ကြက်မွေးမြူရေးလုပ်ငန်းတွေမှာဆုံးရှုံးမှုတွေ မကြုံရအောင် မွေးမြူရေးခြံတွေမှာ ကျရောက်တတ်တဲ့ရောဂါတွေကို သေချာဖော်ထုတ်ပြီး ထိန်းချုပ်နိုင်ဖို့လိုအပ်နေတယ်လို့ မြန်မာနိုင်ငံမွေးမြူရေးလုပ်ငန်းအဖွဲ့ချုပ်၊ မန္တလေးတိုင်းဒေသကြီးတာဝန်ရှိသူထံကသိရပါတယ်။ မြန်မာနိုင်ငံရဲ့မွေးမြူရေးလုပ်ငန်းတွေထဲမှာ ကြက်မွေးမြူရေး ကဏ္ဍဟာ နှစ်စဉ် (၁၅) ရာခိုင်နှုန်းဝန်းကျင် တိုးတက်မှုရှိနေတယ်လို့သိရပါတယ်။ 

ကြက်မွေးမြူရေးလုပ်ငန်းတွေမှာ ၂၀၁၇-၂၀၁၈ ခုနှစ် အတွင်းမှာ တော့ စိန်ခေါ်မှုတွေရှိလာတယ်လို့သိရပါတယ်။ ဒီအထဲမှာ ကြက်ခြံတွေမှာရောဂါကျရောက်တာ၊ နယ်စပ်ဖြတ်ကျော် ကြက်ဥကြက်သား၊ မြေယာပိုင်ဆိုင်ခွင့် စတဲ့အခက်အခဲတွေနဲ့ရင်ဆိုင်နေရတယ်လို့သိရပါတယ်။ ဒီအထဲက ကြက်မွေးမြူရေးလုပ်ငန်းတွေမှာ ရောဂါကျ ရောက်မှုက အဓိကအရေးကြီးနေပြီး ပြီးခဲ့တဲ့နှစ်တွေက မွေးမြူထားတဲ့ကြက်တွေ မှာ ရောဂါကြောင့် (၁)နှစ်အတွင်း သုံးလေးကြိမ်ဆုံးရှုံး ခဲ့တယ်လို့သိရပါတယ်။ ဆုံးရှုံးတဲ့အခါမှာ ကြက်မွေးမြူရေးလုပ်ကိုင်သူတွေက ရောဂါကိုသေချာမသိကြတာတွေကြုံနေရတယ်လို့ဆိုပါတယ်။

ကြက်မွေးမြူရေး နဲ့ ပတ်သက်တဲ့ရောဂါတွေကို သေချာဖော်ထုတ်ပြီး ထိန်းချုပ်ဖို့ လိုအပ်နေပါတယ်။ ကြက်မွေးမြူရေးလုပ်ငန်းတွေမှာဖြစ်တဲ့ ရောဂါကို အမျိုးအစား သေချာဖော် ထုတ်နိုင်မှလည်းရောဂါနဲ့သက်ဆိုင်တဲ့ ကာကွယ်ဆေးကိုအသုံးပြုနိုင်မယ်လို့သိရပါတယ်။ ဒီလိုကြက်မွေးမြူရေး လုပ်ငန်ငန်းတွေမှာ ကျရောက်တဲ့ရောဂါတွေနဲ့ပတ်သက်ပြီး ဖော်ထုတ်ပေးနိုင်ဖို့မွေးမြူရေးနဲ့ကုသရေးဦးစီးဌာနကို တင်ပြထားတယ်လို့ မြန်မာနိုင်ငံမွေးမြူရေးလုပ်ငန်း အဖွဲ့ချုပ်၊ မန္တလေးတိုင်းဒေသကြီးဥက္ကဋ္ဌ ဒေါက်တာကျော်ထင်ကပြောပါတယ်။ 

ကြက်မွေးမြူရေးလုပ်ငန်းတွေမှာ အများစုက ကြက်ဥကဒ် နဲ့ ကြက်စာတွေကို ကြက်ခြံတစ်ခြံကနေ တစ်ခြံကို ပြောင်းလဲသယ်ယူကြပြီး ရောဂါတွေဟာ မိမိခြံထဲကို သယ်ယူတဲ့ ကြက်ဥကဒ် ကြက်စာ စတာတွေကနေ လည်းပါလာနိုင်တယ်လို့သိရပါတယ်။ ခြံရဲ့ဇီဝလုံခြုံရေး ကို အဓိကဆောင်ရွက်ဖို့လိုအပ်ပြီး ကြက်ချေး နဲ့ ယင်ကောင် တွေကိုလည်း ထိန်းချုပ်နိုင်ဖို့ လိုအပ်တယ်လို့သိရပါတယ်။ ကြက်မွေးမြူရေးလုပ်ငန်းလုပ်ကိုင် သူတွေအနေနဲ့ နိုင်ငံတကာနဲ့ ယှဉ်နိုင်မယ့် မွေးမြူရေးစနစ်တွေ ခြံစနစ်တွေ ကိုဆောင်ရွက်ဖို့လိုအပ်တယ်လို့ဆိုပါတယ်။ ပြည်တွင်းက ထုတ်လုပ်မှုကောင်းကောင်း မလုပ်နိုင်ရင် ပြည်ပ အိမ်နီးချင်းနိုင်ငံ တွေကဝင်ရောက်လာနိုင်ပြီး ပြည်တွင်းကြက်မွေးမြူရေးလုပ်ကိုင်သူတွေမှာ ထိခိုက်လာနိုင်တယ်လို့သိရပါတယ်။ 

 ကြက်မွေးမြူရေးလုပ်ငန်းတွေ တိုးတက်ဖို့ နဲ့ ကြုံတွေ့နေရတဲ့ အခက်အခဲတွေ ပူးပေါင်း ဖြေရှင်းနိုင်ဖို့ မြန်မာနိုင်ငံ မွေးမြူရေးလုပ်ငန်း အဖွဲ့ချုပ်၊ မန္တလေးတိုင်းဒေသကြီးကတာဝန်ရှိသူတွေ နဲ့ ပြင်ဦးလွင်မြို့နယ်ကြက်မွေးမြူရေးလုပ်ငန်းရှင်များ တွေ့ဆုံဆွေးနွေးပွဲ ကို ဇွန်လ (၁၃)ရက် ပြင်ဦးလွင်မြို့၊ မြနန်းတော်ဟိုတယ်မှာပြုလုပ်ခဲ့ပါတယ်။ 

 

 

 

 

Related News