ဒီနေ့ နိုဝင်ဘာလ(၁၄)ရက်မှာတော့ ဈေးကွက်အတွင်းကို ကြက်သွန်နီအသစ်များ စတင်ဝင်ရောက်လာပြီလို့ မြန်မာနိုင်ငံကြက်သွန်နီ၊ ကြက်သွန်ဖြူနှင့် စားဖိုချောင်သီးနှံ စိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။ ကြက်သွန်နီအသစ်ဟာ နှစ်စဉ်အောက်တိုဘာလဆန်းပိုင်းမှာထွက်ရှိနေတာဖြစ်ပြီး ဒီနှစ်ယခုအချိန်အထိ မိုးရွာသွန်းမှုမပြတ်သေးတာကြောင့် ကြက်သွန်စိုက်ခင်းမှာ ကြက်သွန် ရရှိနေပေမယ့် တူးဖော်လို့မရရှိသေးတာကြောင့် ကြက်သွန်အသစ်ဟာ ယခုနိုဝင်ဘာလ (၁၄)ရက်မှ စတင်ဝင်ရောက်တာဖြစ်တယ်လို့သိရပါတယ်။ နိုဝင်ဘာလ(၁၄)ရက်မှာတော့ ကြက်သွန်နီအသစ် ၀င်ရောက်မှုအနေနဲ့ (၂၅)ပိဿာအိတ်(၄၀၀)ထိဝင်ရောက်ပေမယ့် လက်လီရောင်းတဲ့ ကုန်စုံဆိုင်တွေက ကြက်သွန်နီအသစ်ကို ၀ယ်ယူမှုမရှိသေးဘူးလို့  မြန်မာနိုင်ငံကြက်သွန်နီ၊ ကြက်သွန်ဖြူနှင့် စားဖိုချောင်သီးနှံစိုက်ပျိုး ထုတ်လုပ်တင်ပို့ရောင်းချသူများအသင်းမှ သိရပါတယ်။
 
ကြက်သွန်နီအသစ်ဟာ အစိုဓါတ်ရှိနေသေးတာကြောင့် (၄)(၅)ရက်လောက်သာ အထားခံတယ်လို့ သိရပါတယ်။ ကုန်စည်ဒိုင်တွေကတော့ ကြက်သွန်နီအသစ်နဲ့ ကြက်သွန်နီ အဟောင်းဟာ တစ်ပိဿာ(၅၀၀)ကျပ်ကွာပြီး ကြက်သွန်အဟောင်းကဈေးပိုရနေတာ ဖြစ်ပါတယ်။ ဒါ့ကြောင့်လက်လီပြန်လည်ရောင်ချတဲ့ကုန်စုံဆိုင်တွေက ကြက်သွန်နီအသစ်ကို ၀ယ်ယူမှုမရှိသေးတာလို့သိရပါတယ်။နိုဝင်ဘာလ(၁၄)ရက် ဘုရင့်နောင်ကုန်စည်ဒိုင်ရဲ့ ကြက်သွန်နီပေါက်ဈေးကတော့ ကြက်သွန်နီ အဟောင်း အနိမ့်ဆုံးတစ်ပိဿာကိုငွေကျပ်(၁၉၅၀)မှ အမြင့်ဆုံး တစ်ပိဿာကို ငွေကျပ်(၂၅၅၀)ထိ ရှိတယ်လို့ သိရပါတယ်။ ဒါ့အပြင်ကြက်သွန်နီအသစ် တစ်ပိဿာကို အနိမ့်ဆုံးငွေကျပ်(၁၆၀၀)မှ အမြင့်ဆုံးတစ်ပိဿာကို(၂၁၀၀)ကျပ်အထိရှိတယ်လို့ သိရပါတယ်။
 
 

Related News