ရန်ကုန်တိုင်းဒေသကြီး ရွှေလုပ်ငန်းရှင်များအသင်းမှ (၁၅)ကြိမ်မြောက် ရွှေပညာဒါနသင်တန်းရဲ့ သင်တန်းဆင်းပွဲကို ဇန်န၀ါရီလ(၁၁)ရက်နေ့က ရန်ကုန်တိုင်းဒေသကြီး ရွှေလုပ်ငန်းရှင်အသင်း ရုံးခန်းမှာ ပြုလုပ်ခဲ့ပါတယ်။သင်တန်းမှာ လာရောက်သင်ကြားကြတဲ့ သင်တန်းသူ၊ သင်တန်းသားတွေအနေနဲ့ သင်တန်းကာလ(၁၀)ရက်အတွင်း စီပွားရေးလုပ်ငန်းတွေမှာ ကျွမ်းကျင်စွာလုပ်ဆောင်နိုင်ခြင်း၊ ရွှေစုဆောင်းတဲ့အလေ့အထတွေနဲ့ ရွှေအရောင်းအ၀ယ်ပြုလုပ်တဲ့ အလေ့အထတွေ ရရှိခြင်း အစရှိတဲ့ အကျိုးကျေးဇူးတွေ ရရှိခဲ့ကြတယ်လို့ ဆိုပါတယ်။
 
သင်တန်းမှာ စာတွေ့သင်ကြားမှုနဲ့ လက်တွေ့ သင်ကြားမှုတွေ ပြုလုပ်ပေးတဲ့အပြင် ရွှေသန့်စင်လုပ်ငန်းနဲ့ ရွှေပန်းထိမ်လုပ်ငန်းတွေကို လက်တွေ့သင်ကြား ပေးခဲ့တယ်လို့ သိရပါတယ်။ရွှေပညာဒါန သင်တန်းနောက်ဆုံးရက်မှာတော့ မီးလင်းကတ္တားသင်ခန်းစာကို သင်ကြားပို့ချ ခဲ့ပါတယ်။ (၁၅)ကြိမ်မြောက် ရွှေပညာဒါနမှာ လာရောက်သင်ကြားကြတဲ့ သင်တန်းသူ၊ သင်တန်းသား အယောက်(၁၀၀)ကျော်ရှိပြီး ရွှေဆိုင်ဖွင့်လှစ်ထားသူတွေနဲ့ ရွှေလုပ်ငန်းနဲ့ အသက်မွေးဝမ်းကြောင်း ပြုလုပ်မယ့် သူတွေလာရောက် သင်ကြားခဲ့ကြတာကို တွေ့ရပါတယ်။
 
ရွှေပညာဒါနကို ယခုခေတ်ရွှေလုပ်ငန်းစိတ်ဝင်စားတဲ့ လူငယ်တွေအနေနဲ့ ရွှေပညာနဲ့ ပတ်သက်လို့ အသိပညာတွေ ရရှိစေဖို့အတွက်ရည်ရွယ်ပြီး ဇန်န၀ါရီလ(၂)ရက်နေ့မှ ဇန်န၀ါရီလ(၁၁)ရက်နေ့အထိ သင်တန်းကာလ(၁၀)ရက် ဖွင့်လှစ်သင်ကြားပို့ချခဲ့တာ ဖြစ်ပါတယ်။ သင်တန်းကာလ အတွင်းမှာ ရွှေထုတ်လုပ်တူးဖော်တဲ့လုပ်ငန်း၊ ရွှေသန့်စင်တဲ့လုပ်ငန်း၊ ရွှေပန်းထိမ်လုပ်ငန်း၊ ရွှေဆိုင်ဖွင့်တဲ့လုပ်ငန်း၊ ရွှေအပေါင်ခံခြင်းလုပ်ငန်း၊ ရွှေအရေအသွေးစစ်ခြင်းလုပ်ငန်း၊ ရွှေဖြူတွေရဲ့ ကွဲပြားခြားနားတဲ့ သဘော သဘာဝတွေ၊ ကျောက်မျိုးစုံရဲ့ကွဲပြားခြားနားမှုအကြောင်းအစရှိတဲ့ ရွှေလုပ်ငန်းနဲ့ပတ်သက်ပြီး  အသက်မွေးဝမ်းကြောင်း ပြုလုပ်နိုင်အောင် အချိန်အတိုအတွင်း သင်ကြားပို့ချပေးခဲ့တယ်လို့ သိရပါတယ်။
 
 
 

Related News