Yangon Book Street   စနေ-တနင်္ဂနွေ ရန်ကုန်စာအုပ်လမ်းကို   နိုဝင်ဘာ(၁၁)ရက်ကရန်ကုန်မြို့၊ သိမ်ဖြူလမ်းမှာဖွင့်လှစ်ခဲ့ပါတယ်။Yangon Book Street   စနေ-တနင်္ဂနွေ  ရန်ကုန်စာအုပ်လမ်းကို ပညာရေးဝန်ကြီးဌာနက ဦးဆောင်ဖွင့်လှစ်တာဖြစ်ပြီး ပြီးခဲ့တဲ့ မိုးတွင်းကာလကဆိုင်ခန်းတွေကို ပိတ်ထားခဲ့ရာမှ အခုပြန်လည် ဖွင့်လှစ်လိုက်တာဖြစ်ပါတယ်။ အခုဖွင့်လှစ်ရာမှာ စာအုပ်အမျိုးအစားစုံလင်စွာပါဝင်တဲ့ စာအုပ်ဆိုင် ပေါင်း(၁၇၂)ဆိုင်ကိုဖွင့်လှစ်ထားတာဖြစ်ပါတယ်။ စာအုပ်လမ်းကိုတော့ အပတ်စဉ်စနေနဲ့ တနင်္ဂနွေနေ့ တွေမှာ ဖွင့်လှစ်ပေးသွားမှာဖြစ်ပါတယ်။
 
စနေ - တနင်္ဂနွေ  စာအုပ်လမ်း ပြုလုပ်ရတာဟာ စာအုပ်ဆိုင်တွေနည်းပါးလာတဲ့အတွက် စာအုပ်တွေကို နေရာတစ်ခုတည်းမှာရရှိနိုင်စေရန်ရည်ရွယ်ပြီး ပြုလုပ်တာဖြစ်ပါတယ်။ စာအုပ်လမ်း မှာတော့ အရင်ကထွက်ရှိထားတဲ့ စာအုပ်တွေအပြင် လက်ရှိမှာထွက်ရှိနေတဲ့ စာအုပ်တွေကိုပါ ရောင်းချပေးနေတာဖြစ်ပါတယ်။
 
လက်ရှိပြန်လည်ဖွင့်လှစ်ချိန်မှာတော့ စာပေလာရောက်လေ့လာသူနည်းပါးနေသေးပေမဲ့ စာအုပ်တွေကို စိတ်ဝင်တစားလာရောက်ကြည့်ရှုဝယ်ယူကြတာတွေလည်း ရှိပါတယ်။ ဒါ့အပြင် စာအုပ်ဟောင်းတွေနဲ့ သုတရသ၊ ဗုဒ်္ဓစာပေတွေပါရရှိနိုင်တာကြောင့် စာအုပ်ဝယ်ယူရတာ အဆင်ပြေမှုတွေရှိတယ်လို့ သိရပါတယ်။ 
 
ရန်ကုန်စာအုပ်လမ်းဖွင့်ပွဲအခမ်းအနားကို ရန်ကုန်တိုင်းဒေသကြီးဝန်ကြီးချုပ်ဦးဖြိုးမင်းသိန်း၊ ရန်ကုန်မြို့တော်ဝန် ဦးမောင်မောင်စိုး၊ ပညာရေးဝန်ကြီးဌာနမှ တာဝန်ရှိသူများ၊ မြန်မာနိုင်ငံ စာပေထုတ်ဝေသူနှင့် ဖြန့်ချိသူများအသင်းမှ တာဝန်ရှိသူများတက်ရောက်ခဲ့ကြပါတယ်။
 
 

Related News