ယခုနှစ်သရက်သီးတင်ပို့ချိန်မှာ ၁နှစ်ပတ်လုံး နည်းစနစ်တကျစိုက်ပျိုးခဲ့တဲ့ သရက်ခြံတွေ က သရက်သီးအထွက်နှုန်းနဲ့ အရည်အသွေးကောင်းပြီး ဈေးကွက်မှာဈေးကောင်းရနိုင်တယ်လို့သရက်စိုက် တောင်သူတွေကပြောပါတယ်။မန္တလေးတိုင်းဒေသကြီးအတွင်း သရက်ခြံတွေမှာမေလဟာ စိန်တစ်လုံးသရက်သီး ရင့်မှည့်ချိန်ဖြစ်ပြီး ခူးဆွတ်တင်ပို့ဖို့ အကောင်းဆုံးအချိန်ဖြစ်ပါတယ်။ ဒေသအတွင်းက သရက်စိုက်တောင်သူတွေကတော့  ခြံထွက်သရက်သီးကို တရုတ်ပြည်ဈေးကွက်ကိုအဓိကထား တင်ပို့ကြပါတယ်။ ယခုနှစ် တရုတ်ပြည်ဈေးကွက်မှာ သရက်သီး ၁၆ ကီလိုဂရမ် တစ်ခြင်းကို ပျမ်းမျှ တရုတ်ငွေ ယွမ် ၁၂၀ မြန်မာငွေ ၂၄၀၀၀ ကျပ်ဝန်းကျင် ရောင်းချရတယ်လို့သိရပါတယ်။

လက်ရှိသရက်ဈေးနှုန်းက ပြီးခဲ့တဲ့နှစ် ဈေးဝန်းကျင်ဖြစ်ပေမယ့်အရည်အသွေး ကောင်းရရှိတဲ့ သရက်တောင်သူတွေမှာ ဈေးကောင်းပိုရနိုင်တယ်လို့ သရက်စိုက်တောင်သူအချို့ကမျှော်လင့်နေပါတယ်။ ယခုနောက်ပိုင်း အရည်အသွေးကောင်းတဲ့ သရက်သီးတွေကို ပြည်တွင်းမှာ ၀ယ်ယူစားသုံးမှုတွေလည်း များလာ တယ်လို့လည်း ဆိုပါတယ်။ မြန်မာ့သရက်သီးကို လက်ရှိ တရုတ်နိုင်ငံ၊ ရုရှား၊ တောင်ကိုရီးယား၊ စင်္ကာပူ၊ ဒူဘိုင်းစတဲ့ နိုင်ငံတွေကို ရောင်းချ နေတယ်ပါတယ်။ ပြည်ပဈေးကွက်တွေမှာ သရက်သီးကို အရည်အသွေးအပေါ် မူတည်ပြီး ဈေးနှုန်းသတ်မှတ် ၀ယ်ယူကြပါတယ်။ ဒါကြောင့် ပြည်ပကိုတင်ပို့ရာမှာဈေးကွက် မပျက်အောင် တောင်သူတွေက သရက်သီးအရည်အသွေးကိုထိန်းသိမ်းဖို့လိုအပ်နေတယ်လို့ သိရပါတယ်။

ယခင်နှစ်တွေက သရက်သီးစိုက်တောင်သူအချို့မှာ သရက်သီးဈေးကွက်ပျက်တာတွေကြုံတွေ့ခဲ့ရပြီး  ဒီလိုဈေးကွက်မပျက်ဖို့ စိုက်ပျိုးမှုတွေမှာနည်းပညာအသုးံပြု စိုက်ပျိုးဖို့လိုအပ်တယ်လို့ သိရပါတယ်။ စိုက်ပျိုးနည်းပညာတွေရနိုင်ဖို့ တောင်သူအသင်းအစုဖွဲ့လည်းဖွဲ့စည်းဆောင်ရွက်နေပြီး  ယခုနှစ်မှာတာ့ သရက်စိုက်ပျိုးရာမှာနည်းပညာတွေ ပြောင်းလဲစိုက်ပျိုးခဲ့ကြတဲ့ တောင်သူတွေမှာ သရက်သီး အထွက်နှုန်းနဲ့အရည်အသွေးကောင်းမွန်လာကြတယ်လို့ သိရပါတယ်။ ၂၀၁၇ -၂၀၁၈ ခုနှစ်အတွင်း မန္တလေးတိုင်းဒေသကြီးအတွင်း သရက်စိုက်ဧက မှာ ၂သောင်း ၄ ထောင်ကျော်ရှီပြီး၊ တန်ချိန် ၆သောင်း၅ထောင် ကျော်ထွက်ရှိဖို့ခန့်မှန်း ထားပါတယ်။ ဒီအထဲကမှ ပြည်ပကို တန်ချိန် ၂ သောင်းကျော်တင်ပို့ဖို့ ခန့်မှန်းထားတယ်လို့(မန္တလေးတိုင်းဒေသကြီးသရက်သီးအစု အဖွဲ့) စာရင်းတွေအရ သိရပါတယ်။

 

 

Related News