မြန်မာနိုင်ငံသားပိုင်  Shooting Stars ကုမ္ပဏီက ထိုင်းနိုင်ငံ Biotech   ကုမ္ပဏီရဲ့ နည်းပညာ အကူအညီနဲ့ မြန်မာ့မျိုးရင်း ရေချိုပုစွန်တွေကို သားဖောက်ပြီး တစ်နိုင်ငံလုံးကို ရေချိုပုစွန်သားပေါက်တွေ ရောင်းချနိုင်တဲ့အထိ ထုတ်လုပ်သွားမယ်လို့ သိရပါတယ်။
 
ပြည်တွင်းမှာ ရေချိုပုစွန်သားပေါက်ထုတ်လုပ်နိုင်မှု ကျဆင်းနေပြီး ရေချိုပုစွန်တွေ သားဖောက်တဲ့အခါ ပုစွန်သားပေါက်တွေမှာ ရောဂါပါလာတဲ့ ပြဿနာကို ရင်ဆိုင်နေရတာကြောင့် ထိုင်းနိုင်ငံ ငြသအနခ့ ကုမ္ပဏီရဲ့ နည်းပညာအကူအညီယူပြီး မြန်မာ့မျိုးရင်း ရေချိုပုစွန်တွေကို သားဖောက်သွားမယ်လို့သိရပါတယ်။
 
တစ်လခွဲ တစ်ကြိမ် ပုစွန်သားပေါက် အကောင်ရေ သိန်းလေးဆယ် ထုတ်လုပ်မှာဖြစ်ပြီး တစ်နိုင်ငံလုံးကိုထက်ဝက်ဈေးလျှော့ ရောင်းချပေးမှာဖြစ်တယ်လို့ သိရပါတယ်။သားဖောက်ဖို့ မျိုးပုစွန်ကို သဘာဝအတိုင်း ရှင်သန်တဲ့ ဧရာဝတီတိုင်းဒေသကြီး၊ မွန်ပြည်နယ်နဲ့ ကရင်ပြည်နယ်တို့က ရေချိုပုစွန်အမတွေ သုံးပြီး သားဖောက်မှာဖြစ်ပြီး မျိုးပုစွန် မှာယူနေဆဲ ဖြစ်တယ်လို့သိရပါတယ်။
 
တွံတေးမြို့နယ်နဲ့ ညောင်တုန်းမြို့နယ်တစ်ဝိုက်ကShooting Stars   ကုမ္ပဏီပိုင် မြေတွေမှာ သားဖောက်မှာဖြစ်ပြီး သားဖောက်စခန်းနဲ့ အခြေခံလိုအပ်တဲ့ပစ်္စည်းတွေ အဆင်သင့်ဖြစ်နေပြီလို့သိရပါတယ်။မြန်မာ့မျိုးရင်းရေချိုပုစွန်တွေကို သားပေါက်ဖို့ Shooting Stars   ကုမ္ပဏီက တစ်ဧကကို  သိန်းတစ်ထောင်နီးပါး ရင်းနှီးမြှုပ်နှံထားပြီး ယခု ပုစွန်သားဖောက်တာ အောင်မြင်ရင် ရေချိုပုစွန်နဲ့ ရေငန်ပုစွန် (ဗနားမီး)တို့ တွဲစပ်မွေးမြူတဲ့ နည်းလမ်းကို ထိုင်းနိုင်ငံမှ ပညာရှင်တွေက မျှဝေသွား မယ်လို့သိရပါတယ်။
 
 

Related News