ရန်ကုန်တိုင်းဒေသကြီးစိုက်ပျိုးရေးကဏ္ဍ ဖွံ့ဖြိုးတိုးတက်ရေးစီမံကိန်းကို လက်ရှိအကောင်အဖော် လုပ်ဆောင်ဖို့ လိုအပ်ချက်တွေရှိနေတယ်လို့ ဘဏ္ဍာရေး၊ စီမံကိန်းနှင့် စီးပွားရေးကော်မတီက စိစစ်တွေ့ရှိချက်တွေအရ အကြံပြုသုံးသပ်တင်ပြခဲ့ပါတယ်။ ဒါ့ကြောင့် မှတ်တမ်းအဖြစ်သာထားရှိဖို့ မေလ(၁၅)ရက်က ကျင်းပတဲ့ ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေး (၂၇) ရက်မြောက်အစည်းအဝေးမှာ သဘောထား မှတ်ချက်ပေးခဲ့တာဖြစ်ပါတယ်။ ခုဆွေးနွေးနေတဲ့ ရန်ကုန်တိုင်းဒေသကြီးစိုက်ပျိုးရေးကဏ္ဍ ဖွံ့ဖြိုးတိုးတက်ရေးစီမံကိန်းဟာ တိုင်းဒေသကြီးအတွင်း ၂၀၁၈ ကနေ ၂၀၂၁အထိ(၄)နှစ်တာ အကောင်အထည်ဖော်လုပ်ဆောင်မယ့် စီမံကိန်းဖြစ်ပါတယ်။

ဒီစီမံကိန်းကို တိုင်းဒေသကြီးလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီအပြင် ကိုယ်စားလှယ်(၇)ဦးက အသီးသီးဆွေးနွေးအကြံပြုခဲ့ကြတာပါ။ ကော်မတီက အဓိကတင်ပြတာကတော့  ဒီစီမံကိန်းအကောင်အထည် ဖော်ဖို့ လယ်ယာမြေ၀ယ်ယူလို့မရသေးတာတွေ၊ လယ်ယာမြေပိုင်ဆိုင်ခွင့် ရရှိပေမယ့် မြေယာလုပ်ပိုင်ခွင့်ပုံစံ (၇)ရရှိပြီး အခြားနည်းလမ်းသုံးစွဲခွင့် မရရှိသေးတာတွေကြောင့် ကော်မတီက ထောက်ခံအတည်ပြုပေးဖို့ ခက်ခဲနေတယ်လို့ ဆိုပါတယ်။ ဒါ့ကြောင့် တိုင်းဒေသကြီးအစိုးရအနေနဲ့ ပထမအဆင့်လယ်ယာမြေတွေ ၀ယ်ယူခွင့်ရရှိအောင် ခွင့်ပြုခွင့်ပေးသင့်ပြီး နောက်မှဥပဒေနဲ့ အညီ စက်မှုစီးပွားလုပ်ပိုင်ခွင့်မြေဂရမ်တွေ လုပ်ပေးသင့်တယ်လို့ ပြောပါတယ်။ ဒါ့ပြင် ဒီစီမံကိန်းလုပ်ငန်းတွေ ဆက်လက်လုပ်ဆောင်နိုင်အောင်  လျှပ်စစ်မီးရရှိဖို့၊ လမ်းပန်းဆက်သွယ်ရေးကောင်မွန်ဖို့နဲ့ အခြားလိုအပ်တဲ့ အခြေခံအဆောက်အအုံတွေကို အဓိကထား ဆောင်ရွက်ပေးဖို့ ဒီလို ဥပဒေ၊ နည်းဥပဒေနဲ့ အဆင့်ဆင့်ဆောင်ရွက်ပေးပြီးမှသာ စီမံကိန်းတွေ စတင်အကောင်အထည်ဖို့ လိုအပ်တယ်လို့ကော်မတီက သုံးသပ်တင်ပြပါတယ်။

ဒါတွေအဆင်သင့် ဖြစ်မှာသာ ဒီစီမံကိန်းကို လွှတ်တော်ကို ပြန်လည်တင်ပြသင့်ပြီး လက်ရှိမှတ်တမ်းအဖြစ်ထာရှိဖို့ ကော်မတီက သဘောထားမှတ်ချက်ပေးခဲ့ပါတယ်။ဆွေးနွေးခဲ့တဲ့လွှတ်တော်ကိုယ်စားလှယ်(၇)ဦးအနက် မှတ်တမ်းအဖြစ်ထားဖို့နဲ့ လက်ရှိမှာ အဆင့်သင့် မဖြစ်သေးလို့ စီမံကိန်းအကောင်အထည်ဖော်လုပ်ဆောင်ဖို့ မသင့်သေးကြောင်း ဆွေးနွေးအကြံပြုတာတွေ များပြီး ထောက်ခံဆွေးနွေးသူတွေလည်းရှိခဲ့ပါတယ်။ ဆွေးနွေးဖို့ ကျန်ရှိနေသေးတဲ့ ကိုယ်စားလှယ်တွေကို နောက်ရက်တွေမှာ ကျင်းပမယ့် လွှတ်တော်ပုံမှန်အစည်းအဝေးမှာ ဆွေးနွေးသွားကြမှာလည်းဖြစ်ပါတယ်။ တိုင်းဒေသကြီးအစိုးရအဖွဲ့အနေနဲ့ ရန်ကုန်တိုင်းဒေသကြီးစိုက်ပျိုးရေးကဏ္ဍ ဖွံ့ဖြိုးတိုးတက်ရေး စီမံကိန်းကို မတ်(၃၀)ရက်က တိုင်းဒေသကြီးလွှတ်တော်ကို ရှင်းလင်းတင်သွင်းခဲ့တာပါ။ ဒီစီမံကိန်းနဲ့ ပတ်သက်လို့ ဆွေးနွေးချင်တဲ့ ကိုယ်စားလှယ်တွေကို မေလ(၄)ရက်က တိုင်းဒေသကြီးလွှတ်တော်က အမည်စာရင်းတောင်းခံခဲ့ပြီး မေလ(၁၅)ရက်မှာ စတင်ဆွေးနွေးခဲ့ကြတာပါ။ 

 

 

Related News