မြန်မာရိုးရာအစားအစာ မုန့်ဟင်းခါးကို လက်ရှိပြည်တွင်းက ဟိုတယ်အများစုမှာ နိုင်ငံခြားသားတွေ စားသုံးနေကြသလို  မုန့်ဟင်းခါးကို ဆန်းသစ်တီထွင်ပြီး နိုင်ငံတကာဈေးကွက်ကို ထိုးဖောက်ဝင်ရောက်သင့်ကြောင်းကို အောက်တိုဘာ(၇)ရက်က ကုန်သည်စက်မှု အသင်းချုပ်က ပြုလုပ်ပေးတဲ့  “ဆန်းသစ်တီထွင်မှုနှင့်မြန်မာ” ဟောပြောဆွေးနွေးပွဲမှာ  ဒေါက်တာကျော်ငြိမ်းအေးက ထည့်သွင်းဆွေးနွေးခဲ့တာဖြစ်ပါတယ်။

လက်ရှိ ကမ္ဘာမှာ စားနေတဲ့အစားအစာတွေဟာ နိုင်ငံတကာက ရိုးရာ အစားအစာတွေဖြစ်သလို နိုင်ငံကျော်နေတာဖြစ်လို့ မုန့်ဟင်းခါးကို နိုင်ငံတကာ ဈေးကွက်ကို ထိုးဖောက်လို့ရတယ်လို့လဲ ဆိုပါတယ်။မုန့်ဟင်ခါးကို နိုင်ငံတကာက လက်ခံစားသောက်လို့ရအောင် ကြော်ငြာ၊အသိပညာပေးတာတွေ၊အစားအသောက်နည်းပညာစာအုပ်တွေ၊ သုတေသနပြုလုပ်တာတွေ အပါအ၀င် ကျန်းမာရေးညီညွှတ်မှုအခြအနေ၊ ကြာရှည်အထားခံဖို့ ချက်လုပ်တဲ့နည်ပညာကို စံသတ်မှတ်ချက်ထားရှိပြီး  ဈေးကွက်ကို ထိုးဖောက်ဝင်ရောက်ဖို့ရတယ်လို့ ဒေါက်တာကျော်ငြိမ်းအေး က ထည့်သွင်းဆွေးနွေးခဲ့တာပါ။    “ဆန်းသစ်တီထွင်မှုနှင့်မြန်မာ”ဟောပြောဆွေးနွေးပွဲမှာ မြန်မာစီးပွားရေးလုပ်ငန်းရှင်တွေအနေနဲ့ထုတ်ကုန်နဲ့ ၀န်ဆောင်မှုတွေကို ဘယ်လိုဆန်းသစ်နိုင်မလဲ၊တီထွင်ဖန်တီးတတ်တဲ့ယဉ်ကျေးမှု ပတ်ဝန်းကျင်တစ်ရပ် ခိုင်ခိုင်မာမာပေါ်ပေါက်လာနိုင်ဖို့ ဘာတွေလိုအပ်မလဲ၊ စိန်ခေါ်မှုတွေကို ဘယ်လိုကျော်လွှာပြီး အခွင့်အလမ်းတွေကို ဘယ်လို ရယူနိုင်မလဲ၊ နည်းပညာကျွမ်းကျင်မှုနဲ့ သုတေသနဖွံဖြိုးတိုးတတ်မှုရဲ့ အခန်းကဏ္ဍရဲ့ အရေးပါ၊ အဓိကကျတာ၊ နိုင်ငံတော်အစိုးရနဲ့ ပုဂ်္ဂလိကကဏ္ဍမှ ပံ့ပိုးပေးဖို့လိုအပ်မလဲ စတာတွေကို ဆွေးနွေးခဲ့ကြတာပါ။

ကုန်သည်စက်မှုအသင်းချူပ်အနေနဲ့ ဘာသာရပ်ဆိုင်ရာ   အသိပညာရှင်၊ အတတ်ပညာရှင် ဟောပြောပွဲတွေကို လစဉ်ကျင်ပပြုလုပ်ပေးနေပြီး စက်တင်ဘာလက Make In Myanmar  ခေါင်းစဉ်နဲ့ သက်ဆိုင်ရာပညာရှင်တွေနဲ့ လုပ်ငန်းရှင်တွေက ပြည်တွင်းထုတ်လုပ်မှု မြင့်တတ်နိုင် စေမယ့် နည်းလမ်းတွေကို ၀ိုင်းဖွဲ့ဆွေးနွးတာတွေကို ဆောင်ရွက်ခဲ့ပါတယ်။ ဒီလအတွက် ကိုတော့  Make In Myanmar   ကို တစ်ဆင့်မြင့်တင်ပြီး  တီထွင်ဆန်းသစ်တဲ့ ထုတ်ကုန်နဲ့ ၀န်ဆောင်မှုတွေကို  နိုင်ငံအတွင်း တိုးချဲ့ဖန်းတီးလာနိုင်ဖို့ Innovation and Myanmar ခေါင်းစဉ်နဲ့ ဆွေးနွးခဲ့ကြတာ ဖြစ်ပါတယ်။ 

 

 

Related News