ပြည်ပတင်ပို့ကုန်တွေအတွက် ကုန်သိုလှောင်ရုံအသစ်တစ်ခုကို သီလဝါအထူးစီးပွားရေးဇုန်မှာ ဇွန်(၁၂)ရက်နေ့က ဖွင့်လှစ်လိုက်ပါတယ်။ ထက်ဇာခြည်လှိုင်က တင်ဆက်ပေးပါမယ်။ပြည်ပတင်ပို့ကုန်တွေကို နိုင်ငံတကာကို မတင်ပို့မှီ သိုလှောင်ထားနိုင်ဖို့ရည်ရွယ်ပြီး သီလဝါအထူးစီးပွားရေးဇုန်မှာ ဂျပန်နိုင်ငံ Ryobi Holding ကုမ္ပဏီကလာရောက်ဖွင့်လှစ်တာ ဖြစ်ပါတယ်။

ဒီသိုလှောင်ရုံမှာတော့ အေးခဲစားသောက်ကုန်ပစ္စည်းများ၊ ရေထွက်ကုန်ပစ္စည်းများ၊ အသားများ၊ ဆန်၊ ပဲ၊ ချောကလက်၊ ဓာတုပစ္စည်းများ၊ ပြုပြင်ထားသော အစားအစာများ၊ ကျန်းမာရေးပစ္စည်းများ၊ ဟင်းသီးဟင်းရွက်များနဲ့ ကုန်သေတ္တာပစ္စည်းများကို ထားရှိနိုင်မှာ ဖြစ်ပါတယ်။ 

ကုန်သိုလှောင်ခန်းကတော့ အမျိုးအစားလေးမျိုးပါရှိပြီး ကုန်ပစ္စည်း အရည်အသွေးကိုလည်း လာရောက်သိုလှောင်သူတွေပေးပို့တဲ့ အရည်အသွေးအတိုင်း မလျော့စေတဲ့နည်းပညာတွေကို အသုံးပြုထားတယ်လို့ ပြောပါတယ်။ ဒါ့အပြင် ကုန်ပစ္စည်းအခြေအနေ တွေကို မိုဘိုင်းလ်ဖုန်းတွေကနေကြည့်ရှု့နိုင်တဲ့ နည်းစနစ်တွေကိုလည်း ပြုလုပ်ပေးထားတယ်လို့ သိရပါတယ်။ Ryobi Holding ကုမ္ပဏီအနေနဲ့ ဂျပန်နိုင်ငံ၊ အင်ဒိုနီးရှား၊ အမေရိက စတဲ့ သုံးနိုင်ငံမှာ ကုန်သိုလှောင်ရုံတွေကို ဖွင့်လှစ်ထားခဲ့ပြီး မြန်မာနိုင်ငံမှာဆိုရင် လေးခုမြောက် လာရောက်ဖွင့်လှစ်တာ ဖြစ်ပါတယ်။ ရင်းနှီးမြှုပ်နှံမှုအနေနဲ့ အမေရိကန်ဒေါ်လာ(၂၆)သန်းကျော် ရင်းနှီးမြှုပ်နှံထားတယ်လို့ သိရပါတယ်။

 

 

 

 

Related News