သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနက သစ်အခြေခံပရိဘောဂလုပ်ငန်းရှင်များအသင်းအား တောင်သရက်သစ်များချပေးသွားမယ်လို့ သစ်အခြေခံပရိဘောဂလုပ်ငန်းရှင်များအသင်းမှ သိရပါတယ်။သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနကနေ သစ်ကုန်ကြမ်းအဖြစ် တောင်သရက်သစ်မာတွေကို ပရိဘောဂလုပ်ငန်းရှင်တွေအဆင်ပြေစေဖို့အတွက် ဇွန်လနောက်ဆုံးပတ်မှာ ချပေးသွားမယ်လို့ သိရပါတယ်။ တောင်သရက်သစ်မာတွေဟာ ကျွန်းသစ်တွေလို ပရိဘောဂပစ္စည်းတွေပြုလုပ်ရာမှာ မလွယ်ကူတာကြောင့် ဆေးဖြန်းပြီးသားသစ်မာတွေကိုချပေးသွားမှာဖြစ်ပြီး ပရိဘောဂလုပ်ငန်းရှင်တွေအနေနဲ့ တောင်သရက်သစ်မာတွေကို ခွဲစိတ်ပြီး သစ်ကိုပေါင်းပြီးမှသာအသုံးပြုလို့ ရတယ်လို့ သိရပါတယ်။ ၀န်ကြီးဌာနအနေနဲ့လည်း အရင်က ကျွန်းသစ်၊ ပိတောက်စတဲ့ အခြားသစ်မာကုန်ကြမ်းတွေကိုလည်း ချထားပေးပြီးဖြစ်တယ်လို့ သိရပါတယ်။

သစ်ဈေးကွက်အနေနဲ့ ၀ယ်သူတွေဟာ ကျွန်းသစ်တွေကို အ၀ယ်များပေမယ့် ဈေးနှုန်းအရလည်းကွာခြားတာကြောင့် ဈေးအသင့်အတင့်နဲ့ ၀ယ်ယူနိုင်အောင် ပိတောက်၊ စကားဝါ၊ တောင်သရက်သစ်မာတွေနဲ့ပါ ပရိဘောဂပစ္စည်းတွေပြုလုပ်ပြီး ရောင်းချပေးနေတယ်လို့ သိရပါတယ်။ သစ်မာတွေဟာ သစ်ရဲ့သဘာဝအရ ကြုံ့မှု၊ ပြန့်မှုပမာဏများတာကြောင့် ပရိဘောဂလုပ်ရာမှာ ခက်ခဲပေမယ့် ဈေးသင့်တာကြောင့် ပရိဘောဂလုပ်ငန်းရှင်တွေကို အဲဒီသစ်တွေနဲ့ ပရိဘောဂပစ္စည်းတွေ အများအပြားထုတ်လုပ်နိုင်အောင် ချထားပေးတာဖြစ်တယ်လို့ သိရပါတယ်။ပရိဘောဂလုပ်ငန်းရှင်တွေ ပြုလုပ်ထားတဲ့ပရိဘောဂပစ္စည်းတွေကို ပြည်ပနိုင်ငံတွေထက် ပြည်တွင်းမှာ ရုံးတွင်းအသုံးပြုဖို့ အတွက် လုပ်ငန်းရှင်တွေမှ ပရိဘောဂပစ္စည်းအမျိုးမျိုးနဲ့ အိမ်ရှင်မတွေအနေနဲ့ အိမ်အသုံးအဆောင်ပစ္စည်းတွေမှာအသုံးပြုဖို့ ပိုမိုဝယ်ယူကြတယ်လို့ သိရပါတယ်။ ပြည်ပနိုင်ငံတွေမှာတော့ အိမ်ခြံဝန်းတွေနဲ့ ရေကူးကန်ဘေးတွေမှာ အလှထားတဲ့ ပရိဘောဂတွေကိုသာ ၀ယ်ယူကြတယ်လို့ သိရပါတယ်။

 

 

Related News