ဒီဇင်ဘာလ(၂၉)ရက် နေပြည်တော်မှာပြုလုပ်ခဲ့တဲ့ အနည်းဆုံးအခကြေးငွေသတ်မှတ်ရေးဆိုင်ရာ အမျိုးသားကော်မတီရဲ့ စတုတ္ထအကြိမ်ညှိနှိုင်းအစည်းအဝေးမှာဆုံးဖြတ်ခဲ့တဲ့ အနည်းဆုံးအခကြေးငွေ တစ်ရက် (၄၈၀၀)သတ်မှတ်ခဲ့တဲ့အပေါ် အလုပ်သမားအချို့ ကန့်ကွက်စာတင်သွားမယ်လို့ သိရပါတယ်။ 
 
အနည်းဆုံးအခကြေးငွေသတ်မှတ်ရေးဆိုင်ရာ အမျိုးသားကော်မတီရဲ့ စတုတ်္ထအကြိမ် ညှိနှိုင်းအစည်းအဝေးမှာ ဆုံးဖြတ်ခဲ့တဲ့ တစ်ရက်(၄၈၀၀)ကျပ်ကို အချို့အလုပ်သမားတွေဘက်က ကန့်ကွက်စာတင်မှာတွေရှိသလို အချို့အလုပ်သမားတွေကတော့ ကန့်ကွက်ဖို့မရှိဘူးလို့လည်း သိရပါတယ်။ ယခုရွေးချယ်လိုက်တဲ့ နှုန်းထားဖြစ်တဲ့ တစ်ရက်(၄၈၀၀)ကို တိုင်းဒေသကြီးနဲ့ပြည်နယ် အလိုက် မခွဲခြားပဲ သတ်မှတ်သွားမှာဖြစ်ပြီး အလုပ်သမား(၁၀)ဦးနဲ့ အထက်ရှိတဲ့ လုပ်ငန်းတွေ အားလုံးပါဝင်တယ်လို့ သိရပါတယ်။ ကန့်ကွက်စာတင်မယ့်အချို့အလုပ်သမားတွေကတော့ အခုဇန်န၀ါရီလထဲမှာပဲ ကန့်ကွက်စာတင်သွားမှာဖြစ်တယ်လို့သိရပါတယ်။
 
အလုပ်သမားအဖွဲ့အစည်းအချို့ကလည်း အနည်းဆုံးအခကြေးငွေတစ်ရက်(၄၈၀၀)ကျပ် သတ်မှတ်လိုက်ရင် အလုပ်သမားတွေရဲ့ ခံစားခွင့်နဲ့ကိုယ်ပိုင်အရည်အချင်းတွေပေါ်မှာတော့ အလုပ်ရှင်တွေက လက်ရှိအတိုင်းပေးဖို့ လုပ်သမားကိုယ်စားလှယ်အချို့က တောင်းဆိုသွားမယ်လို့သိရပါတယ်။
 
အနည်းဆုံးအခကြေးငွေအဆိုပြုနှုန်းထားထွက်ရှိခဲ့တဲ့အပေါ် (၁၄)ရက်အတွင်းအလုပ်ရှင်(သို့မဟုတ်) အလုပ်သမားမှ ကန့်ကွက်မှုရှိခဲ့လျှင် သက်ဆိုင်ရာတိုင်းဒေသကြီးနဲ့ပြည်နယ်အစိုးရက စတင် ဖြေရှင်းပေးရမှာဖြစ်ပြီး သက်ဆိုင်ရာ တိုင်းဒေသကြီးနဲ့ ပြည်နယ်အစိုးရက ဖြေရှင်းလို့မရပါက အမျိုးသားကော်မတီကိုတင်ပြရမှာ ဖြစ်တယ်လို့သိရပါတယ်။ အနည်းဆုံးအခကြေးငွေ အဆိုပြုနှုန်းထား စတင်ကန့်ကွက်တဲ့ရက်မှစပြီးပြန်လည်ဆုံးဖြတ်ပေးတာတွေကို ရက်ပေါင်း(၆၀)အတွင်း လုပ်ဆောင်ရမှာ ဖြစ်တယ်လို့သိရပါတယ်။
 
 

Related News