အဓိကကုန်သွယ်ဖက်နိုင်ငံတွေကနေ ၀ယ်လိုအားမြင့်တက်လာ နိုင်တာတွေ၊ ၂၀၁၆ခုနှစ်နဲ့ ယှဉ်ရင် တန်ကြေးပိုမြင့်လာ နိုင်တဲ့ထုတ်ကုန်တွေ ရှိလာနိုင်တာတွေလို နိုင်ငံပြင်ပကနေ ၀င်လာနိုင်ချေရှိတဲ့ ပိုကောင်းလာမယ့်အခြေအနေတွေကြောင့် ၂၀၁၇-၂၀၁၈ဘဏ္ဍာနှစ်မှာ GDP ဏတန်ဖိုးမြင့်တက်လာနိုင်တယ်လို့ ကျွန်မတို့ခန့်မှန်းနိုင်တာပါ။)

ပုံမှန်အားဖြင့် အစိုးရအပြောင်းအလဲကာလမှာ နိုင်ငံရေးအခြေအနေပြောင်းလဲမှုတွေရှိနေလို့ နိုင်ငံခြားတိုက်ရိုက်ရင်းနှီးမြှုပ်နှံမှု (FDI) တွေဟာ စောင့်ကြည့်တဲ့အခြေအနေသာရှိခဲ့ပြီး မကြာသေးမီက ပြဌာန်းလိုက်တဲ့ ရင်းနှီးမြှုပ်နှံမှုဥပဒေကြောင့် (FDI) တွေ ၀င်ရောက်လာဖွယ်ရှိနေတာဟာလည်း GDP တိုးလာနိုင်တယ်လို့ ခန့်မှန်းနိုင်တာဖြစ်တယ်လို့ ဆိုပါတယ်။ (နိုင်ငံရေးပြောင်းလဲတဲ့အချိန်ဆိုတော့ နိုင်ငံခြားတိုက်ရိုက်ရင်းနှီးမြှုပ်နှံသူတွေနဲ့ စီးပွားရေး လုပ်ငန်းတွေက စောင့်ကြည့်နေကျတာက ပုံမှန်ပါပဲ။ FDI တွေကလည်း နောက်ထပ်ပြောင်းလဲမှုတွေအတွက်အစီအစဉ်တွေ လုပ်နေကျတုန်းပါ။ အဲ့တော FDI  တန်ဖိုးတွေ ယာယီကျဆင်းသွားတယ်ပေါ့။ဒါပေမယ့် FDI တွေကို ၀င်ခွင့်ပြုလိုက်ပြီဖြစ်တဲ့အတွက်လည်း ထုတ်ကုန်တွေတက်လာနိုင်ပြီး ငွေကြေးဝင်ထွက်ခြေကလည်းမျှတ သွားမှာဖြစ်တဲ့အတွက်လည်း ခုလိုခန့်မှန်းထားတာပါ။) စုစုပေါင်းပြည်တွင်း ထုတ်ကုန်တန်ဖိုး GDP ဟာ ပြီးခဲ့တဲ့ (၂၀၁၆-၂၀၁၇) ဘဏ္ဍာနှစ်မှာ ၆ ရာခိုင်နှုန်းကျော်ကို ကျဆင်းခဲ့တယ်လို့  အာရှဖွံ့ဖြိုးရေးဘဏ် ADB က ထုတ်ပြန်ခဲ့ပါတယ်။

 

Related News