အသားစား ကျွဲနွားမွေးမြူရေးလုပ်ငန်းကို ပြည်တွင်းမှာ စတင် အကောင်အထည်ဖော်ဖို့ လိုအပ်တဲ့ အချက်အလက်တွေကို အမေရိကန်နိုင်ငံ တက္ကဆက်ပြည်နယ်မှ ကျွဲ၊နွား တိရစ္ဆာန် ပညာရှင်က သုတေသနစာတမ်းတစ်ခုပြုလုပ်ခဲ့ပြီး အဆိုပါ အချက်အလက်တွေကို မြန်မာနိုင်ငံ မွေးမြူရေး လုပ်ငန်းအဖွဲ့ချုပ်မှတစ်ဆင့် မွေးမြူရေးတောင်သူတွေကို ဝေမျှသွားမှာဖြစ်တယ်လို့ သိရပါတယ်။ 
ပြည်ပကို တင်ပို့ရန် အသားစားနွား သီးသန့်မွေးမြူတဲ့ လုပ်ငန်းတွေ ပြည်တွင်းမှာ စတင်လုပ်ကိုင်နိုင်ဖို့ လိုအပ်တဲ့ အချက်အလက်တွေကို USAID Farmer to Farmer Program မှ ဖိတ်ကြားထားတဲ့ တက္ကဆက်ပြည်နယ်မှ ကျွဲ၊နွား တိရစ္ဆာန် ပညာရှင်က နှစ်ပတ်တာကြာမြင့်တဲ့ သုတေသန လုပ်ခဲ့ပါတယ်။
 
အပူပိုင်းဒေသဖြစ်တဲ့ မန္တလေးတိုင်းဒေသကြီး ပျော်ဘွယ်မြို့နယ်၊ မတ္တရာ မြို့နယ်နဲ့ မြင်းခြံမြို့နယ်တို့မှာ ကွင်းဆင်းလေ့လာခဲ့ပြီး ပြည်တွင်း ကျွဲ၊နွားမွေးမြူရေးလုပ်ငန်း တိုးတက်ဖို့ လိုအပ်တဲ့ အချက်အလက်တွေကို မြန်မာနိုင်ငံမွေးမြူရေးလုပ်ငန်းအဖွဲ့ချုပ်မှတစ်ဆင့် မွေးမြူရေးနှင့်ကုသရေးဦးစီးဌာနနှင့် သက်ဆိုင်ရာ ၀န်ကြီးဌာနတွေအပြင် မွေးမြူရေးတောင်သူတွေ လက်ထဲရောက်ရှိဖို့ လုပ်ဆောင်သွားမယ်လို့သိရပါတယ်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ၂၀၁၇ ခုနှစ် အောက်တိုဘာ ၉ ရက်ကစပြီး ကျွဲ၊ နွားအရှင်တွေကို ပြည်ပသို့ တရားဝင်တင်ပို့ခွင့်ပြုခဲ့တာကြောင့် လက်ရှိမှာ ကျွဲ၊ နွားအရှင်တင်ပို့ဖို့ ဈေးကွက်တွေ ရှိနေပေမယ့် ပြည်တွင်းမှာ အသားစားဖို့ ကျွဲနွားတွေကို  သီးသန့်မွေးမြူမှုအားနည်းနေတယ်လို့သိရပါတယ်။
 
ပြည်တွင်း လုပ်ငန်းရှင်အများစုက  ခိုင်းနွားနဲ့ နို့စားနွားတွေကို နိုင်ငံခြားဈေးကွက်မှာ ရောင်းချဖို့ ပြင်ဆင်နေကြတာဖြစ်ပါတယ်။လယ်ယာကဏ္ဍမှာ အသုံးပြုနေတဲ့ ခိုင်းနွားတွေကို စုဆောင်းပြီး ပြည်ပတင်ပို့ရင် စိုက်ပျိုးရေး လုပ်ငန်းကို ထိခိုက်လာနိုင် တာကြောင့် ကျွဲ၊ နွားတွေကို အသားစားအဖြစ် သီးသန့်မွေးမြူနိုင်ဖို့ ပြောင်းလဲလုပ်ကိုင်ရတော့မှာ ဖြစ်ပါတယ်။ပြည်ပကို ကျွဲ၊နွားအရှင်တွေတင်ပို့ရန် တရားဝင်ခွင့်ပြုထားပေမယ့် အရည်အသွေးမှီပြီး အသားပြည့်ဖြိုးမှုရှိတဲ့ နွားတွေကို တင်ပို့နိုင်မှ မွေးမြူရေးတောင်သူတွေအတွက် ဈေးကောင်းရမှာ ဖြစ်တာကြောင့်  အသားစားကျွဲ၊နွားမွေးမြူရေးကို ပြည်တွင်းမှာ စနစ်တကျလုပ်ကိုင်ရန် ပြည်ပမှ နည်းပညာတွေ ဝေမျှသွားမှာဖြစ်တယ်လို့ မြန်မာနိုင်ငံမွေးမြူရေး လုပ်ငန်းအဖွဲ့ချုပ်မှ သိရပါတယ်။
 
 
 

Related News