ယာဉ်စီးခကို ကတ်စနစ်ဖြင့် ငွေပေးချေရန် YBS နှင့် ညီညွတ်မည့်စနစ်တစ်ရပ်ကို အကောင်အထည် ဖော်မည့် ကုမ္ပဏီအား ရွေးချယ်ခဲ့ပြီးဖြစ်၍ မကြာမီမှာပင် စာချုပ်ချုပ်ဆိုပြီးဆောင်ရွက်မည်ဖြစ်တယ်လို့ ဇွန်လ(၈)ရက်က ကျင်းပတဲ့ ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေး (၄၂)ရက်မြောက်နေ့တွင် လျှပ်စစ်၊ စက်မှုလက်မှုနှင့်လမ်းပန်း ဆက်သွယ်ရေးဝန်ကြီး ဒေါ်နီလာကျော်က ပြောကြားပါတယ်။ 

YBS စနစ်စတင် ပြောင်းလဲစဉ်က ငွေဖြည့်ကဒ်စနစ်ကို (၃)လအတွင်းမှာ ကျင့်သုံးနိုင်အောင် အကောင်အထည်ဖော်သည့်အခါ  မိမိတို့နှင့်ကိုက်ညီသော ယာဉ်စီးခပေး ချေသည့်ကတ်စနစ် တစ်ခု မှန်မှန်ကန်ကန်ပေါ်ထွက်လာရေးအတွက် လေ့လာဆွေးနွေးဆောင်ရွက်ရခြင်း၊ ပွင့်လင်းမြင်သာသော တင်ဒါစနစ် ဆောင်ရွက်နိုင်ရန်နှင့် နိုင်ငံတကာမှ တင်ဒါတွင်ပါဝင်လာနိုင်ရန် စနစ်ကျသော လုပ်ငန်းစဉ် အဆင့်ဆင့်ဆောင်ရွက်ခြင်း၊ Bus ကားစီးခြင်းအတွက်သာမက ကဏ္ဍစုံသုံးစွဲနိုင်ရေး ပြင်ဆင်ရခြင်းတို့ ဆောင်ရွက်ခဲ့ရသောကြောင့် ယခုလိုအချိန်ယူရခြင်း ဖြစ်တယ်လို့ ရန်ကုန်တိုင်းဒေသကြီးအစိုးရအဖွဲ့ လျှပ်စစ်၊စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောပါတယ်။  

သယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင်အဖွဲ့ YRTA အနေနဲ့ လာမည့် ၂၀၁၉ တွင် လိုအပ်တဲ့ဥပဒေ၊ နည်းဥပဒေများပေါ်ထွက်လာရေးအတွက်လည်း လွှတ်တော်သို့တင်ပြမည်ဖြစ် ပြီးလိုအပ်သော ဥပဒေတစ်ရပ်မပြုစုနိုင်သေးမီ YRTA ကြီးကြပ်ကွပ်ကဲမှုမှာရှိနေတဲ့ မော်တော်ယာဉ်များ၊ ရေလမ်းပို့ဆောင်ရေး၊ ကုန်းလမ်းပို့ဆောင်ရေး အစရှိသော မော်တော်ယာဉ်များ၊ မီးရထားအပါအဝင် အားလုံးကို လက်ရှိပြည်ထောင်စုဥပဒေများနှင့်အညီ စီမံကြီးကြပ် ဆောင်ရွက်လျက်ရှိတယ်လို့သိရပါတယ်။

ယာဉ်ကြောကြပ်တည်းမှုအား အတိုင်းအတာတစ်ရပ်အထိ ဖြေရှင်းပေးနိုင်ရေးနှင့် YBS ယာဉ်များ စည်းကမ်း ထိန်းသိမ်းရေးအတွက် Control Center အဆောက်အဦတည်ဆောက်ခြင်းမှာ ရာနှုန်းပြည့် ပြီးစီးပြီးဖြစ်ပြီး CCTV များဖြင့်စောင့်ကြည့်ခြင်း၊ ရန်ကုန်တိုင်း Operator ၊ ရန်ကုန်ဘတ်စ်ကားများကိုထိန်းချုပ်သည့် Centerတို့မှာ လုပ်ငန်းများလည်ပတ်ဆောင်ရွက်နေပြီဖြစ်တယ်လို့သိရပါတယ်။ NetWork ချိတ်ဆက်ရမှုများမှာ ပေါင်းစပ်ညှိနှိုင်းမှုများ ပြုလုပ်နေပါကြောင်းနဲ့ ရန်ကုန်တိုင်းဝန်ကြီးချုပ်မှ မြန်မာနိုင်ငံဆိုင်ရာ တရုတ်သံ အမတ်ကြီးနှင့် တိုက်ရိုက်ချိတ်ဆက်ပြီးတော့ လိုအပ်ချက် များကို ညှိနှိုင်းဆောင်ရွက်လျက်ရှိတယ်လို့ သိရပါတယ်။

 

 

Related News