ဧပြီလကုန်ပိုင်းက ဘုရင့်နောင်ကုန်စည်ဒိုင်ကို  ကြက်သွန်နီဝင်ရောက်တဲ့ အရေအတွက်နည်းခဲ့ပေမဲ့ လက်ရှိမှာတော့ ကြက်သွန်နီတွေ ၀င်ရောက်မှုများလာတယ်လို့ သိရပါတယ်။ မေလ(၇)ရက်မှာတော့ ဘုရင့်နောင်ကုန်စည်ဒိုင်ကို ကြက်သွန်နီကားအစီးရေ (၆၀)နီးပါး ၀င်ရောက်ခဲ့တယ်လို့ မြန်မာနိုင်ငံ ကြက်သွန်နီ၊ ကြက်သွန်ဖြူနှင့် စားဖိုချောင် သီးနှံစိုက်ပျိုးထုတ်လုပ် တင်ပို့ ရောင်းချသူများအသင်းမှ သိရပါတယ်။ ဘုရင့်နောင်ကုန်စည်ဒိုင်ရဲ့ ပြီးခဲ့တဲ့ဧပြီလ(၂၃)ရက် ဈေးနှုန်းအရ ဆိပ်ဖြူကြက်သွန်နီ တစ်ပိသာကို (၅၂၅)ကျပ်ကနေ (၇၀၀)ကျပ်ထိ ရှိနေခဲ့တယ်လို့ သိရပါတယ်။

အခုလက်ရှိ မေလ(၇)ရက်နေ့ ဈေးနှုန်းကတော့ ဆိပ်ဖြူကြက်သွန်နီ တစ်ပိသာကို(၅၇၅)ကျပ်ကနေ တစ်ထောင်ဝန်းကျင်ရှိတယ်လို့ သိရပါတယ်။ ကြက်သွန်နီတွေရဲ့နယ်ပေါက်ဈေးတွေကတော့ မေလ(၇)ရက်နေ့ဈေးနှုန်းတွေအရ အမျိုးအစား အလိုက်အောက်စ တစ်ပိသာကိုငွေကျပ် (၃၀၀)ကျပ်ကနေ (၅၀၀)ကျပ်အထိရှိနေပြီး အပေါ်စတစ်ပိသာကို ငွေကျပ်(၅၅၀)ကနေ (၆၂၅)ကျပ်ထိ ရှိနေတယ်လို့ ဘုရင့်နောင်ကုန်စည်ဒိုင်မှ သိရပါတယ်။

 

 

Related News