ရန်ကုန်စတော့အိပ်ချိန်းရဲ့ ရှယ်ယာအရောင်းအ၀ယ်ပြုလုပ်နိုင်တဲ့ အကြိမ်ရေတိုးမြှင့်အပြီး ရှယ်ယာတွေ ပိုရောင်းလာရသလို အရောင်းအ၀ယ်ပြုလုပ်တာတွေလည်း များလာတယ်လို့သိရပါတယ်။ ရန်ကုန်စတော့အိပ်ချိန်းမှာ ပြီးခဲ့တဲ့ မတ်လ (၃၀)ရက်နေ့ကစပြီး အရောင်းအ၀ယ်ပြု လုပ်နိုင်တဲ့ အချိန်ကို တစ်ရက် နှစ်ကြိမ်ကနေ လေးကြိမ်အထိတိုးမြှင့်ခွင့်ပြုခဲ့တာဖြစ်ပါတယ်။
 
အခုလို အကြိမ်ရေတိုးပြီးနောက် ရှယ်ယာအရောင်းအ၀ယ် ၃၇%ကျော်တိုးတက်လာသလို အေ၇ာင်းအ၀ယ်ဖြစ်တဲ့ရှယ်ယာ တန်ဖိုးက ၄၂%ကျော်တိုးလာတယ်လို့ သိရပါတယ်။အရင် တစ်ရက် ပျမ်းမျှရှယ်ယာ ၆၇၀၀ ကျော်အရောင်းအ၀ယ်ဖြစ်ခဲ့ရာက  အကြိမ်ရေ တိုးပြီးနောက် ၉၂၀၀ ကျော်အထိ အရောင်းအ၀ယ်တက်လာတယ်လို့သိရပါတယ်။
 
အရောင်းအ၀ယ် ဖြစ်တဲ့ရှယ်ယာတန်ဖိုးပမာဏကလည်း အရင် တစ်ရက် ပျှမ်းမျှ ကျပ် ၃၉သန်းရှိခဲ့ရာက အခုတစ်ရက် ကျပ် ၅၇သန်းအထိတိုးလာတယ်လို့ပြောပါတယ်။ ဒါ့အပြင် အရင်က ရှယ်ယာအရောင်းအ၀ယ်တင်တာတွေက တစ်ရက်ကို ၁၇၇ကြိမ်ရှိခဲ့ပြီး အခုလေးကြိမ်ဖြစ်လာတဲ့နောက် တစ်ရက်ကို အရောင်းအ၀ယ်တင်တာ အကြိမ် ၁၉၀ နီးပါးဖြစ်လာပြီး ၆ရာခိုင်နှုန်းကျော် တက်လာတယ်လို့ သိရပါတယ်။
 
အရင် တစ်ရက်နှစ်ကြိမ်အရောင်းအ၀ယ်ပြုလုပ်နိုင်တုန်းက ပထမအချိန်မှာ ၈၀ရာခိုင်နှုန်းနီးပါး အရောင်းအ၀ယ်ပြုလုပ်ကြပြီး နောက်အကြိမ်မှာတော့ ၂၀ရာခိုင်နှုန်းသာ အရောင်းအ၀ယ်ပြုလုပ်ကြ တယ်လို့ ရန်ကုန်စတော့အိပ်ချိန်းရဲ့ အချက်အလက် တွေအရသိရပါတယ်။
 
အခုလေးကြိမ် အရောင်းအ၀ယ် ပြုလုပ်ရာမှာလည်း ၈၀ရာခိုင်နှုန်းက ပထမနှစ်ကြိမ်မှာပဲ အရောင်းအ၀ယ်ပြုလုပ်ကြ တယ်လို့ သိရပါတယ်။လက်ရှိ အွန်လိုင်းကနေ အရောင်းအ၀ယ်ခွင့်ပြုထားပြီဖြစ်ပေမယ့် အွန်လိုင်းစနစ်ကြောင့် အရောင်းအ၀ယ်ပမာဏ တက်မလာဘူးလို့သိရပါတယ်။
 
ရန်ကုန်စတော့အိပ်ချိန်းမှာတော့ လက်ရှိ ကုမ္ပဏီ ငါးခုရဲ့ ရှယ်ယာတွေကို အရောင်းအ၀ယ် ပြုလုပ်နိုင်နေပြီး ရေအားလျှပ်စစ်ကုမ္ပဏီတစ်ခု၊ ထောက်ပံ့ပို့ဆောင်ရေးလုပ်ငန်း ကုမ္ပဏီတစ်ခုနဲ့ လယ်ယာစိုက်ပျိုးရေးနဲ့ဆိုင်တဲ့ ကုမ္ပဏီ တစ်ခုကလည်း အခုနှစ်အတွင် စတော့အိပ်ချိန်းကို ထပ်မံဝင်ရောက်လာဖို့လုပ်ဆောင်နေပါတယ်လို့ သိရပါတယ်။
 

Related News