အိန္ဒိယနိုင်ငံက လုပ်ငန်းရှင်တွေအနေနဲ့ မြန်မာနိုင်ငံရဲ့ ဈေးကွက်စီးပွားရေးကို လာရောက် လေ့လာတဲ့အခါမှာ လုပ်ငန်းတော်တော်များများမှာ ရင်းနှီးမြုပ်နှံဖို့အတွက် စိတ်ဝင်စားမှုရှိတယ်လို့ မေလ (၃)ရက်ကပြုလုပ်တဲ့ အိန္ဒိယ၊ မြန်မာစီးပွားရေးလုပ်ငန်းရှင်တွေ တွေ့ဆုံပွဲမှ ပြောကြား လိုက်ပါတယ်။

အိန္ဒိယနိုင်ငံနဲ့ မြန်မာနိုင်ငံဟာ စီးပွားရေးမိတ်ဖက်တွေအနေနဲ့ လုပ်ကိုင်လာတာ ဆယ်စုနှစ် ကာလရှိနေပါပြီ။ အိန္ဒိယနိုင်ငံဟာ မြန်မာနိုင်ငံမှာ လာရောက်ရင်းနှီးမြုပ်နှံတဲ့ နိုင်ငံတွေထဲမှာ နံပါတ် (၁၀)နေရာမှာရှိနေပြီး ရင်းနှီးမြုပ်နှံမှုအမေရိကန်ဒေါ်လာ (၇၃၂) သန်းရှိတယ်လို့ ရင်းနှီးမြုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနရဲ့ နောက်ဆုံးစာရင်းတွေအရ သိရပါတယ်။

မြန်မာနိုင်ငံကနေ အိန္ဒိယကို အဓိကအနေနဲ့ ပဲ၊ သကြားနဲ့ ဆောက်လုပ်ရေးပစ္စည်းတွေ တင်ပို့နေပြီး အခုတွေ့ဆုံပွဲမှာလည်း အထည်အလိပ်လုပ်ငန်း၊ နည်းပညာဝန်ဆောင်မှုလုပ်ငန်း၊ ဘဏ်လုပ်ငန်းနဲ့  နှမ်းလုပ်ငန်းတွေ အဓိကလုပ်ကိုင်တဲ့ အိန္ဒိယ စီးပွားရေးလုပ်ငန်းရှင် (၁၄) ဦး ပါဝင်တယ်လို့ သိရပါတယ်။

ဒါ့အပြင် အိန္ဒိယလုပ်ငန်းရှင်တွေအနေနဲ့ မေလ (၂)ရက်က သီလ၀ါစက်မှုဇုန်ကို သွားရောက် လေ့လာခဲ့ပြီး ဒီလိုလေ့လာတဲ့အခါမှာ လုပ်ငန်းရှင်တွေအနေနဲ့ သက်ဆိုင်ရာ ကဏ္ဍအလိုက် စက်ရုံတွေတည်ဆောက်မှုအတွက် အစီအစဉ်တွေလည်း ရှိတယ်လို့ သိရပါတယ်။ 

 

 

Related News