ဌာနဆိုင်ရာဝန်ထမ်းတွေအနေနဲ့ သင်္ကြန်ကာလရုံးပိတ်ရက်နေရပ်တွေကို ပြန်ရာမှာ အဆင်ပြေစေဖို့ သင်္ကြန်ရက်တွေကလွဲလို့ အထူးရထားနှစ်စင်း ပုံမှန်ပြေးဆွဲပေးမယ်လို့ မြန်မာ့မီးရထားမှ သိရပါတယ်။ အစိုးရ၀န်ထမ်းတွေအတွက် သင်္ကြန်အထူးရထားကို မန္တလေး-နေပြည်တော်-ရန်ကုန် လမ်းကြောင်းအတိုင်း အစုန်အဆန်ပြေးဆွဲပေးမှာဖြစ်ပြီး သင်္ကြန်အကြိုနေ့ဖြစ်တဲ့ ဧပြီလ၁၃ရက်နေ့ အထိနေ့စဉ် အထူးရထားနှစ်စင်းပုံမှန်ပြေးဆွဲပေးမှာဖြစ်ကာ သင်္ကြန်ရက် ၃ရက်ကိုတော့ ရပ်နားကာ နှစ်ဆန်းတစ်ရက်နေ့ဖြစ်တဲ့ ဧပြီလ(၁၇)ရက်မှာတော့ ပြန်လည် ပြေးဆွဲမယ်လို့ သိရပါတယ်။ 

 နေပြည်တော်ကဌာနဆိုင်ရာဝန်ထမ်းတွေ နေရပ်ပြန်ဖို့ အဆင်ပြေစေရေးအတွက် နေပြည်တော်-ရန်ကုန်အထူးရထားတစ်စင်းကိုလဲ ရုံးပိတ်ရက်ဖြစ်တဲ့ ဧပြီလ၁၂ရက်မှာထပ်မံတိုးချဲ့ ပြေးဆွဲပေးမယ်လို့ သိရပါတယ်။ ဒါ့အပြင် လိုအပ်ပါက ထပ်မံပြေးဆွဲနိုင်ရေးအတွက်လဲ နေပြည်တော်ဘူတာမှာ တွဲဆိုင်းတစ်ခုနဲ့ စက်ခေါင်းတစ်ခုကိုလဲ ထားရှိသွားမယ်လို့ သိရပါတယ်။  သင်္ကြန်ကာလအထူးပြေးဆွဲပေးမယ့် အထူးရထားဟာ လမ်းတစ်လျှောက်မှာရှိတဲ့ သာစည်၊ နေပြည်တော်၊ ပျဉ်းမနား၊ တောင်ငူ၊ ပြွန်တန်ဆာ၊ ပဲခူးနဲ့ တိုးကြောင်ကလေးဘူတာ တို့မှာ ရပ်နားသွားမယ်လို့ သိရပါတယ်။ 

 

 

Related News