ပြည်တွင်းအသားတင်ထုတ်လုပ်မှုတန်ဖိုးဖွံဖြိုးမှုနှုန်းဟာ ၂၀၁၆။၁၇ မှာ (၅.၉)ရာခိုင်နှုန်းရှိခဲ့ရာမှ ၂၀၁၇။၁၈ မှာ (၆.၄) ရာခိုင်နှုန်းကိုရောက်ရှိလာတယ်လို့ မြန်မာ့စီးပွားရေးစောင့်ကြည့်အစီရင်ခံစာမှ သိရပါတယ်။ ၂၀၁၇ - ၂၀၁၈ အတွက် ပြည်တွင်းအသားတင်ထုတ်လုပ်မှုတန်ဖိုဖွံဖြိုးမှုနှုန်း(၆.၄)ရာခိုင်နှုန်းကို ရောက်ရှိလာဟာ ကောက်ပဲသီးနှံထုတ်လုပ်မှုအခြေအနေ ပြန်လည်ကောင်းမွန်လာခြင်း၊ ကုန်ထုတ်လုပ်ငန်းများ အားကောင်းလာခြင်းနဲ့ ၀န်ဆောင်မှုလုပ်ငန်းကဏ္ဍတွင် တည်ငြိမ်လာခြင်း စတာတွေကြောင့်ဖြစ်တယ်လို့ အစီရင်ခံစာမှသိရပါတယ်။
 
ဖွံဖြိုးတိုးတက်လာပေမဲ့လည်း ခရီးသွား လုပ်ငန်းနဲ့ ငွေရေးကြေးရေး ဘဏ်လုပ်ငန်းကဏ္ဍတို့တွင် မရေရာမှုတွေကြောင့် နှေးကွေးခဲ့ရတယ် လို့လည်း သိရပါတယ်။ မြန်မာနိုင်ငံအစိုးရအနေနဲ့ မြန်မာနိုင်ငံရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်းMyanmar Sustainable Development Plan ကိုရေးဆွဲ အကောင်အထည် ဖော်လျက်ရှိနေပြီး အဲ့ဒီစီမံကိန်းဟာ တိုင်းပြည်အတွက် စီးပွားရေး ပြုပြင်ပြောင်းလဲမှုကို အရှိန်အဟုန်မြှင့်ဆောင်ရွက်နိုင်ရန်၊ ငွေရေးကြေးရေးကဏ္ဍကိုလည်း ခေတ်မီဖွံ့ဖြိုးတိုးတက်လာစေရန်နဲ့ ရေရှည်ဖွံ့ဖြိုးရေးကို ခြိမ်းခြောက်နေတဲ့ ပဋိပက္ခတွေကို ဖြေရှင်းနိုင်ရန်အတွက် လမ်းမြေပုံတစ်ခု ဖြစ်လာနိုင်မည်ဟု ယုံကြည်ကြောင်း မြန်မာနိုင်ငံ၊ ကမ္ဘောဒီးယားနိုင်ငံနှင့် လာအိုနိုင်ငံဆိုင်ရာ ကမ္ဘာ့ဘဏ်ရဲ့ ညွှန်ကြားရေးမှူးက ပြောပါတယ်။ကမ္ဘာ့ဘဏ်မှထုတ်ပြန်တဲ့ မြန်မာ့စီးပွားရေး စောင့်ကြည့်အစီရင်ခံစာကို မေလ(၁၇)ရက်နေ့က မင်းရဲကျော်စွာလမ်းရှိ UMFCCI မှာ  ထုတ်ပြန်ခဲ့တာဖြစ်ပါတယ်။
 
 
 

Related News