လက်ရှိသီလ၀ါအထူးစီးပွားရေးဇုန်ကို မြန်မာကိုယ်စားပြုကုမ္ပဏီအဖြစ်ပါဝင် အကောင်အထည် ဖော်နေတဲ့ သီလ၀ါအထူးစီးပွားရေးဇုန်အများပိုင်ကုမ္ပဏီအနေနဲ့ ကျောက်ဖြူအထူးစီးပွားရေးဇုန်မှာပါ နောက်ထပ်တိုးချဲ့ရင်းနှီးမြုပ်နှံဖို့ စီစဉ်ထားတယ်လို့ သိရပါတယ်။ 
 
Myanmar Thilawa SEZ Holdings Public Limited အနေနဲ့ ကျောက်ဖြူ အထူး စီးပွားရေးဇုန်အတွက် ကနဦးလေ့လာဆန်းစစ်မှုတွေပြုလုပ်နေတဲ့MKSHC မှာ ငွေကြေးထည့်ဝင် ထားပြီး ဖြစ်တယ်လို့သိရပါတယ်။ လက်ရှိမှာ လေ့လာမှုတွေ လုပ်နေတဲ့ အဆင့်သာရှိသေးပြီး Business Plan ထွက်လာပြီးနောက်ပိုင်းမှ ရင်းနှီးမြုပ်နှံမယ့်ပမာဏကို ဆုံးဖြတ်မယ်လို့ ဥက္ကဋ္ဌ ဦးဝင်းအောင်က ပြောပါတယ်။
 
သီလ၀ါအများပိုင်ကုမ္ပဏီအနေနဲ့ အခုနှစ်အတွက် ရှယ်ယာရှင်တွေကို အမြတ်ငွေ ကျပ်၁၀ဘီလီယံကျော် ခွဲပေးပြီးနောက် ကုမ္ပဏီရဲ့အရန်ငွေဟာ ကျပ်၁၆ဘီလီယံ ကျော်ရှိနေပါတယ်။ ဒီလက်ကျန်ငွေတွေနဲ့ ရင်းနှီးမြုပ်နှံမှု ထပ်လုပ်မယ့် လုပ်ငန်းအသစ်တွေထဲမှာ ကျောက်ဖြူအထူး စီးပွားရေးဇုန်က အဓိကနေရာကနေ ပါဝင်နေပါတယ်။
 
MTSH အနေနဲ့ လက်ရှိသီလ၀ါအထူးစီးပွားရေးဇုန်အကောင်အထည်ဖော်ရာမှာ ၄၁ရာခိုင်နှုန်း ပါဝင် ရင်းနှီးမြုပ်နှံထားတာပါ။ MTSH ပါဝင်ရင်းနှီးမြုပ်နှံထားတဲ့ သီလ၀ါအထူးစီးပွားရေးဇုန် အနေနဲ့ ပြီးစီးသွားတဲ့ ဇုန်(အေ) (၄၀၅)ဟက်တာမှာတော့ ကုမ္ပဏီပေါင်း ၇၉ခုနဲ့စာချုပ်ချုပ်ဆိုပြီး ဖြစ်ကာ ရင်းနှီးမြုပ်နှံမှု အမေရိကန်ဒေါ်လာ ၁ဘီလီယံကျော်ရရှိထားပြီဖြစ်တယ်လို့ ကုမ္ပဏီဘက်က ပြောပါတယ်။ ဒါ့အပြင် ဇုန်(ဘီ) ၇၀၀ဟက်တာကိုလည်း အဆင့်လိုက် အကောင်အထည်ဖော်မှာ ဖြစ်ပြီး လက်ရှိမှာပထမအဆင့် (၁၀၁)ဟတ်တာ ကိုဖော်ဆောင်နေပါပြီ။ သီလ၀ါအထူး စီးပွားရေး ဇုန်အကောင်အထည်ဖော်နေတဲ့ ကာလမှာ MTSH ရဲ့ ပြီးခဲ့တဲ့(၂၀၁၆-၁၇)ဘဏ္ဍာနှစ် အခွန်ဆောင်ပြီး ၀င်ငွေက ကျပ်၂၂ဘီလီယံကျော် ရှိတယ်လို့ ပြောပါတယ်။
 
သီလ၀ါအထူးစီးပွားရေးဇုန်အများပိုင်ကုမ္ပဏီ MTSH ကို ၂၀၁၃ခုနှစ် မေလ(၃)ရက်က စတင်ထူထောင်ခဲ့တာ ဖြစ်ပါတယ်။ MTSH ရဲ့အဓိက ရှယ်ယာရှင်တွေကတော့FMIအပါအ၀င် အများပိုင်ကုမ္ပဏီ ၉ခုနဲ့ ရှယ်ယာရှင်ပေါင်းတစ်သောင်းခုနှစ်ထောင်ကျာ် ရှိပါတယ်။ လက်ရှိမှာ အစုရှယ်ယာပေါင်း ၃၈သန်း ကျော်ကိုထုတ်ရောင်းထားပြီး ဖြစ်တယ်လို့သိရပါတယ်။ ပြီးခဲ့တဲ့ ဘဏ္ဍာနှစ်အတွက် ရှယ်ယာတစ်စုကို ၂၆၀ကျပ် အမြတ်ခွဲဝေပေးခဲ့ပြီး လက်ရှိရှယ်ယာ တစ်စုကို ၃၄၅၀ကျပ်ပေါက်ဈေး ရှိနေပါတယ်။
 

Related News