စစ်တွေ မြစ်ကမ်းတစ်လျှောက်မှာ ဖော်ဆောင်နေတဲ့ မြေကွက်တွေကို ဇန်န၀ါရီလ(၆)ရက်နဲ့ (၇)ရက်တွေမှာ စစ်တွေမြို့နယ်နဲ့ ရန်ကုန်မြို့ရှိ Novotel Hotel မှာ ရောင်းချလျက်ရှိပါတယ်။ 
 
ကုလားတန်မြစ် စစ်တွေကမ်းနားတစ်လျှောက်မှာဖော်ဆောင်နေတဲ့ စစ်တွေ Waterfront Project မြေဟာရေအောက်မြေဖြစ်တဲ့အတွက် ဒီမြေကိုဖော်ဆောင်နိုင်ဖို့အတွက် လုပ်ထုံးလုပ်နည်းနဲ့အညီ ပြည်ထောင်စုအစိုးရအဖွဲ့ကို တင်ပြပြီး ခွင့်ပြုမှသာ ရခိုင်ပြည်နယ်အစိုးရအဖွဲ့ရဲ့ မြေအဖြစ်သတ်မှတ်ရမှာ ဖြစ်ပါတယ်။ လက်ရှိမှာတော့ မြေဖို့ခြင်းနဲ့ လမ်းဖောက်ခြင်း၊ လမ်းမီးတိုင်စိုက်ထူတာတွေအပြင် မြေယာပိုင်ဆိုင်ရရှိဖို့အတွက်ပါ(၂)နှစ်အတွင်း ဆောင်ရွက်သွားမယ်လို့ သိရပါတယ်။ လက်ရှိမြေယာ ရောင်းချမှုမှာတော့ ပြည်ထောင်စုအစိုးရအဖွဲ့ရဲ့ ခွင့်ပြုချက်မကျသေးပဲ ကြိုတင်ရောင်းချနေတာလို့ ပြောပါတယ်။
 
စစ်တွေ Waterfront Project မြေကွက်ရောင်းချမှုမှာ အနည်းဆုံးတစ်စတုရန်းပေကို ငွေကျပ်(၂၅၀၀၀)ကနေ အများဆုံးငွေကျပ်(၆၃၀၀၀)အထိ နေရာပေါ်မူတည်ပြီးရောင်းချပေးနေတာ ဖြစ်ပါတယ်။ မြေကွက်လာရောက်ဝယ်သူအများစုဟာ ရခိုင်လူမျိုးတွေဖြစ်ပြီး အချို့ကတော့ မွေးရပ်မြေမှာ အိမ်ဆောက်ဖို့ ၀ယ်ယူသလို စီးပွါးရေးလုပ်ကိုင်ဖို့အတွက်လည်း ၀ယ်ယူကြတယ်လို့ သိရပါတယ်။
 
စစ်တွေမြို့ Waterfront Project မြေယာရောင်းချမှုတွေကို ရခိုင်ပြည်နယ်မှာ လာရောက် ရင်းနှီးမြှုပ်နှံမယ့် စီးပွားရေးလုပ်ငန်းရှင်တွေနဲ့ နယ်ခံတွေကို ဦးစားပေးရောင်းချလျက်ရှိတာဖြစ်ပြီး အရစ်ကျစနစ်အနေနဲ့လည်း တစ်နှစ်ကနေ(၂)နှစ်အထိ ရောင်းချပေးသွားမှာ ဖြစ်တယ်လို့ သိရပါတယ်။
 
 
 
 

Related News