၂၀၁၁-၁၂ဘဏ္ဍာနှစ်ကစပြီး လက်ရှိ ၂၀၁၇-၁၈ဘဏ္ဍာနှစ် ဒီဇင်ဘာလဆန်းအထိ လုပ်ငန်းပေါင်း (၉၅၀)ကျော်အတွက် မြန်မာနိုင်ငံကို နိုင်ငံခြား ရင်းနှီးမြှုပ်နှံမှု အမေရိကန်ဒေါ်လာ (၃၈)ဘီလီယံကျော် ၀င်ရောက်ထားတယ်လို့ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဋ္ဌာန(DICA)ရဲ့ အချက်အလက်တွေအရ သိရပါတယ်။ နှစ်အလိုက်ပြန်ကြည့်ရင်၂၀၁၅-၁၆ဘဏ္ဍာနှစ်မှာ နိုင်ငံခြားရင်းနှီးမြုပ်နှံမှု အမေရိကန်ဒေါ်လာ (၉)ဘီလီယံခွဲနီးပါး ၀င်ရောက်ခဲ့ပြီး (၇)နှစ်အတွင်း အများဆုံး ပမာဏဖြစ်ပါတယ်။ လက်ရှိအစိုးရ လက်ထက် ၂၀၁၆-၁၇ ဘဏ္ဍာနှစ်မှာ နိုင်ငံခြားရင်းနှီးမြှုပ်နှံမှု(၆.၆)ဘီလီယံဝင်ရောက်ခဲ့ပြီး ၂၀၁၇-၁၈ ဘဏ္ဍာရေးနှစ်မှာတော့ ပြီးခဲ့တဲ့ ၂၀၁၇ ဒီဇင်ဘာ နောက် ဆုံးပတ်အထိ နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ (၅) ဘီလီယံကျော်ရှိ နေပြီဖြစ်ပါတယ်။ (၇)နှစ်အတွင်း နိုင်ငံခြားရင်းနှီးမြုပ်နှံမှုတွေကို တိုင်းနဲ့ပြည်နယ်အလိုက်ပြန်ခွဲကြည့်ရင် ရင်းနှီးမြှုနှံမှုအားလုံးရဲ့ တစ်ဝက်နီးပါးဟာ ရန်ကုန်တိုင်းကို ၀င်ရောက်ခဲ့တာဖြစ်ပါတယ်။ စုစုပေါင်းဝင်ရောက်ခဲ့တဲ့ နိုင်ငံခြား ရင်းနှီးမြုပ်နှံမှု အမေရိကန်ဒေါ်လာ ၃၈ဘီလီယံကျော်ထဲမှာ ၁၉ဘီလီယံနီးပါးဟာ ရန်ကုန်တိုင်းမှာဖြစ်ပါ တယ်။
 
DICA ရဲ့အချက်အလက်တွေအရ ကျောက်မျက်တူးဖော်ရေးလုပ်ငန်းတွေအဓိကရှိတဲ့ ကချင်ပြည်နယ်မှာတော့ ၂၀၁၁-၁၂ ဘဏ္ဍာနှစ်က အမေရိကန်ဒေါ်လာ (၄)ဘီလီယံကျော် ၀င်ရောက်ပြီးနောက်ပိုင်း နိုင်ငံခြားရင်းနှီးမြုပ်နှံမှု ထပ်မံမရှိသေးတာ ဖြစ်ပါတယ်။ တိုင်းနဲ့ပြည်နယ်တွေ ထဲမှာ ကယားပြည်နယ် နဲ့ ချင်းပြည်နယ်မှာ (၇)နှစ်အတွင်း နိုင်ငံခြားရင်းနှီးမြုပ်နှံမှု လုပ်ငန်း(၁)ခုစီသာ ရှိခဲ့ပြီး အမေရိကန်ဒေါ်လာ(၁) ဘီလီယံနဲ့ (၃)ဘီလီယံကြား သာဝင်ရောက်ခဲ့တာဖြစ်ပါတယ်။ (၇)နှစ်အတွင်း ပြန်ကြည့်ရင် ရေနံနဲ့သဘာဝဓာတ်ငွေ့ကဏ္ဍဟာ နိုင်ငံခြားရင်းနှီးမြှုပ်နှံမှု အများဆုံးဝင်ရောက်ထားတဲ့ ကဏ္ဍဖြစ်ပါတယ်။ ဒါပေမယ့် ပြီးခဲ့တဲ့ ဘဏ္ဍာနှစ်ကနေ လက်ရှိအချိန်ထိ ဒီကဏ္ဍကို နိုင်ငံခြားရင်းနှီးမြှုပ်နှံမှုအသစ် ထပ်မ၀င်သေးပါဘူး။ ၂၀၁၁-၁၂ဘဏ္ဍာနှစ်ကနေ လက်ရှိဘဏ္ဍာနှစ် အထိနိုင်ငံခြား ရင်းနှီးမြှုပ်နှံမှုတွေဟာစက်မှုကဏ္ဍ၊ ရေနံနဲ့ သဘာဝဓာတ်ငွေ့ပို့ဆောင် ဆက်သွယ်ရေး ကဏ္ဍတွေကို အများဆုံးဝင်ရောက်ထားတာဖြစ်ပါတယ်။ လက်ရှိဘဏ္ဍာနှစ်မှာတော့ အိမ်ရာအဆောက်အဦးကဏ္ဍနဲ့ စက်မှုကဏ္ဍတွေမှာ နိုင်ငံခြားရင်းနှီးမြှုပ်နှံမှု အများဆုံးဝင် ရောက်ထားပါတယ်။ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဋ္ဌာနစာရင်းတွေအရ လက်ရှိအစိုးရလက်ထက်မှာ ရခိုင်ပြည်နယ်ကို နိုင်ငံခြား ရင်းနှီးမြှုပ်နှံမှုဝင်ရောက်ထားခြင်း မရှိသေးဘူးလို့သိရပါတယ်။ (DICA) အနေနဲ့ ၂၀၁၇-၁၈ ဘဏ္ဍာနှစ်အတွက် မြန်မာနိုင်ငံကို နိုင်ငံခြားရင်းနှီးမြှုပ်နှံမှု အမေရိကန် ဒေါ်လာ(၆)ဘီလီယံ ၀င်ရောက်နိုင်ဖို့ မျှော်မှန်းထားပါတယ်။
 
 

Related News