ဇူလိုင်လ လကုန်ပိုင်းကစတင်လို့ ရွှေဈေးမှာ (၁)ကျပ်သားကို ငွေကျပ်(၉)သိန်းနီးပါးဖြစ်လာတဲ့ ပြည်တွင်းရွှေဈေးဟာ လက်ရှိဒီကနေ့စက်တင်ဘာလ(၈)ရက်နေ့မှ ငွေကျပ် (၉)သိန်း (၅)သောင်းနှစ်ထောင့် ငါးရာ ရှိပြီး  လက်ရှိရွှေဈေးထက်ဆက်လက်မြင့်တက်နိုင်တယ်လို့ ရွှေလုပ်ငန်းရှင်များမှ ခန့်မှန်းထားပါတယ်။ ပြည်တွင်းရွှေဈေးဟာ ပြီးခဲ့တဲ့ ဇွန်လက စတင်ပြီးတဖြည်းဖြည်းမြင့်တက်လာတာဖြစ်ပြီး  ပြီးခဲ့တဲ့ သြဂုတ်လ(၈)ရက်မှာတော့ အခေါက်ရွှေတစ်ကျပ်သားကို ငွေကျပ်(၉)သိန်း (၈)ထောင်အထိမြင့်တက်ခဲ့ပြီး စက်တင်ဘာလ(၈)ရက်မှာတော့ အခေါက်ရွှေတစ်ကျပ်သားကို ငွေကျပ် (၉)သိန်း(၅)သောင်းကျော် အထိစံချိန်တင်မြင့်တက်ခဲ့တာဖြစ်ပါတယ်။ ယခုလိုရွှေဈေး မြင့်တက်တာဟာ ကမ္ဘာ့ရွှေဈေးတွေမြင့်တက်လာလို့ ပြည်တွင်းရွှေဈေးလည်း မြင့်တက်လာတာ ဖြစ်တာဖြစ်ပြီး ယခုထက်ပိုပြီးပြည်တွင်းရွှေဈေးမှာ ဆက်လက်မြင့်တက်နိုင်တယ်လို့လည်း သိရပါတယ်။

ရန်ကုန်ရွှေဈေးကွက်မှာတော့ လက်ဝတ်ရတနာရွှေဖြစ်တဲ့ (၁၅)ပဲရည်တစ်ကျပ်သားကို ငွေကျပ်(၈) သိန်း(၉)သောင်း(၈)ထောင် နဲ့ ဈေးဖွင့်ရောင်းချနေတယ်လို့ သိရပါတယ်။ ရွှေဈေးစတင်မြင့်တက်ခဲ့တဲ့ ဇွန်လကစလို့ ယခုအချိန်ထိ အရောင်းအ၀ယ်တွေ ဆက်တိုက်ပါးနေပြီး  ရွှေဝယ်ယူသူကလည်း လက်ရှိမှာနည်းပါးနေတယ်လို့သိရပါတယ်။ ပြီးခဲ့တဲ့(၂၀၁၆)ခုနှစ် ပြည်တွင်းရွှေဈေးစံချိန်တင်မြင့်တက်မှုမှာ ငွေကျပ်(၉)သိန်းနီးပါးအထိ မြင့်တက်ခဲ့ ဖူးပြီး(၂၀၁၇)ခုနှစ်မှာတော့ ယခုရွှေဈေးမြင့်တက်မှုဟာ စံချိန်တင်မြင့်တက်မှုဖြစ်တယ်လို့သိရပါတယ်။ ယနေ့မှာ ကမ္ဘာ့ရွှေဈေး(၁)အောင်စကို အမေရိကန်ဒေါ်လာ(၁၃၄၈) ဒေါ်လာ ရှိနေပြီး ရွှေဆိုင်ပိုင်ရှင်တွေအနေနဲ့ကလည်း ပြည်တွင်းရွှေဈေးကိုတည်ငြိမ်မှုရှိစေလိုတယ်လို့ သိရပါတယ်။

 

Related News